2 Peturu 3:14 - Tennet

¹⁴ Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

2 Peturu 3:14 ပူးပေါင်းရင်းမြစ်များ

Ma̱te̱yo̱ 24:26

“Ming a̱du̱wa̱kku̱ng e̱e̱ti̱ imma zoz cu: ‘I̱ki̱ya̱ Ki̱ri̱sto̱ baaza,’ icima ‘nonno icu, aave ce̱e̱ze̱ emani,’ ma elemnannu ovvoyyu nginati!

Ma̱te̱yo̱ 25:7

“Itingazzo zin dooli wak ere rucait ko̱ do̱o̱k kar zin katalanyccek lombonya cigge̱k.

Lu̱ka̱ 12:43

Abunna atin ngati du̱ca̱i̱t ci a̱li̱ngli̱ng niko ko̱ ming okko ddi̱ki̱ryo̱i̱ti̱ cinne oboda.

Lu̱ka̱ 2:29

“Manyi ci een Alaan ci a̱ddi̱ki̱re̱, ki baling u̱du̱wa̱ i̱nna̱ ke̱, anyik zin i̱yo̱ko̱ du̱ca̱i̱t cunne kuk labak ngato ji̱jí̱.

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

Vilipia 1:10

kar atin niga a̱gga̱c gi̱i̱ ci abunna kar kize caala ci iróng anyak kaal cik gerzek zee ki̱ki̱ya̱ i̱i̱te̱ni̱ ci okko Ki̱ri̱sto̱ obodak lo̱o̱c,

Vilipia 2:15

kar zin niga izet ol cik anyakku zi̱nze̱tti̱ cik voorik, doolik Ta̱mu̱ta̱dde̱no̱ bu̱u̱le̱ ci gerze ko̱, kar ataranit baiz ci ollu ki i̱yo̱ko̱ munyunya ko̱.

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

1 Ti̱mo̱te̱yo̱ 6:14

abunna ming azunne ti̱lo̱wi̱ne̱t cu zee ki̱zzi̱ rok zoz ci anganyi ol kobodak Manyitinna Ye̱su̱ Ki̱ri̱sto̱ lo̱o̱c.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

Je̱mi̱s 1:27

Imma e̱e̱ti̱ wa a̱di̱ngdi̱nga̱n Ta̱mu̱ta̱dde̱n wa een Be̱e̱ti̱nna̱ ko̱, aave enne kize caala ne paz, i̱llo̱i̱ rok mu̱nye̱n, ogon enne kaal ciko: Azunne bo̱yyo̱k ki ngaai cik boyek ngati apirnane, kar kuzute ele cinne kaale cik lo̱o̱tu̱.

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.

2 Peturu 3:1

Gotonogga ki ngonogga tu̱we̱nta̱, i̱yo̱ko̱ keherakkung bo̱do̱k waraga necu kar kunu gooni bali arrak keherakkung oowa ke̱. Imma zin waraganyai ne̱ko̱ do̱o̱k, korongi ka̱a̱da̱u̱ng i̱ge̱t zo̱zzo̱k ne̱ke̱ kar i̱no̱ni̱t nogo do̱o̱k.

2 Peturu 3:16

Eher enne waraganyai ciginnek do̱o̱k zoz ci akati kaal ne̱ko̱ ele. Ozoz gon bali enne zoz ci odoi ngatinna, iróng zin naga ka̱gga̱ ke̱ngti̱ cik zo̱zzo̱k ne̱ke̱. Imma ol uggak wak iróng a̱gga̱ zoz ci Ta̱mu̱ta̱dde̱no̱ ju̱rru̱m, ovvo nege edemezek zo̱zzo̱k cik Pa̱u̱lo̱ ol volonga. Edemez nege ol bu̱k waraganyai cik Ta̱mu̱ta̱dde̱no̱ ko̱ volonga. A̱li̱b atin Ta̱mu̱ta̱dde̱n nogo zo̱ze̱ necu.

1 Jon 3:3

Imma e̱e̱ti̱ ci arike zinin zoz ci Ki̱ri̱sto̱, adiman ele cinne ki̱li̱li̱, ki i̱yo̱ko̱ Ki̱ri̱sto̱ ming a̱li̱le̱ ko̱.