2 Peturu 2:2 - Tennet

² Annu atin ol cik meelek gool ci mu̱nye̱nu̱ kar kaanycik ol u̱gge̱ kozozit gerzet zo̱ze̱ ci een de̱de̱.

2 Peturu 2:2 ပူးပေါင်းရင်းမြစ်များ

Kananet 19:5

Utuwec zin nege Lot izettek ne, “I̱go̱k ol wak e̱e̱ggi̱n e̱re̱nno̱k a̱vvu̱ ce̱e̱z cunne ba̱a̱li̱n cu ko̱? Nyahakket agita, abunna ming kooginna nogo.”

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 7:14

Ma̱i̱je̱ gool ci een lorit anyak aran ci luduci ko̱ een gool ci okkoyet baize ci abunna, i̱i̱zo̱ ol cikidik do̱ niko.

Marko 12:14

I̱vi̱tta̱k zin nege nonno kar zin kizettek ne, “De̱me̱zo̱i̱t, ka̱gga̱yi̱ gon naga e̱e̱ni̱ i̱nna̱ e̱e̱t ci abunna. Iróng e̱e̱ti̱ imma alabanin, eci i̱nna̱ irezi ol do̱o̱k. Abarik edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ ci een de̱de̱. Abunna zin ming ka̱ru̱we̱ka̱ mucuru alaan ci a̱ddi̱ki̱re̱ Romi yo, gerza da̱?

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Buk wa To̱ni̱a̱u̱ 13:10

“E̱e̱ni̱ i̱nna̱ do̱le̱c ci lo̱rye̱nto̱ kar bo̱do̱k ize mo̱dde̱ni̱t ci kaal cik abunna do̱o̱k. Anyai i̱nna̱ baiz ci a̱lu̱te̱ ol ki ci alabane kaal cik ollu. Alami wo̱ye̱ i̱nna̱ gool wa abunna Manyi?

Buk wa To̱ni̱a̱u̱ 14:2

Ma̱i̱je̱ Ya̱u̱d wak iróng a̱tu̱we̱, alabta ol cik iróng e̱e̱ggi̱n Ya̱u̱d kitingta kavaraccit ngati ol wak a̱tu̱we̱.

Buk wa To̱ni̱a̱u̱ 16:17

Unu do̱le̱c necu Pa̱u̱lo̱ ki agita, egereny je̱e̱na̱, azi ne, “E̱e̱ggi̱n ol ciko du̱cca̱k cik Ta̱mu̱ta̱dde̱n wa Ommog Veelek, a̱du̱wa̱kku̱ng gool ci ti̱ri̱ze̱nto̱.”

Buk wa To̱ni̱a̱u̱ 18:26

Ozoz gon enne kokkom oo Ce̱e̱ze̱ wa Lawinto. Baling iziyyet Priscilla ki Akuila zoz cinne, u̱tu̱yya̱ nonno ce̱e̱z cinne̱ng kar koobtek nonno gool ci Ta̱mu̱ta̱dde̱no̱ ju̱rru̱m.

Buk wa To̱ni̱a̱u̱ 19:9

Abarik a̱vi̱r ol u̱gge̱ o̱o̱tti̱, utuburet iróng a̱tu̱ zoz ci Ye̱su̱ orgene ci ollu kar kozozit gerzet zo̱ze̱ necu. Utungek zin Pa̱u̱lo̱ nogo lo̱o̱c. Orkorrit Pa̱u̱lo̱ ki nuyak kar gon ke̱de̱me̱zi̱t zoz ci Ta̱mu̱ta̱dde̱no̱ odohize ce̱e̱ze̱ ci Tyrannosi a̱ddi̱ki̱re̱.

Buk wa To̱ni̱a̱u̱ 22:4

Ka̱gi̱di̱ bali anna ol wak annu Ye̱su̱ ka̱da̱i̱to̱, karik ngaai ki odot lagam kecebte,

Buk wa To̱ni̱a̱u̱ 24:14

Abarik zin, kelemna ngati kala Ta̱mu̱ta̱dde̱n wa ji̱ji̱ti̱gga̱c kize nuyait ci kanu gool ci Manyi Ye̱su̱, ci i̱yo̱ko̱ azi nege ne kanu anna gool ci gerze. Ka̱tu̱ anna do̱o̱k kaal wak orkor ki Lo̱ti̱nno̱k ki wak a̱ri̱tto̱u̱,

Roma 2:24

E̱he̱rye̱ Warage ci Ta̱mu̱ta̱dde̱no̱ azi ne, “Anyikku niga ol wak iróng een Ya̱u̱d kodomit zar cik Ta̱mu̱ta̱dde̱no̱ zo̱ze̱ ci u̱tu̱gu̱zzu̱ niga.”

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

Ti̱to̱ 2:5

abunna ming kanyak uruttok baizowe, kabaito baiz ci A̱li̱le̱, ku̱zu̱tte̱ ce̱e̱zi̱ cigge̱k ju̱rru̱m, ku̱tu̱gu̱zzo̱ kaal cik abunna, kiziyet zoz ci macwa cigge̱k. Kar zin iróng atin anyahak dominet zoz ci Ta̱mu̱ta̱dde̱no̱.

Ti̱to̱ 2:8

Anyik de̱mzi̱ne̱t cunne kubunna kar iróng ol ibbez zoz neci. Imma ol wak orong kadangttin, adak a̱li̱ya̱ni̱ iróng amuda gi̱i̱ imma ci gerze kar kadangttet.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

2 Peturu 2:12

Imma ol ne̱ko̱ iróng a̱gga̱ gerziten cinne̱ng. Ogon nege ki i̱yo̱ko̱ elegje wak zarak iróng ozozi, a̱rri̱ta̱i̱ nege kize kaal cik a̱ru̱we̱ ka̱da̱i̱to̱. Ozoz zoz ci mu̱nye̱nu̱ ci iróng nege a̱gga̱. Egerzan atin nogo zoz ci gerze ogon nege ko̱.

2 Peturu 2:15

Utungtek gool ci baizo okko ṯop ko̱ lo̱o̱c, kar kunuwet gool ci a̱ri̱to̱i̱t ci een zara Balaam ngerrti Beor, irez gon enne kaal cik gerzek.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

2 Peturu 2:21

Abunna zin weda ming iróng nege a̱gga̱ gool ci abunna. Ming nu̱nu̱n ovvo nege a̱gga̱ gool ci abunna vu̱rrta̱, utuhuyek nege bo̱i̱ci̱ ti̱lo̱wi̱ne̱t ci a̱li̱le̱ bali aanyozik nogo ke̱.

2 Peturu 2:7

Eela zin bali Ta̱mu̱ta̱dde̱n Lot, e̱e̱t ci bali abak baiz ci emede ngu̱me̱ ci Ta̱mu̱ta̱dde̱no̱, u̱la̱l zin nonno baizi ci abahe olli mu̱nye̱nu̱ wak abak bu̱k ko̱.

Ju̱da̱ 1:10

Imma ol ne̱ko̱ odomnye zo̱ze̱ ci iróng nege bu̱k a̱gga̱, ogon nege kiwagon elegje cik iróng i̱no̱ne̱. Gi̱i̱ zin ci egerzan nogo ko̱ nenen necu.

Ju̱da̱ 1:15

kar ki̱ki̱ya̱ kettedek ol do̱o̱k lo̱ki̱ko̱, ol wak iróng elemi zoz ci Ta̱mu̱ta̱dde̱no̱, ki ol wak ogon kaal go̱o̱le̱ ci iróng Ta̱mu̱ta̱dde̱no̱ orongi, kar bo̱do̱k ki ol wak ozoz gerzet zo̱ze̱ ci Ta̱mu̱ta̱dde̱no̱.”

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

Ju̱da̱ 1:7

Ogon zin bo̱do̱k niko, a̱a̱dda̱ zin ol balik o̱ro̱gjo̱we̱ cik Sodomi ki Gomorrah ki bo̱do̱k o̱ro̱gjo̱k wak ojongzo ki nogo. Izeto ol ne̱ke̱ a̱li̱ya̱k, ottodo kiwagon elegje. I̱ye̱le̱k zoz necu ol zoz ci ovvo atin ol atuze gwo̱o̱ye̱ ci alanyit udut.

O̱no̱zzo̱k 12:9

U̱ju̱ko̱zi̱k u̱ggu̱li̱ ci a̱ddi̱ki̱re̱ lo̱o̱c, awu ol nonno bu̱k azi ne uwat wa reeni icima lo̱rye̱n, icima Sitan, nonno ci a̱ti̱ye̱ lo̱o̱c do̱o̱k tu̱. U̱ju̱ke̱k Ta̱mu̱ta̱dde̱n nonno lo̱o̱c, ki anjilonya ciginnek bu̱k.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 13:8

Ovvo atin olli lo̱o̱tu̱ do̱o̱k a̱di̱ngdi̱nga̱n e̱le̱gi̱t, ol wak iróng zara cigge̱k e̱he̱rye̱ buwe ci rugeto baling ngen looci keteehenye, een bui necu ci Nyoon wa bali a̱ru̱we̱ ke̱.