2 Peturu 3:12 - Tennet

¹² Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

2 Peturu 3:12 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

2 Peturu 3:4

Azi atin nege ne, “Baling u̱du̱wa̱ Manyi cunno̱ng azi ne ka̱kku̱ni̱, a̱kku̱ atinga? A̱da̱i̱to̱ ji̱ji̱ti̱gga̱c, ngane kaala ogon ki bali eenycane Ta̱mu̱ta̱dde̱n lo̱o̱c ke̱, i̱llo̱i̱ gi̱i̱ imma ci een jor.”

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

Ju̱da̱ 1:21

Ming i̱na̱ku̱ng no̱ngi̱tto̱na̱ nu̱nu̱n, abunna ming a̱gga̱yyu̱ ngen Ta̱mu̱ta̱dde̱n irezung niko. E̱re̱yyo̱ zi̱nze̱tti̱nne̱ cik alali ki̱ki̱ya̱ deteni ci Manyitinna Ye̱su̱ Ki̱ri̱sto̱, kar ka̱a̱nyu̱ng ruget wa aave udut.