2 Peturu 1:8 - Tennet

⁸ Ming anyakku niga kaal ne̱ko̱ do̱o̱k zi̱nze̱tti̱nne̱ cuggo̱k, a̱ti̱ri̱zu̱ng wo̱ye̱ kaala ne̱ko̱ i̱ge̱t kar a̱gga̱c Manyitinna Ye̱su̱ Ki̱ri̱sto̱.

2 Peturu 1:8 ပူးပေါင်းရင်းမြစ်များ

Ma̱te̱yo̱ 13:22

Imma i̱nyo̱mo̱na̱ cik i̱i̱na̱k biila ko̱, ogon ki ol cik aziye kaviyak cik abunna. Kar zi̱nze̱tti̱ cigge̱k kibilet je̱e̱na̱ kaale cik orong nege baiza, acin i̱to̱kze̱t ci lo̱o̱tu̱, kar kutungttek kaviyak ne̱ke̱ lo̱o̱c.

Ma̱te̱yo̱ 20:3

“Imma baling okko i̱i̱ een torkoc nge̱rre̱t, uk reena kar kicin ol u̱gge̱ cik abile ollin i̱llo̱i̱ li̱ngli̱ngo̱n.

Ma̱te̱yo̱ 20:6

Imma baling okko i̱i̱ een tu̱r yo̱mo̱na̱, uk zin enne bo̱do̱k uruba ol cik abile gaganiko. I̱jji̱n zin enne nogo, ‘Nya ming abillu ngatu ko̱, iróng ogonnu gi̱i̱ imma?’

Ma̱te̱yo̱ 25:26

“O̱bo̱de̱k zin ddi̱ki̱ryo̱i̱ti̱ cinne, a̱nne̱k ne, ‘E̱e̱ni̱ i̱nna̱ du̱ca̱i̱t ci vangvangi, kar ize gu̱u̱r. I̱no̱ni̱ i̱nna̱ ke̱e̱ni̱ anna gu̱lu̱zo̱i̱t, kaluta gon anna kaal cik ngen anna ki̱li̱ngli̱nga̱?

Kaviyak wak Abunna Ta̱mu̱ta̱dde̱no̱ eher Joni 15:2

Aizek enne alawo wak iróng a̱a̱ri̱ o̱ya̱u̱ tu̱, imma alawo wak a̱a̱ri̱, a̱vi̱l kar ki̱bbi̱re̱to̱ ju̱rru̱m.

Kaviyak wak Abunna Ta̱mu̱ta̱dde̱no̱ eher Joni 17:3

A̱gga̱yi̱ atin nege i̱nne̱t rugete wa aave udut, ize Ta̱mu̱ta̱dde̱n wa een de̱de̱ kar zin bo̱do̱k ka̱gga̱yya̱ annit Ye̱su̱ Ki̱ri̱sto̱ wa bali i̱tto̱na̱i̱ ke̱ nenen necu.

Kaviyak wak Abunna Ta̱mu̱ta̱dde̱no̱ eher Joni 5:42

Abarik ka̱gga̱yyu̱ng, iróng niga anyakku rezinet ci Ta̱mu̱ta̱dde̱no̱ zi̱nze̱tti̱nne̱ ciggo̱k.

Roma 12:11

Ma abilizzu gool ci irezzu niga Ta̱mu̱ta̱dde̱n, kar i̱li̱ngli̱nge̱t zoz ci Manyi oroot.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 13:5

Timan ele cunne kar ruba ming anyai i̱nna̱ tu̱we̱ne̱t de̱de̱. Ming anyai i̱nna̱ tu̱we̱ne̱t neci, okko a̱gga̱ aave Ki̱ri̱sto̱ ngatinne. Ming iróng Ye̱su̱ Ki̱ri̱sto̱ abak ngatunne, u̱yu̱we̱ i̱nna̱ timaninet neci.

2 Ko̱ri̱nto̱ 8:2

Ming amati ol ne̱k a̱tu̱we̱ ko̱ nu̱nu̱n, abak talninta odohize, i̱i̱rke̱, eela ol u̱gge̱ wak a̱tu̱we̱.

2 Ko̱ri̱nto̱ 8:7

Ogonnu niga ju̱rru̱m kaale cik meelek. Anyakku tu̱we̱ne̱t ci okkomi. Anyakku ol cik uwak ju̱rru̱m, i̱i̱rke̱nnu̱, kar irezettu niga agita oroot. I̱yo̱ko̱, abunna ming i̱i̱rke̱nnu̱ ommogit ol do̱o̱k.

2 Ko̱ri̱nto̱ 9:14

Imma lawinte cinne̱ng ovvo zi̱nze̱tti̱ cigge̱k do̱o̱k ngatinno̱ng, eci Ta̱mu̱ta̱dde̱n a̱a̱nyu̱ng deten cinne ommog veelek.

Vilipia 1:9

Een necu lawinet cinanni kalawe Ta̱mu̱ta̱dde̱n abunna rezinet cunno̱ng ngatinne kotore oroot kar a̱gga̱c zoz cinne ju̱rru̱m,

Vilipia 2:5

Abunna ming anyakku i̱no̱ni̱ go̱o̱le̱ ci i̱no̱nnu̱ Ki̱ri̱sto̱ Ye̱su̱ ko̱:

Vilipia 3:8

I̱llo̱i̱ gi̱i̱ imma ci riili ngati a̱gga̱we̱ e̱e̱ti̱ Ye̱su̱ Ki̱ri̱sto̱ Manyi. Kodotiya anna kaal do̱o̱k lo̱o̱c, kanyike kizeto darace. Ki̱ri̱sto̱ do̱ ci korongi anna lo̱o̱ce̱ cu,

Kolosiya 1:10

Kalayya Ta̱mu̱ta̱dde̱n kar niga abait baiz ci abunna orong Manyi, kar enne katalo kaale cik ogonnu niga do̱o̱k: Anyak zoz ci a̱li̱ngli̱ngnyu̱ niga kaale cik abunna, amudannu zoz ci a̱gga̱yyu̱ Ta̱mu̱ta̱dde̱n ju̱rru̱m.

Kolosiya 2:7

U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

1 Te̱se̱lo̱ni̱ka̱ 3:12

Kala bo̱do̱k Manyi Ye̱su̱ kar ka̱a̱nyu̱ng irezzit e̱le̱tti̱ cuggo̱k ki ol do̱o̱k oroot ki i̱yo̱ko̱ ming kirezzung ko̱.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

1 Ti̱mo̱te̱yo̱ 5:13

Kar gon ku̱lu̱cce̱t orog to eci i̱llo̱i̱ gi̱i̱ ci ogoni. Abarik aggir volong kar kilamtozzik no̱ngi̱tto̱n cik ollu kar ku̱du̱kta̱ zoz ci iróng agano ki zoz.

Ti̱to̱ 3:14

Anyik ol cigga̱c ke̱de̱me̱zi̱t zoz ci li̱ngli̱ngo̱nto̱, abunna ming edemezek e̱le̱tti̱ zoz ci eelanne nege ol cik apirna.

Vilomene 1:6

Kala anna Ta̱mu̱ta̱dde̱n abunna i̱nna̱ ming ezekzegi ming okko ozoli tu̱we̱ne̱t cunne ki ol, kar atin i̱nna̱ timan kaal cik abunna kamuda naga ngati Ki̱ri̱sto̱.

I̱bu̱ru̱ 6:12

Ma arnannu go̱o̱le̱ necu, u̱tu̱gu̱z ki ol wak a̱tu̱we̱ wak a̱gi̱d ol kar ku̱zu̱tte̱ zoz ci Ta̱mu̱ta̱dde̱no̱.

2 Peturu 1:2

Kala anna Ta̱mu̱ta̱dde̱n bai kar ka̱a̱nyu̱ng deten ci a̱ppwe̱ ki gano baize cunno̱ng ngati a̱gga̱yyu̱ zoz ci Ta̱mu̱ta̱dde̱no̱ ki ci Manyitinna Ye̱su̱ Ki̱ri̱sto̱.

2 Peturu 1:3

Aanyyet komizi ci Ta̱mu̱ta̱dde̱no̱ agit kaal do̱o̱k wak korong naga baize cinna, abunna kaanyik Ta̱mu̱ta̱dde̱n katalo ngatinna, baling kiziyet naga awuyet di̱ngdi̱ngo̱nte̱ cinne kar kozolit bunnat cinne.

2 Peturu 2:20

Ming elemtta zoz ci Manyitinna Ti̱ri̱zo̱i̱t Ye̱su̱ Ki̱ri̱sto̱, ijarit nege kaal cik gerzek lo̱o̱ce̱ cu. Abarik ngen nege bo̱do̱k a̱gga̱mo̱ ki kaal cik gerzek lo̱o̱ce̱ cu, a̱vvu̱to̱ zin i̱yo̱ko̱ nege gerzet kommog baiz bali o̱o̱wu̱ ke̱.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.