2 Peturu 1:6 - Tennet

⁶ Otortek genyiz ki laliz ci zi̱nze̱tti̱nnu̱, kar bo̱do̱k otortek laliz ci zi̱nze̱tti̱nnu̱ nimenet no̱ngi̱tto̱n, kar bo̱do̱k otortek nimenet no̱ngi̱tto̱n gool ci arikku zoz ci Ta̱mu̱ta̱dde̱no̱ zi̱nze̱tti̱.

2 Peturu 1:6 ပူးပေါင်းရင်းမြစ်များ

Kananet 5:24

Ma baling ngen Enoki owowo ki Ta̱mu̱ta̱dde̱n niko, u̱ku̱we̱ zin enne ne dakdak rugetet, eci Ta̱mu̱ta̱dde̱n uwe nonno.

Lu̱ka̱ 21:19

Okko zo̱ze̱ ci abilnnu niga ju̱rru̱m, amudannu atin niga ruget.”

Lu̱ka̱ 8:15

Imma i̱nyo̱mo̱na̱ ne̱k i̱i̱na̱k nginti een to̱ri̱c ko̱, atubo ki ol cik aziye zoz ci Ta̱mu̱ta̱dde̱no̱ ju̱rru̱m kar bo̱do̱k kanyait zi̱nze̱tti̱ cik abunna, aziye zoz ci Ta̱mu̱ta̱dde̱no̱, a̱gga̱ zin, kar ngati a̱gga̱me̱ anyaha o̱ya̱u̱ cik abunna.

Buk wa To̱ni̱a̱u̱ 24:25

Ma baling ozoz Pa̱u̱lo̱ zoz ci obod ki bunnat, ki zoz ci anyahe ol urutoit baiza, ki lo̱ki̱ko̱ ci atin a̱kku̱, o̱to̱ngo̱o̱le̱ zin Ve̱li̱ce̱ lo̱o̱c kar zin kize ne, “Ke̱le̱zo̱wa̱ anna ki zoz cunne i̱yo̱ko̱! Okko wo̱ye̱ i̱nna̱ labak. Ming karuba anna i̱i̱te̱n, kawuyi wo̱ye̱ atin anna i̱nne̱t dee.”

Roma 15:4

Eci kaala ne̱k e̱he̱rye̱ Warage ci Ta̱mu̱ta̱dde̱no̱ do̱o̱k ko̱, e̱he̱rye̱ kar kedemezet agit zoz wa een de̱de̱, kar naga go̱o̱le̱ ci kanime no̱ngi̱tto̱n ki zoz ci a̱du̱wa̱kke̱t zoz ci Ta̱mu̱ta̱dde̱no̱, kar atin kartik zi̱nze̱tti̱ zoz ci atin a̱kku̱ ke̱.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 8:25

I̱yo̱ko̱ zin, ming karikka naga zi̱nze̱tti̱ kaal cik ngen naga kicinnet, kere zin zi̱nze̱tti̱nne̱ cik alali.

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

2 Ko̱ri̱nto̱ 6:4

Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

Ga̱la̱ti̱a̱ 5:23

ki gool ci kozozik ol muluwe ci alali, aanyyet kanyait urutoit zoza. I̱llo̱i̱ lo̱ti̱nno̱k cik ongorko ki kaal ne̱ko̱.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Te̱se̱lo̱ni̱ka̱ 1:4

Eci gon kinnatung ol wak a̱tu̱we̱ ce̱e̱zi̱nne̱ cik alawe ol Ta̱mu̱ta̱dde̱n lo̱o̱co̱we̱ do̱o̱k. Ka̱du̱wa̱kka̱ nogo zoz ci animnyu no̱ngi̱tto̱n zo̱ze̱ ci akannung ol go̱o̱le̱ ci obod ki zoz ci Ta̱mu̱ta̱dde̱no̱, ki bo̱do̱k tu̱we̱ne̱t ci a̱tu̱yyu̱ Ta̱mu̱ta̱dde̱n ming nu̱nu̱n a̱gi̱ddu̱ng ol.

2 Te̱se̱lo̱ni̱ka̱ 3:5

Kala Manyi ka̱a̱nyu̱ng kar a̱gga̱c rezinet ol ki Ta̱mu̱ta̱dde̱n, kar zin bo̱do̱k kalaltung zi̱nze̱tti̱ ki nimenet zoz ci Ki̱ri̱sto̱.

1 Ti̱mo̱te̱yo̱ 2:10

Abunna ngaai wak ala Ta̱mu̱ta̱dde̱n ming eela ol.

1 Ti̱mo̱te̱yo̱ 2:2

Alayek Ta̱mu̱ta̱dde̱n alaat cik abal lo̱o̱c ki ol wak a̱ddi̱ki̱re̱ abal ol, ki ol wak abal nege, kar kabait labak go̱o̱le̱ ci kireze Ta̱mu̱ta̱dde̱n zi̱nze̱tti̱nne̱ cik abunna.

1 Ti̱mo̱te̱yo̱ 3:16

I̱llo̱i̱ gi̱i̱ imma ci ommog li̱ngli̱ngo̱n wa obod ki gool wa Ta̱mu̱ta̱dde̱no̱ bali arrak a̱lu̱gnye̱ ke̱. I̱ye̱la̱i̱ Ye̱su̱ wa atahalai lo̱o̱ta̱ kize e̱e̱t ci diiri. Kar Vongizi ci Ta̱mu̱ta̱dde̱no̱ ki̱ye̱la̱ een enne de̱de̱ Ngerrti Ta̱mu̱ta̱dde̱no̱. Kar zin anjilonya wak Ta̱mu̱ta̱dde̱no̱ bu̱k kicinnet nonno. Uwakttek ol zoz wa obod ki nonno lo̱o̱cco̱k do̱o̱k. U̱tu̱we̱t zin ol cik meelek nonno lo̱o̱cco̱k do̱o̱k, kar zin Ta̱mu̱ta̱dde̱n kodong nonno kuuwe ta̱mu̱-kenga.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

1 Ti̱mo̱te̱yo̱ 6:3

ming edemez e̱e̱ti̱ lo̱ti̱nno̱k wak aavtte do̱ ngati lo̱ti̱nno̱k wak Manyitinna Ye̱su̱ Ki̱ri̱sto̱ een de̱de̱ ki gool ci kanu ko̱,

1 Ti̱mo̱te̱yo̱ 6:6

Ming kabak baiz ci ko̱ngo̱o̱li̱ne̱ Ta̱mu̱ta̱dde̱n kar bo̱do̱k kalalit zi̱nze̱tti̱, aanyyet Ta̱mu̱ta̱dde̱n kaal kizet bo̱to̱ro̱.

2 Ti̱mo̱te̱yo̱ 3:5

Ogon e̱le̱tti̱ ki cik e̱e̱ggi̱n ol cik Ta̱mu̱ta̱dde̱no̱, ma̱i̱je̱ ngatu amikzene komiz ci Ta̱mu̱ta̱dde̱no̱ baize cinne̱ng. Ma orkoryyu ki ol cik ogon ki i̱yo̱ko̱.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

Ti̱to̱ 1:8

Abarik, abunna ming irez e̱re̱nno̱k, kar bo̱do̱k katal ku̱tu̱gu̱ kaal cik abunna, abunna ming anyak urutoit zoza, abunna ming ogon kaal cik een de̱de̱, anyik kabak baiz ci abunna a̱li̱le̱.

Ti̱to̱ 2:2

Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.

I̱bu̱ru̱ 10:36

Abunna ming Animnyu no̱ngi̱tto̱n, kar u̱tu̱gu̱z kaal cik orong Ta̱mu̱ta̱dde̱n. Kar atin urubta kaal balik u̱du̱wa̱ enne ke̱.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

I̱bu̱ru̱ 6:12

Ma arnannu go̱o̱le̱ necu, u̱tu̱gu̱z ki ol wak a̱tu̱we̱ wak a̱gi̱d ol kar ku̱zu̱tte̱ zoz ci Ta̱mu̱ta̱dde̱no̱.

I̱bu̱ru̱ 6:15

Erewo zin Aburahami zee kakat zoz bali u̱du̱wa̱ Ta̱mu̱ta̱dde̱n ke̱ mo̱o̱le̱t.

2 Peturu 1:3

Aanyyet komizi ci Ta̱mu̱ta̱dde̱no̱ agit kaal do̱o̱k wak korong naga baize cinna, abunna kaanyik Ta̱mu̱ta̱dde̱n katalo ngatinna, baling kiziyet naga awuyet di̱ngdi̱ngo̱nte̱ cinne kar kozolit bunnat cinne.

2 Peturu 3:11

Aditai atin kaala veelek go̱o̱le̱ necu. Abunna zin ming abakku baiz ci a̱li̱le̱ o̱ngo̱o̱li̱nnu̱ Ta̱mu̱ta̱dde̱n kar i̱li̱ngli̱nge̱t zoz cinne.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 13:10

Ming anyozik e̱e̱ti̱ imma kar atin ka̱gga̱me̱ illawa, okko atin enne a̱gga̱mnye̱ de̱de̱. Ming u̱du̱ya̱i̱ zoz ci e̱e̱to̱ okko enne a̱ru̱we̱ nya̱tu̱ba̱ta̱ ka̱da̱k, a̱ru̱we̱ atin enne nya̱tu̱ba̱ta̱ de̱de̱. Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kinimet zo̱zzo̱k kanyait zi̱nze̱tti̱ cik alali.

O̱no̱zzo̱k 14:12

Azi zoz necu ne, anyik ol wak Ta̱mu̱ta̱dde̱no̱ a̱li̱le̱ kanyait zi̱nze̱tti̱ cik alali, anime no̱ngi̱tto̱n kar ko̱to̱ngo̱o̱ltte̱ lo̱ti̱nno̱k cik Ta̱mu̱ta̱dde̱no̱ kar ke̱me̱dda̱ odohize ngati a̱tu̱we̱ zoz ci Ye̱su̱.

O̱no̱zzo̱k 2:2

Ka̱gga̱ anna li̱ngli̱ngo̱n cunno̱ng ki nimenet no̱ngi̱tto̱n. Ka̱gga̱ iróng niga elemnyyu ol cik mu̱nye̱nu̱, itimanttu niga ol cik azi ne ke̱e̱ggi̱nna̱ to̱ni̱a̱k cik Ye̱su̱, iróng zin een de̱de̱, amuda e̱e̱ggi̱n nege volongnyok iróng e̱e̱ggi̱n to̱ni̱a̱k cigannik.