2 Peturu 1:19 - Tennet

¹⁹ Ka̱gga̱yya̱ zin naga e̱e̱ggi̱n zo̱zzo̱wa̱ balik u̱du̱kta̱ a̱ri̱tto̱wa̱ cik zoz ci Ta̱mu̱ta̱dde̱no̱ ko̱ do̱o̱k de̱de̱. Abunna zin ming aziknnu niga kaviyak cigge̱k, aanycik ka̱vvu̱to̱ zi̱nze̱tti̱nne̱ cuggo̱k ku̱tu̱gu̱ ki urezi ci ataran nginti mu̱hu̱ri̱ zee kiyowa munyunyoci ci een tukul maam.

2 Peturu 1:19 ပူးပေါင်းရင်းမြစ်များ

Ma̱te̱yo̱ 4:16

Icinnet ol wak abak mu̱hu̱ra̱, vooriten ci a̱ppwe̱, ma̱i̱je̱ ol wak abak ri̱ri̱to̱ne̱ ci daizo, iyowak atin nogo vooriten.”

Kaviyak wak Abunna Ta̱mu̱ta̱dde̱no̱ eher Joni 5:35

Ogon ba̱li̱ye̱ Joni ki urez ci ataran lo̱o̱c, kar zin niga elemtau arrak urez neci do̱yo̱i̱t.”

Kaviyak wak Abunna Ta̱mu̱ta̱dde̱no̱ eher Joni 5:39

Abarik niga ikebju Waraga ci Ta̱mu̱ta̱dde̱no̱ oroot, a̱nnu̱ ne, amudannu ruget ci aave udut. Oob Waraga ci Ta̱mu̱ta̱dde̱no̱ zoz cinanni ele.

Kaviyak wak Abunna Ta̱mu̱ta̱dde̱no̱ eher Joni 8:12

Ozozik bo̱do̱k Ye̱su̱ nogo, a̱nne̱k ne, “Ke̱e̱ni̱ anna tukulec ci lo̱o̱tu̱. Imma ming annuya e̱e̱ti̱ iróng atin owo ngati mu̱hu̱ri̱, abarik atin enne anyak tukulec ci rugeto.”

Buk wa To̱ni̱a̱u̱ 15:29

Ma adakku da̱i̱ne̱t cik amuci ol ta̱mu̱ta̱dde̱n ci adimanai azzine, ma adakku i̱di̱ng ci ngen anyak bi̱ye̱ icima e̱le̱gi̱t ci adal ol, ma e̱e̱ggi̱nnu̱ a̱li̱ya̱k. Ogonnu atin ju̱rru̱m ming azunnu lo̱ti̱nno̱k ne̱ko̱. Oot labak.

Buk wa To̱ni̱a̱u̱ 17:11

Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.

I̱bu̱ru̱ 2:2

Een kaviyaha balik anyaha anjilonya ke̱ de̱de̱, imma ol wak a̱du̱l zoz neci, icima abure lo̱ti̱nno̱k ne̱ke̱ ettedik Ta̱mu̱ta̱dde̱n nogo lo̱ki̱ko̱ cinne̱ng.

Je̱mi̱s 2:8

Ming azunnu niga lo̱ti̱nno̱k wak riilik Warage ci Ta̱mu̱ta̱dde̱no̱ e̱he̱rye̱ azi ne, “Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱,” ogonnu niga zoz ci een de̱de̱.

1 Peturu 1:10

Imma zo̱ze̱ ci ti̱ri̱ze̱ne̱t necu, ozozit a̱ri̱tto̱wa̱ uggak zoz ci de̱ti̱ne̱t ci atin anyonikkung, orong zi̱nze̱tti̱ ecito idic.

1 Jon 5:10

I̱yo̱ko̱ zin, ming a̱tu̱ e̱e̱ti̱ zoz ci Ngerrti Ta̱mu̱ta̱dde̱no̱, anyak enne zoz ci ibbace enne ko̱ zinine cinne. Imma e̱e̱ti̱ ci iróng elemi zoz ci Ta̱mu̱ta̱dde̱no̱, angany enne Ta̱mu̱ta̱dde̱n azi ne een volongnyoit, eci iróng enne elemi zoz ci ibbace Ta̱mu̱ta̱dde̱n Ngerinne.

3 Jon 1:6

U̱du̱kta̱k zin nege ol cik a̱tu̱we̱ ke̱le̱ci̱a̱ zoz ci obod ki rezinet cunne. Eelta nogo ming ovvo nege eroni ki ming a̱du̱wa̱ zoz ci Ta̱mu̱ta̱dde̱no̱.

O̱no̱zzo̱k 2:28

Kanyik atin anna bo̱do̱k nonno munyat ci nge̱rre̱ti̱nu̱.

O̱no̱zzo̱k 22:16

“Anna Ye̱su̱, ki̱tto̱na̱kku̱ng anna anjilo cinanni kar ku̱du̱wa̱u̱ng i̱ge̱t ol wak a̱tu̱we̱ ke̱le̱ci̱a̱nya̱i̱ do̱o̱k kaal ne̱ko̱. Ke̱e̱ni̱ anna lolac kar kize do̱le̱c ci doolik Da̱vi̱de̱, kar bo̱do̱k kize dhu̱mo̱c ci nge̱rre̱ti̱nu̱ ko̱.”