2 Peturu 3:17 - Tennet

¹⁷ Gotonogga ki ngonogga tu̱we̱nta̱, i̱yo̱ko̱ zin, eci niga a̱gga̱yyu̱ de̱mzi̱ne̱t ci ol wak e̱e̱ggi̱n volongnyok ko̱ la̱du̱n, abunna ming ebekku e̱le̱tti̱ ju̱rru̱m kar iróng nege alabanung i̱ge̱t kar urubta mu̱nye̱n cik ol wak abure Ta̱mu̱ta̱dde̱n bak kacin utuburtu tu̱we̱ne̱t cunno̱ng.

2 Peturu 3:17 ပူးပေါင်းရင်းမြစ်များ

Ma̱te̱yo̱ 16:11

Iróng niga bu̱k a̱gga̱yyu̱ iróng kozozi zoz ci obod ki kidikidir ci á̱há̱tu̱? I̱yo̱ko̱ zin ka̱du̱wa̱ bo̱do̱k zoz cu, u̱zu̱tte̱ kidirkidir ci anyak nyigit cik meertak Varacisi ki Saddocis.”

Ma̱te̱yo̱ 16:6

Kar zin Ye̱su̱ kizek nogo ne, “U̱zu̱tte̱ e̱le̱tti̱, zo̱ze̱ ci kidikidir ci adakku da̱i̱ne̱t cik anyak nyigit cik meertak olli Varacis ki Saddocis.”

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Kaviyak wak Abunna Ta̱mu̱ta̱dde̱no̱ eher Joni 16:4

Ka̱du̱wa̱kku̱ng zoz cu eci ming i̱ki̱ya̱ i̱i̱te̱ni̱ neci, ovvo atin a̱a̱da̱nnu̱ zoz bali ku̱du̱wa̱kku̱ng ke̱. Iróng arrak ba̱li̱ye̱ ka̱du̱wa̱kku̱ng zoz cu oowa ma̱rri̱t ba̱li̱ye̱ ming ngen kaavtte bu̱k.”

Buk wa To̱ni̱a̱u̱ 2:42

Aanycik nege e̱le̱tti̱ cigge̱k de̱mzi̱ne̱t ci to̱ni̱a̱u̱ ki wowonet cinne̱ng, ki du̱le̱ne̱t umune nga̱to̱de̱ ki lawinet.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

1 Ko̱ri̱nto̱ 10:12

Ming i̱no̱n e̱e̱ti̱ azi ne okkomi enne tu̱we̱nta̱ kak, zuute ele ju̱rru̱m, gerza ming okko a̱yu̱we̱.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 11:3

Ma̱i̱je̱ i̱yo̱ko̱, ko̱ngo̱o̱le̱ anna alabanung atin uwat ki bali ming alaba ogonikket Eva, ngaa ci Adami nyaate ci een Eden ke̱. Kar i̱yo̱ko̱, ecebannung atin uwat o̱o̱tti̱ kar iróng ngen arikku zi̱nze̱tti̱ Ki̱ri̱sto̱ de̱de̱ ki ba̱li̱ye̱.

Ga̱la̱ti̱a̱ 5:4

Imma niga ol cik orongnyu ubunntta ngu̱me̱ ci Ta̱mu̱ta̱dde̱no̱ ngati azunnu lo̱ti̱nno̱k wak Musesi, engerttau e̱le̱tti̱ ciggo̱k ngati Ki̱ri̱sto̱, de̱de̱, u̱yu̱ktte̱u̱ utungtteu deten ci Ta̱mu̱ta̱dde̱no̱ lo̱o̱c.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Vilipia 3:2

Egenyyit ngati ol cik gerzek ogon kiwagon urzi. Ogon nege mu̱nye̱n, irez te̱di̱ne̱t vi̱ca̱vi̱cce̱t cik ollu azi ne abunna ming amuda e̱e̱ti̱ ti̱ri̱ze̱ne̱t.

Kolosiya 2:5

Ki i̱yo̱ko̱ ming iróng anna kaavtte imma i̱ge̱t nga̱to̱de̱ ko̱, kaavtte anna imma i̱ge̱t vongiza, katalne zin zo̱ze̱ ci adimannu niga kaal cuggo̱k baiza ju̱rru̱m, kar ibilet ṯop tu̱we̱nta̱ zo̱ze̱ ci Ki̱ri̱sto̱.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

2 Ti̱mo̱te̱yo̱ 4:15

Zuute ele cunne, eci enne adang zoz ci kuwaheka ol ko̱ oroot.

I̱bu̱ru̱ 3:14

Kozol naga li̱ngli̱ngo̱n ci Ki̱ri̱sto̱ nga̱to̱de̱. Abunna ka̱tu̱ naga nonno de̱de̱ udut ki baling ka̱tu̱ arrak oowa ke̱.

1 Peturu 5:9

Abunna zin niga do̱o̱k ming aburnnu kaal cik lo̱rye̱nta̱k. Okkomit tu̱we̱nta̱ kak. A̱gga̱yyu̱ ri̱t niga ol wak a̱tu̱we̱ lo̱o̱co̱we̱ do̱o̱k apirna ki i̱yo̱ko̱ niga ming apirnannu bu̱k ko̱.

2 Peturu 2:7

Eela zin bali Ta̱mu̱ta̱dde̱n Lot, e̱e̱t ci bali abak baiz ci emede ngu̱me̱ ci Ta̱mu̱ta̱dde̱no̱, u̱la̱l zin nonno baizi ci abahe olli mu̱nye̱nu̱ wak abak bu̱k ko̱.

2 Peturu 3:1

Gotonogga ki ngonogga tu̱we̱nta̱, i̱yo̱ko̱ keherakkung bo̱do̱k waraga necu kar kunu gooni bali arrak keherakkung oowa ke̱. Imma zin waraganyai ne̱ko̱ do̱o̱k, korongi ka̱a̱da̱u̱ng i̱ge̱t zo̱zzo̱k ne̱ke̱ kar i̱no̱ni̱t nogo do̱o̱k.

O̱no̱zzo̱k 2:5

I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.