2 Peturu 2:6 - Tennet

⁶ Edez Ta̱mu̱ta̱dde̱n o̱ro̱gjo̱k cik Sodomi ki Gomorrah, utuz kize bbu̱u̱r, kar ki̱ye̱le̱k ol gool ci ovvo atin ol wak iróng elemi Ta̱mu̱ta̱dde̱n atuze niko bu̱k.

2 Peturu 2:6 ပူးပေါင်းရင်းမြစ်များ

Kananet 19:28

Edev zin enne o̱to̱n ci Sodomi ki Gomorrah, ki bo̱do̱k nginti okko ki mu̱u̱r do̱o̱k, edenya enne bbu̱rre̱t ci a̱ppwe̱ ingazi lo̱o̱ce̱ neci, ogon ki bbu̱rre̱ti̱ ci iyowa zara.

Ma̱te̱yo̱ 10:15

Ka̱du̱wa̱kku̱ng zoz ci een de̱de̱, obokce atin abarik ngati o̱ro̱gjo̱k cik een Sodom ki Gomorrah i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱ cinne, gerza atin ngati orog neci oroot.

Ma̱te̱yo̱ 11:23

Imma niga ol cik orog ci een Kapernaum, odongnyung atin Ta̱mu̱ta̱dde̱n okkoyyung ta̱mu̱-kenga? I̱llo̱i̱, i̱na̱kku̱ atin niga nginti gwo̱o̱ ci apadpadi udut. Ming u̱tu̱gu̱zze̱ kaala ne̱k a̱vu̱la̱ ngatinno̱ng ko̱ ol wak orog ci een Sodom, ngen weda orogi neci abile rok i̱yo̱ko̱.

Roma 9:29

U̱du̱wa̱ ba̱li̱ye̱ a̱ri̱to̱i̱ti̱ ci een zara Isaya, azi ne, “Ming iróng Manyi Ta̱mu̱ta̱dde̱n wa anyak doiz anyigza dooli cigga̱c u̱gge̱, ku̱tu̱gu̱zzo̱ weda naga ki olli orog ci een Sodom, kutubto weete ki orog ci een Gomorrah.”

1 Ko̱ri̱nto̱ 10:11

Imma kaala ne̱k ogononik nogo ko̱ do̱o̱k ogone kar kedemez ol u̱gge̱ abunna iróng ogon kaal cik gerzek ki bali ne̱ke̱. E̱he̱rye̱ kaala ne̱ko̱ kar ki̱ye̱lto̱zi̱k agit ki i̱yo̱ko̱, eci kabak naga wazine ci okko looci aṯurneke.

I̱bu̱ru̱ 4:11

I̱yo̱ko̱ zin, ku̱tu̱gu̱z naga do̱o̱k kaal cik eelannet kar ku̱mu̱dda̱ baiz ci kabahe yahe, ma anyikku e̱e̱t imma kutubur zoz ci Ta̱mu̱ta̱dde̱no̱, eci abure enne zoz ci Ta̱mu̱ta̱dde̱no̱ ki bali olli Ya̱u̱do̱ balik aavtte balala ming abure ke̱.

Ju̱da̱ 1:15

kar ki̱ki̱ya̱ kettedek ol do̱o̱k lo̱ki̱ko̱, ol wak iróng elemi zoz ci Ta̱mu̱ta̱dde̱no̱, ki ol wak ogon kaal go̱o̱le̱ ci iróng Ta̱mu̱ta̱dde̱no̱ orongi, kar bo̱do̱k ki ol wak ozoz gerzet zo̱ze̱ ci Ta̱mu̱ta̱dde̱no̱.”

Ju̱da̱ 1:7

Ogon zin bo̱do̱k niko, a̱a̱dda̱ zin ol balik o̱ro̱gjo̱we̱ cik Sodomi ki Gomorrah ki bo̱do̱k o̱ro̱gjo̱k wak ojongzo ki nogo. Izeto ol ne̱ke̱ a̱li̱ya̱k, ottodo kiwagon elegje. I̱ye̱le̱k zoz necu ol zoz ci ovvo atin ol atuze gwo̱o̱ye̱ ci alanyit udut.