2 Peturu 2:19 - Tennet

¹⁹ A̱nne̱k nege ol ne, aavtiyyu atin labak, imma nege e̱e̱ggi̱n du̱cca̱k cik baiz ci gerze, eci ol cik diirik e̱e̱ggi̱n du̱cca̱k cik kaal wak uuta nogo o̱o̱tti̱.

2 Peturu 2:19 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 8:34

O̱bo̱de̱k zin Ye̱su̱ nogo, a̱nne̱k ne, “Ka̱du̱wa̱kku̱ng zoz wa een de̱de̱, ming ogon e̱e̱ti̱ mu̱nye̱n, een enne du̱ca̱i̱t ci mu̱nye̱nu̱.

Buk wa To̱ni̱a̱u̱ 19:16

Kar e̱e̱ti̱ ci anyak kuuloc ko̱ kingozik nogo kar kommog nogo do̱o̱k. A̱ru̱k nogo oroot ki̱vi̱re̱t kiyokta ce̱e̱za̱ nga̱dhi̱ri̱r ki ngoddocet.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

2 Ti̱mo̱te̱yo̱ 2:26

Kar zin kilittet lo̱rye̱ni̱t bali eceba nogo o̱o̱tti̱ ki̱li̱ngli̱ngto̱zi̱k nonno ke̱.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

1 Peturu 2:16

Abaito zin labak, ma anyikku baiz ci abakku ko̱ kize baiz ci ogonnu kaal cik gerzek. Abarik zin a̱vvu̱t izet du̱cca̱k wak Ta̱mu̱ta̱dde̱no̱ wak een de̱de̱.

2 Peturu 1:4

Imma zin go̱o̱le̱ necu aanyyet enne agit kaal cik abunna riilik oroot, balik u̱du̱wa̱ enne kar kaanyyet ke̱ do̱o̱k. Ma zin kaale ne̱ko̱ a̱a̱nyu̱ng e̱de̱yya̱ e̱le̱tti̱ kaale wak lo̱o̱tu̱ gerzek balik orong zi̱nze̱tti̱ cuggo̱k u̱tu̱gu̱z ke̱, kar zin i̱yo̱ko̱ niga ozolit bunnat ci Ta̱mu̱ta̱dde̱no̱.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.