2 Peturu 1:17 - Tennet

¹⁷ Eci enne amuda ngo̱li̱ne̱t ki di̱ngdi̱ngo̱n ngati Ta̱mu̱ta̱dde̱no̱ Be̱e̱ti̱nna̱ baling i̱tto̱na̱ enne muluk ci azi ne, “Een necu Ngeranni wa kirezi; katalne anna oroot ngatinne.”

2 Peturu 1:17 ပူးပေါင်းရင်းမြစ်များ

Ma̱te̱yo̱ 12:18

“Icu du̱ca̱i̱t cinanni wa bali katahala anna ke̱, wa o̱de̱ ṯok kirezi anna, katalne zo̱ze̱ cinne, karike atin anna Vongiz cinanni nonno, kar atin enne keela ol lo̱o̱co̱we̱ do̱o̱k kurubta lo̱ki̱ko̱ ci een de̱de̱.

Ma̱te̱yo̱ 17:3

Ataman niko, i̱ye̱ltta̱i̱ Musesi ki E̱li̱ja̱ kar kozozit ki Ye̱su̱.

Ma̱te̱yo̱ 17:5

Imma baling ngen enne ozozi, i̱ki̱ya̱k zin nogo di̱i̱z ci voori, kar zin mului kize di̱i̱za̱ ne, “Een necu Ngeranni wa kirezi; katalne anna oroot ngatinne. Iziyyet zoz cinne.”

Ma̱te̱yo̱ 28:19

I̱yo̱ko̱, oot ngati ol cik lo̱o̱tu̱ do̱o̱k komize cinanni, aanycik booryyok do̱o̱k kizeto nuyak, a̱gga̱mte̱k nogo ba̱ti̱ti̱mo̱ zare cik Baba ki cik Ngerinne ki Vongiz ci A̱li̱le̱,

Ma̱te̱yo̱ 3:17

Iyowa zin mului ci a̱kku̱ ta̱mu̱-kenga, ize ne, “Een necu Ngeranni, kirezi nonno oroot; katalne anna zo̱ze̱ cinne.”

Marko 1:11

I̱ki̱ya̱ zin mului ci a̱kku̱ ta̱mu̱-kenga, azi ne, “E̱e̱ni̱ i̱nna̱ Ngeranni wa kirezi, katalne anna zo̱ze̱ cinne.”

Marko 9:7

I̱ki̱ya̱ zin di̱i̱zo̱ci̱ imma kar ku̱bu̱ng nogo, iyowa zin mului di̱i̱zo̱ca̱: “Een necu Ngeranni wa kirezi. Iziyyet zoz cinne!”

Lu̱ka̱ 10:22

“Anyoziya annita kaala do̱o̱k ngati Baba. I̱llo̱i̱ e̱e̱t co̱de̱ ci a̱gga̱ Ngerinne, Baba do̱ ci a̱gga̱, kar bo̱do̱k i̱llo̱i̱ e̱e̱t co̱de̱ ci a̱gga̱ Baba, Ngerinne do̱ ci a̱gga̱ ki ol wak atahala enne, kar ki̱ye̱le̱k nogo zoz ci Baba.”

Lu̱ka̱ 3:22

kar zin Vongizi ci A̱li̱le̱ kulucak nonno kiwagon lo̱be̱rru̱i̱. Iyowa zin mului ta̱mu̱-kenga ci azi ne, “E̱e̱ni̱ i̱nna̱ Ngeranni wa kirezi anna; katalne anna zo̱ze̱ cunne oroot.”

Kaviyak wak Abunna Ta̱mu̱ta̱dde̱no̱ eher Joni 10:15

Ki i̱yo̱ko̱ ming a̱gga̱ya̱ Baba annit ko̱, ka̱gga̱ anna bu̱k nonno. Ka̱da̱i̱ vu̱rrte̱ ci eeza cigannik.

Kaviyak wak Abunna Ta̱mu̱ta̱dde̱no̱ eher Joni 10:36

imma anna, atahala Baba, kar ki̱tto̱na̱ ki̱ki̱ya̱k lo̱o̱c. Nya zin ci a̱du̱wa̱nnu̱ a̱nnu̱ ne odomi anna nonno zo̱ze̱ ci kazi ne, ‘Ke̱e̱ni̱ anna Ngerrti Ta̱mu̱ta̱dde̱no̱’?

Kaviyak wak Abunna Ta̱mu̱ta̱dde̱no̱ eher Joni 14:11

U̱tu̱yya̱ng annit ming ka̱nne̱kku̱ng ne kodowina anna ki Baba; icima u̱tu̱we̱t kaal ne̱k a̱vu̱la̱ kogonni anna ko̱.

Kaviyak wak Abunna Ta̱mu̱ta̱dde̱no̱ eher Joni 14:6

O̱bo̱de̱k zin Ye̱su̱ nonno, izek ne, “Ke̱e̱ni̱ anna eliya gool, kar bo̱do̱k kize zoz wa een de̱de̱, kar bo̱do̱k kize ruget. Iróng e̱e̱ti̱ imma a̱kku̱nna̱k Baba ming iróng iyok ngatinanni.

Kaviyak wak Abunna Ta̱mu̱ta̱dde̱no̱ eher Joni 17:21

kar nege do̱o̱k kurumte ko̱do̱ye̱, Baba ki i̱yo̱ko̱ ming ko̱do̱ye̱ anna ki i̱nne̱t ko̱. Iróng ucca nege bu̱k o̱do̱ye̱ kar ol cik lo̱o̱tu̱ ko̱ kelemit ming een i̱nne̱t ci da̱ i̱tto̱na̱na̱ annit!

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Kaviyak wak Abunna Ta̱mu̱ta̱dde̱no̱ eher Joni 3:35

Irez Be̱e̱ti̱ do̱le̱co̱ Ngerinne kar zin karik kaal do̱o̱k azzin ciginnek.

Kaviyak wak Abunna Ta̱mu̱ta̱dde̱no̱ eher Joni 5:20

Ireza annit Baba Ngerinne kar zin ki̱ye̱le̱ya̱ kaal ne̱k ogon enne ke̱ do̱o̱k. I̱ye̱le̱ka̱ atin enne annit kaal cik ommog ne̱ko̱.

Kaviyak wak Abunna Ta̱mu̱ta̱dde̱no̱ eher Joni 5:26

Ki i̱yo̱ko̱ ming anyak Baba ruget ko̱, aanyik zin enne Ngerinne bu̱k kanyak ruget.

Kaviyak wak Abunna Ta̱mu̱ta̱dde̱no̱ eher Joni 6:27

Ma a̱li̱ngli̱ngnyu̱ zo̱ze̱ ci da̱i̱ne̱t wak atin iróng abak udut, abarik i̱li̱ngli̱ngge̱t da̱i̱ne̱t cik gon aavtte baize wa aave udut, cik atin ka̱a̱nyu̱ng anna Ngerrti E̱e̱to̱, eci Baba Ta̱mu̱ta̱dde̱n arika annit komiz li̱ngli̱ngo̱nte̱ necu.”

Kaviyak wak Abunna Ta̱mu̱ta̱dde̱no̱ eher Joni 6:37

A̱vvu̱na̱ka̱ atin ol wak aanya Baatanni annita, ma̱i̱je̱ ming a̱kku̱nna̱ka̱ e̱e̱ti̱ imma iróng anna ka̱bu̱ri̱.

Kaviyak wak Abunna Ta̱mu̱ta̱dde̱no̱ eher Joni 6:39

Een necu gi̱i̱ ci orong e̱e̱ti̱ ci i̱tto̱na̱na̱ ko̱ kar ku̱tu̱gu̱, iróng atin anna kokolozi e̱e̱t co̱de̱ olle wak anyaha enne annit ko̱, abarik kingane atin nogo daiza i̱i̱te̱ne̱ ci okko aṯurneke looci.

Roma 15:6

kar zin zinine co̱de̱ inatit Ta̱mu̱ta̱dde̱n wa een be̱e̱ti̱ Manyitinna Ye̱su̱ Ki̱ri̱sto̱.

2 Ko̱ri̱nto̱ 1:3

Abunna kinnat Ta̱mu̱ta̱dde̱n Be̱e̱ti̱ Manyi Ye̱su̱ Ki̱ri̱sto̱. Een Baba Ta̱mu̱ta̱dde̱n ci e̱de̱tte̱, eelannet agit odohize.

2 Ko̱ri̱nto̱ 11:31

Ka̱du̱wa̱ zoz ci een de̱de̱, i̱tto̱ni̱k Ta̱mu̱ta̱dde̱n Be̱e̱ti̱ Manyi Ye̱su̱, abunna kinnat Ta̱mu̱ta̱dde̱n udut, a̱gga̱ enne iróng anna kovolongi.

I̱bu̱ru̱ 1:3

I̱ye̱la̱ Ngerinne doiz ki di̱ngdi̱ngo̱n ci Ta̱mu̱ta̱dde̱no̱, ogon enne odohize ki Ta̱mu̱ta̱dde̱n. A̱gga̱m zin enne lo̱o̱c doize cinne. Baling utunya Ngerinne mu̱nye̱n cigga̱c do̱o̱k, a̱vvu̱ zin lo̱o̱ta̱ a̱tte̱ ci a̱zzo̱ di̱ngdi̱ngo̱nte̱ ci Ta̱mu̱ta̱dde̱no̱, ta̱mu̱-kenga.

2 Jon 1:3

Anyik deten, ki eezet ki gano ngati Ta̱mu̱ta̱dde̱no̱ wa een Be̱e̱ti̱nna̱ ki ngati Ye̱su̱ Ki̱ri̱sto̱, Ngerrti Baba, aave atin ngatinna rezinta ki zo̱ze̱ ci een de̱de̱.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.