2 Peturu 3:10 - Tennet

¹⁰ Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

2 Peturu 3:10 ပူးပေါင်းရင်းမြစ်များ

Ma̱te̱yo̱ 24:35

Adittai atin ta̱mu̱-kengi ki lo̱o̱c, imma zoz cinanni abak atin udut.”

Marko 13:31

Edeccai atin ta̱mu̱-kengi ki lo̱o̱c veelek, ma̱i̱je̱ zoz cinanni odongna iróng atin edeccai.

Lu̱ka̱ 12:39

Abarik a̱gga̱c zoz cu: Ming a̱gga̱ wo̱ye̱ manyi ce̱e̱z i̱i̱ ci okko ogoryaiti a̱kku̱, iróng wo̱ye̱ enne aanyik ce̱e̱z cinne ku̱du̱le̱.

Roma 8:20

A̱ma̱li̱ltte̱ o̱o̱tti̱ cik kaal ne̱k eenycai ko̱ do̱o̱k, iróng een kaal ne̱ke̱ cik orong kar ka̱ma̱li̱ltte̱ nogo o̱o̱tti̱. Adiman Ta̱mu̱ta̱dde̱n zoz necu ku̱tu̱gu̱ niko eci enne orongi, eci naga kere zoz ci karike zi̱nze̱tti̱ ko̱,

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 5:5

Aanycik zin e̱e̱t neci a̱zzi̱t ci Sitano kar enne kuk kulal nonno oo do̱. Ma̱i̱je̱ atin vongizi cinne a̱ti̱ri̱z nonno ming i̱ki̱ya̱ i̱i̱te̱ni̱ ci okko Manyi Ye̱su̱ obodak lo̱o̱c.

2 Ko̱ri̱nto̱ 1:14

ki i̱yo̱ko̱ ming a̱gga̱yyu̱ zoz cinna̱ng lo̱lo̱i̱t ko̱, ovvo atin niga a̱gga̱yyu̱ do̱o̱k kar atin niga odongit e̱le̱tti̱ zo̱ze̱ cinna̱ng, kar naga bo̱do̱k kodongta e̱le̱tti̱ zo̱ze̱ cunno̱ng i̱i̱te̱ne̱ ci Manyi Ye̱su̱.

1 Te̱se̱lo̱ni̱ka̱ 5:2

Eci niga a̱gga̱yyu̱ niko obokket atin wazini ci a̱kku̱nne̱ Manyi ki ta̱mu̱ ci tagizo.

1 Te̱se̱lo̱ni̱ka̱ 5:4

Imma niga ol wak a̱tu̱yyu̱ zoz ci Ye̱su̱ ko̱, ma anyikku zoz ci lo̱o̱c ci gerze ko̱ kecebaung o̱o̱tti̱, koboung wazini neci. Obokkung atin wazini ci a̱kku̱nne̱ Ye̱su̱ ke̱ ki ta̱mu̱ ci tagizo.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

2 Peturu 3:12

Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

2 Peturu 3:7

Abarik zin Ta̱mu̱ta̱dde̱n aanyik lo̱o̱c cu ki ta̱mu̱-keng ka̱vvu̱to̱ zee ki̱ki̱ya̱ i̱i̱te̱ni̱ ci okko enne ettede lo̱ki̱ko̱. Kar zin atin enne kakatek gwo̱o̱, kar kidita ol do̱o̱k wak iróng a̱tu̱ zoz cinne.

Ju̱da̱ 1:6

Imma anjilonya wak iróng azunne alaanzet cinne̱ng, abarik utungtek ce̱e̱zi̱ cigge̱k lo̱o̱c ta̱mu̱-kenga ngin bali abahe ke̱. I̱yo̱ko̱ zin e̱ce̱bje̱ nege ziiye cik aavtte udut, ere i̱i̱te̱n ci a̱ddi̱ki̱re̱ lo̱ki̱ko̱.

O̱no̱zzo̱k 16:15

Azi Manyi Ye̱su̱ ne, “Izikto ju̱rru̱m, ka̱kku̱ni̱ atin anna kiwagon ogoryaiti! A̱ma̱yu̱we̱ e̱e̱ti̱ ci ereya annita odohize kar kuzute kaal ciginnek, kar atin iróng enne okko nga̱dhi̱ri̱r kar a̱li̱ya̱ni̱ kadak nonno.”

O̱no̱zzo̱k 20:11

Kedenya zin anna lecer ci voori a̱ddi̱ki̱re̱ ki E̱e̱t ci aave lecere neci. Kar looci ki ta̱mu̱-keng ki̱vi̱re̱t ngati aave enne, i̱llo̱i̱ zin ngin imma cinne̱ng ci ovvoye nege.

O̱no̱zzo̱k 21:1

Kicina zin anna ta̱mu̱-keng ki lo̱o̱c ci een jor, eci ta̱mu̱-kengi ki lo̱o̱c bali o̱o̱tti̱nu̱ ke̱ i̱zze̱c to ne dakdak, i̱zzi̱ zin nyatapari ci a̱ddi̱ki̱re̱ imma to.

O̱no̱zzo̱k 3:3

Abunna ming a̱a̱da̱nnu̱ gool ci iziktu niga ko̱ ki ci a̱gga̱ma̱nnu̱ niga zoz ci Ta̱mu̱ta̱dde̱no̱; o̱to̱ngo̱o̱ltte̱ zin zoz neci, kar uturtta mu̱nye̱n cuggo̱k. Ma̱i̱je̱ ming iróng niga ooyyu ebere cuggo̱k, ka̱kku̱ni̱ atin anna kiwagon ogoryaiti, iróng atin niga a̱gga̱yyu̱ i̱i̱te̱n ci ka̱kku̱na̱ku̱ng anna i̱ge̱ta̱.

O̱no̱zzo̱k 6:14

Okko ta̱mu̱-kengi anyume kiwagon waraga ming anyume, kar biyena cik a̱ddi̱ki̱re̱ ki ngintik aburuk maama aartai ngatik aavtte ke̱.