2 Peturu 2:1 - Tennet

¹ Anyak ba̱li̱ye̱ a̱ri̱tto̱k cik volongak orgene ci olli Israilo. A̱vvu̱na̱kku̱ng atin bo̱do̱k de̱me̱zzo̱wa̱ wak volongak kar ku̱du̱ktta̱u̱ng zoz ci volongo. Edemezek atin nege ol de̱mzi̱ne̱t ci gerze lo̱mu̱k. Iróng de̱me̱zzo̱wa̱ ne̱ko̱ elemi zoz ci Manyi wa a̱ti̱ri̱z nogo mu̱nye̱ne̱, egerzan atin zoz neci e̱le̱tti̱ cigge̱k.

2 Peturu 2:1 ပူးပေါင်းရင်းမြစ်များ

Lu̱ge̱z 15:16

okko atin bba̱ri̱to̱ni̱ i̱i̱na̱k nogo. Eci doize ci Ta̱mu̱ta̱dde̱no̱, okkomi atin nege kiwagon be, zee ki̱vi̱ta̱ ol cigunnek kozoroc, Manyi, zee kozoroc ol balik anyaha i̱nna̱ ke̱.

Ma̱te̱yo̱ 10:33

Abarik ming aburna e̱e̱ti̱ orgene ci ollu, kokko atin anna ka̱bu̱ri̱ nonno bu̱k ngu̱me̱ ci Baba ta̱mu̱-kenga.

Ma̱te̱yo̱ 24:11

A̱vvu̱ atin a̱ri̱tto̱wa̱ cik meelek volongak, ovvo a̱ddu̱t ol cik meelek.

Ma̱te̱yo̱ 24:24

Eci a̱vvu̱ atin ol cik volongak azi ne ke̱e̱ggi̱nna̱ Ki̱ri̱sto̱, ovvo uggak azi ne ke̱e̱ggi̱nna̱ a̱ri̱tto̱k cik zoz ci Ta̱mu̱ta̱dde̱no̱, ovvo atin ogon kaal cik a̱vu̱la̱ abunna a̱lu̱t ol cik atahala Ta̱mu̱ta̱dde̱n, iróng zin uuta o̱o̱tti̱ cik ol ne̱ke̱.

Ma̱te̱yo̱ 24:5

Eci a̱vvu̱ atin ol cik meelek zare cigannik, azi ne, ‘Ke̱e̱ni̱ anna Ki̱ri̱sto̱.’ A̱ddu̱t atin nege ol cik meelek.

Ma̱te̱yo̱ 7:15

“Igenyit zo̱ze̱ ci a̱ri̱tto̱k wak een volongnyok. A̱vvu̱na̱kku̱ng nege gunune ogon ki i̱yo̱ko̱ a̱zza̱ ko̱, imma zi̱nze̱tti̱ ogon ki i̱yo̱ko̱ u̱du̱ma̱na̱ ko̱.

Marko 13:22

A̱vvu̱ atin Ki̱ri̱sto̱nya̱ cik iróng een de̱de̱ ki a̱ri̱tto̱k wak iróng een de̱de̱, ogon kaal cik a̱vu̱la̱ kar ku̱lu̱te̱t ol balik atahala Ta̱mu̱ta̱dde̱n ming amuda nege gool ci alabane nogo.

Lu̱ka̱ 12:9

Imma e̱e̱ti̱ ci amikzena annit orgene ci ollu, kokko atin anna kamikzene nonno bu̱k ngati utubte anjilonya cik Ta̱mu̱ta̱dde̱no̱.

Lu̱ka̱ 21:8

O̱bo̱de̱k zin enne nogo, “Icinnet ju̱rru̱m, gerza ming alabanung e̱e̱ti̱ imma. Eci a̱vvu̱ atin ol cik meelek zare cigannik, a̱du̱wa̱kku̱ng wo̱ye̱ e̱e̱ti̱ imma, azi ne, ‘Ke̱e̱ni̱ anna nonno,’ ki, ‘Ize ojon i̱i̱te̱ni̱.’ Ma annuyyu zoz cinne̱ng.

Lu̱ka̱ 6:26

O̱lle̱ cuggo̱k ol wak ozozo ol ju̱rru̱m zare cigge̱k, ogon ba̱li̱ye̱ be̱e̱ti̱gge̱k a̱ri̱tto̱k cik volongak niko.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

1 Ko̱ri̱nto̱ 11:19

Abarik bo̱do̱k ngero cunno̱ng ko̱ iróng gerza, kar abunna ka̱gga̱ elemi Ta̱mu̱ta̱dde̱n ollik jang ngatinno̱ng.

1 Ko̱ri̱nto̱ 6:20

Utuwaung bali Ta̱mu̱ta̱dde̱n i̱ge̱t daize ci Ye̱su̱ Ki̱ri̱sto̱. Abunna zin niga ming a̱di̱ngdi̱nga̱nnu̱ Ta̱mu̱ta̱dde̱n e̱le̱tti̱ne̱ cuggo̱k.

1 Ko̱ri̱nto̱ 7:23

Utuwaung bali Ta̱mu̱ta̱dde̱n i̱ge̱t bi̱ye̱te̱ cik Ye̱su̱; iróng ngen e̱e̱ggi̱nnu̱ du̱cca̱k cik ol cik diirik.

Ga̱la̱ti̱a̱ 2:4

Ize gerza zoz neci eci ol wak a̱ti̱yye̱ ol tu̱ i̱tto̱zzo̱ orgen cinna, a̱vvu̱ kize ro̱tto̱k, a̱ru̱k talaben, kar kicinnet baiz ci abunna kanyaka ngati ka̱tu̱yya̱ Ye̱su̱ Ki̱ri̱sto̱, abarik orong nege kutuhuyyet kizet du̱cca̱k.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Ga̱la̱ti̱a̱ 4:17

Imma de̱me̱zzo̱wa̱ wak a̱ti̱yye̱ ol tu̱, orong kar elemtta niga zoz cinne̱ng, ma̱i̱je̱ ngatu zoz ci anyak nege zi̱nze̱tti̱nne̱ iróng abunna. Orong nege kengerttaung ngatinanni kar u̱zu̱tte̱ zoz cinne̱ng do̱ niko.

Ga̱la̱ti̱a̱ 5:20

ala e̱e̱ti̱ to̱do̱yyo̱k, owo e̱e̱ti̱ ngarrete, anyak e̱e̱ti̱ mootiz, amarine e̱e̱ti̱ dango, a̱ppwa̱ e̱e̱t zinin kaale cik ollu, adunye zinin ci e̱e̱to̱ ataman, anyak e̱e̱ti̱ meder, irez e̱e̱ti̱ ele cinne do̱, enger e̱e̱ti̱ lo̱o̱c, abak ki ol wak elemi zoz cinne,

Evesos 1:7

Imma zo̱ze̱ ci Ki̱ri̱sto̱, ku̱mu̱dda̱ naga eelannet bi̱ye̱te̱ ciginnek, alalneket mu̱nye̱n, go̱o̱le̱ ci anyahe Ta̱mu̱ta̱dde̱n deten oroot.

Evesos 4:14

Abunna kabiliz baiz ci kabahe ki i̱yo̱ko̱ dooli cikidik ko̱. Gerza ming kelemi ol cik volongak kecebtaet o̱o̱tti̱ de̱mzi̱nte̱ cinne̱ng volongo. Ogon ki ngooti ci odong kaal okkoye gon ngati okkoye ngooti.

Vilipia 3:19

Ovvo ol ne̱k iróng azikne ko̱ een baizi cinne̱ng li̱be̱ne̱t, irez nege ke̱ngti̱ cigge̱k, odong abarik e̱le̱tti̱ ci iróng adak a̱li̱ya̱ni̱ nogo, i̱no̱n nege kaal cik lo̱o̱c cu do̱ niko.

Kolosiya 2:18

Ma anyikku e̱e̱t imma ci ozoz volonga a̱ru̱k talaben ngati alawe anjilonya kar ka̱a̱nyu̱ng i̱ge̱t imiret zo̱ze̱ ci Ki̱ri̱sto̱. Imma e̱e̱ti̱ ci ogon niko oob ke̱ngti̱ cik zo̱zzo̱k ne̱k icin enne ko̱ oroot, kar kodong ele, kar kozoz darace.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

1 Ti̱mo̱te̱yo̱ 5:8

Imma ming iróng e̱e̱ti̱ azunne tatug cinne̱ng, ommogje ol cik ce̱e̱z cinne, utubur enne zoz ci a̱tu̱we̱ ol Ta̱mu̱ta̱dde̱n, ommog abarik enne e̱e̱t ci ngen kelema Ta̱mu̱ta̱dde̱n.

2 Ti̱mo̱te̱yo̱ 4:3

A̱kku̱ i̱i̱te̱ni̱ ci iróng ol ngen orong kiziyet de̱mzi̱ne̱t ci abunna. Abarik aluta demezyak kizeto meele, orongit kar ku̱du̱kta̱k nogo kaal cik i̱i̱zo̱ iin cigge̱k.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

Ti̱to̱ 3:10

Ming aave e̱e̱ti̱ ci ogon kaal cik anyaha ngeronet orgene cunno̱ng, ti̱lo̱ nonno lak co̱de̱ icima lak rama bu̱k. Imma ming emena iróng orong kizik, ma ngen edeconik nonno.

I̱bu̱ru̱ 10:29

I̱no̱ni̱t lo̱ki̱ko̱ ci okkomi okko Ta̱mu̱ta̱dde̱n etteddek ol wak ibbez zoz ci Ngerrti Ta̱mu̱ta̱dde̱no̱, adima bo̱do̱k bi̱ye̱ cik Ye̱su̱ anyaha olomi ci een jor, wa eela nonno mu̱nye̱ne̱ ko̱ kize gi̱i̱ ci labak, kar bo̱do̱k kodom Vongiz ci A̱li̱le̱ Ta̱mu̱ta̱dde̱no̱ ci aanyik nonno de̱ti̱ne̱t ko̱.

1 Peturu 1:8

Ming ngen niga icinnet nonno nu̱nu̱n, irezzu niga nonno; ming iróng niga nu̱nu̱n acinnu nonno i̱yo̱ko̱, a̱tu̱yyu̱ niga nonno kar ngatu anyakku talninet ci a̱ppwe̱ ngatinne,

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

1 Jon 2:26

Keherakkung zin anna i̱ge̱t zoz necu, akati ol wak a̱ti̱kku̱ng tu̱.

1 Jon 4:1

Gotonogga ki ngonogga tu̱we̱nta̱, ma a̱tu̱yyu̱ zoz ci ol cik azi ne kanyaka Vongiz ci Ta̱mu̱ta̱dde̱no̱, abarik abunna ming atimanu vongizzok ming e̱e̱ggi̱n cik Ta̱mu̱ta̱dde̱no̱ de̱de̱, eci anyak a̱ri̱tto̱k cik meelek volongak i̱vi̱tta̱k lo̱o̱c cu.

Ju̱da̱ 1:18

A̱nne̱kku̱ng ne, “Imma atin i̱i̱nya̱we̱ cik okko looci aṯurneke, a̱vvu̱ atin ol cik ovvo aranne zoz ci Ta̱mu̱ta̱dde̱no̱, eci orong ku̱tu̱gu̱zzo̱ kaal cik gerzek amin zi̱nze̱tti̱ cigge̱k.”

Ju̱da̱ 1:4

Eci anyak ol u̱gge̱ cik eher zoz ci adange nege Ta̱mu̱ta̱dde̱n, iniktozeung nege orgen cunno̱ng. Abarik zin ol ne̱ko̱ aminye deten ci Ta̱mu̱ta̱dde̱n cinna kize gool ci ogone nege kaal cik gerzek, kar kimigtoi Manyi cinna Ye̱su̱ Ki̱ri̱sto̱ O̱de̱ Ṯok niko. Ettede zin lo̱ki̱ko̱ ci ol ne̱ko̱ bali reena.

O̱no̱zzo̱k 13:14

Ma̱rri̱t enne ogon kaal cik a̱vu̱la̱, anyozik zin nonno komizi ci ogone kaal zare cik e̱le̱gi̱t bali o̱o̱wu̱ ke̱, u̱lu̱t zin enne olli lo̱o̱tu̱. Kar ku̱du̱wa̱k ol kokovanta ngu̱m ci e̱le̱gto̱ biya kize gool ci o̱ngo̱o̱li̱nne̱ nege nonno, e̱le̱gi̱t bali abucane nyazuwata ke̱, imma ngatu ngen aruge dee.

O̱no̱zzo̱k 2:13

Ka̱gga̱ nginti abakku ko̱ een nginti aave alaanzet ci Sitano. Ngen zin niga aalnannu tu̱we̱nta̱ zo̱ze̱ cinanni. Iróng zin niga ungneku tu̱we̱ne̱t cunno̱ng ngatinanni lo̱o̱c, rok i̱i̱te̱n ci ibbace Antipasi zoz cinanni, ming u̱ru̱we̱t ol nonno ka̱da̱k nu̱nu̱n o̱rge̱ cunno̱ng a̱ddi̱ki̱re̱, ngati abahe Sitani.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 3:8

Ka̱gga̱ anna kaal cik ogonnu niga do̱o̱k. Icinnet zin, koowekku̱ng anna i̱ge̱t tatug ci iróng e̱e̱ti̱ imma anyugi. Ka̱gga̱ anyakku niga doiz cidici, ngen azunnu zoz cinanni iróng aburnnu zar cigannik.

O̱no̱zzo̱k 5:9

Kar zin ke̱be̱ni̱t lo̱ng ci een jor, azi ne, “Aganonu i̱nna̱ ming adima waraga kar du̱l mutula ne̱ke̱, eci i̱nna̱ u̱ru̱we̱ ba̱li̱ye̱, kar bi̱ye̱te̱ cigunnek, atalau i̱nna̱ ol Ta̱mu̱ta̱dde̱n olle cik lo̱o̱tu̱ ki u̱tu̱ge̱tti̱ cik ozoz ol do̱o̱k lo̱o̱ta̱ ngatu do̱ do̱.

O̱no̱zzo̱k 6:10

U̱tu̱ye̱ zin nege muluwe ci a̱ppwe̱, azi ne, “Manyi ci a̱li̱le̱ de̱de̱, rok atinga ci okko i̱nna̱ edezi olli lo̱o̱tu̱ kar caca bi̱ye̱ cigga̱k?”