2 Peturu 3:16 - Tennet

¹⁶ Eher enne waraganyai ciginnek do̱o̱k zoz ci akati kaal ne̱ko̱ ele. Ozoz gon bali enne zoz ci odoi ngatinna, iróng zin naga ka̱gga̱ ke̱ngti̱ cik zo̱zzo̱k ne̱ke̱. Imma ol uggak wak iróng a̱gga̱ zoz ci Ta̱mu̱ta̱dde̱no̱ ju̱rru̱m, ovvo nege edemezek zo̱zzo̱k cik Pa̱u̱lo̱ ol volonga. Edemez nege ol bu̱k waraganyai cik Ta̱mu̱ta̱dde̱no̱ ko̱ volonga. A̱li̱b atin Ta̱mu̱ta̱dde̱n nogo zo̱ze̱ necu.

2 Peturu 3:16 ပူးပေါင်းရင်းမြစ်များ

Kananet 49:4

Ogonni i̱nna̱ ki i̱yo̱ko̱ tawani ci a̱ri̱k ko̱, iróng atin i̱nna̱ ngen ogonni kaal ju̱rru̱m, eci i̱nna̱ uuwu rok kwe̱e̱n ci baatunne, u̱tu̱wu̱lu̱ rok nginti koonge anna.

Ma̱te̱yo̱ 15:3

O̱bo̱de̱k zin Ye̱su̱ nogo, azi ne, “Inya niga ming iróng o̱ngo̱o̱li̱nnu̱ ti̱lo̱wi̱ne̱t ci Ta̱mu̱ta̱dde̱no̱ abarik azunnu keer cunno̱ng ko̱?

Ma̱te̱yo̱ 15:6

Edemezu niga e̱e̱t neci gerza ming o̱ngo̱o̱le̱ baatinne ngati iróng anyike muci. Ibbezzu niga ti̱lo̱wi̱ne̱t wa Ta̱mu̱ta̱dde̱no̱ eci azunnu keer cunno̱ng.

Ma̱te̱yo̱ 22:29

O̱bo̱de̱k zin Ye̱su̱ nogo, “Abaccu niga oroot eci iróng niga a̱gga̱yyu̱ Waraga ci Ta̱mu̱ta̱dde̱no̱, icima komiz cinne.

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

I̱bu̱ru̱ 5:11

Kanyak kaal cik meelek cik kozoz zo̱ze̱ necu, okkomi ming koobekkung, eci niga e̱e̱ggi̱nnu̱ ol cik a̱di̱ngdi̱nge̱ o̱o̱tti̱.

Je̱mi̱s 1:8

Abarik ming uk enne orong kaal cik kar Manyi kaanyik nonno, ogon enne kiwagon e̱e̱ti̱ ci anyak zi̱nze̱tti̱ ram, iróng ogon kaal ne̱ke̱ do̱o̱k ju̱rru̱m.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.

2 Peturu 2:1

Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

2 Peturu 2:14

I̱no̱n nege zoz ci gerze orongit kimice ngaai, ovvo ngaai orong ol cik macik. Orong ku̱lu̱ta̱ ol cik amuje o̱o̱tti̱. Abbize zi̱nze̱tti̱ cigge̱k gerziten do̱ niko.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

2 Peturu 3:2

Korongnyung i̱ge̱t a̱a̱dda̱ zo̱zzo̱k balik a̱du̱wa̱ a̱ri̱tto̱wa̱ wak a̱li̱le̱ zoz ci Ta̱mu̱ta̱dde̱no̱, ki bo̱do̱k de̱mzi̱ne̱t ci Manyitinna wa een Ti̱ri̱zo̱i̱t bali edemezek enne to̱ni̱a̱k.

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.