2 Peturu 1:1 - Tennet

¹ Annita Si̱mo̱ne̱ Peturu wa ke̱e̱ni̱ du̱ca̱i̱t ki to̱ni̱a̱t ci Ye̱su̱ Ki̱ri̱sto̱. Keherakkung waraga necu i̱ge̱t ol wak anyakku tu̱we̱ne̱t ci okkomi ki i̱yo̱ko̱ naga ko̱ ngati Ta̱mu̱ta̱dde̱n cinna ki Ti̱ri̱zo̱i̱t Ye̱su̱ Ki̱ri̱sto̱, ogon atin enne kaal cik abunna.

2 Peturu 1:1 ပူးပေါင်းရင်းမြစ်များ

Ma̱te̱yo̱ 10:2

E̱e̱ggi̱n ciko zar cik to̱ni̱a̱k wak Ye̱su̱ een omoto ki rama: Si̱mo̱ne̱ wa een zara Peturu ki gotoni ci een Andereya kar bo̱do̱k Je̱mi̱s ki Jon wak e̱e̱ggi̱n dooli cik Zebedee,

Ma̱te̱yo̱ 4:18

Baling owo Ye̱su̱ nyatapare ci een Ga̱li̱li̱, icin logoz cik een rama Si̱mo̱ne̱ wa een Peturu ki gotoni ci een Andereya ming a̱gga̱m u̱lu̱g liila.

Lu̱ka̱ 1:47

kar vongizi cinanne katalo ngati Ta̱mu̱ta̱dde̱n Ti̱ri̱zo̱i̱t cinanni,

Lu̱ka̱ 11:49

Eci zo̱ze̱ necu, azi Ta̱mu̱ta̱dde̱n genyize cinne ne, ‘Ki̱tto̱nna̱k atin anna nogo a̱ri̱tto̱k ki to̱ni̱a̱k, ovvo atin uggak a̱ru̱we̱ ka̱da̱i̱to̱, kar atin uggak ki̱gi̱dde̱.’

Kaviyak wak Abunna Ta̱mu̱ta̱dde̱no̱ eher Joni 1:42

Kar zin Andereya kanyahak nonno rok Ye̱su̱. Icin Ye̱su̱ nonno kar zin kizek ne, “I̱nne̱t Si̱mo̱ne̱ ngerrti Joni. Anyik zar cigunnek kize Cephas, azi ungeci cik zar ne̱ko̱ ne Peturu.”

Kaviyak wak Abunna Ta̱mu̱ta̱dde̱no̱ eher Joni 12:26

Ming een e̱e̱t ci a̱li̱ngli̱ngngo̱ni̱ka̱n, anyik kunuwan, ming een nginti kaave, aave atin enne bu̱k. Ming a̱li̱ngli̱ngngo̱ni̱ka̱ e̱e̱ti̱ annita, irez atin Baba nonno bu̱k.”

Kaviyak wak Abunna Ta̱mu̱ta̱dde̱no̱ eher Joni 20:21

O̱bo̱de̱k bo̱do̱k Ye̱su̱ nogo, ize ne, “A̱vvu̱t labak ki i̱yo̱ko̱ ming i̱tto̱na̱na̱ Baba ko̱, ki̱tto̱nnu̱ng anna i̱ge̱t bu̱k.”

Buk wa To̱ni̱a̱u̱ 15:14

Oobekket Si̱mo̱ne̱ zoz wa a̱kku̱na̱ke̱ Ta̱mu̱ta̱dde̱n ol cik iróng een Ya̱u̱d, orong kanyaha ol ne̱ko̱ u̱gge̱ kizeto ciginnek.

Roma 1:1

Annita Pa̱u̱lo̱ wa ke̱e̱ni̱ du̱ca̱i̱t ci Ye̱su̱ Ki̱ri̱sto̱ ci keheri waraga cu, atahala Ta̱mu̱ta̱dde̱n annit kize to̱ni̱a̱t kar kuwahek ol kaviyak cik abunna.

Roma 1:12

kar anna ki i̱ge̱t do̱o̱k kizocet tu̱we̱ne̱t cinna kokkomit ne kak.

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 15:9

Eci anna ke̱e̱ni̱ vu̱rru̱t ci to̱ni̱a̱u̱ veelek, iróng agano ming awuya ol kize to̱na̱i̱t, eci anna ki̱gi̱da̱ ol wak a̱tu̱we̱ Ce̱e̱ze̱ wa Ta̱mu̱ta̱dde̱no̱.

1 Ko̱ri̱nto̱ 9:1

Abunna zin niga ming a̱gga̱yyu̱ kowo anna labak i̱llo̱i̱ gi̱i̱ ci adiryan kaale cik lo̱o̱tu̱. Ke̱e̱ni̱ anna to̱ni̱a̱t ci Manyi Ye̱su̱ Ki̱ri̱sto̱. Kicina anna Ye̱su̱ Manyitinna. E̱e̱ggi̱nnu̱ niga ol balik kuwahekkung kaviyak cik Manyi ke̱ bak elemannu zoz cinne.

2 Ko̱ri̱nto̱ 4:13

E̱he̱rye̱ Warage ci Ta̱mu̱ta̱dde̱no̱, “Ka̱tu̱ anna Ta̱mu̱ta̱dde̱n; kozoza zin.” Ki ming kaavtte zinine co̱de̱ tu̱we̱nta̱ ko̱, ka̱tu̱ naga kar kozozit,

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 2:8

Ta̱mu̱ta̱dde̱n dee niko ci anyike Peturu komiz kize to̱ni̱a̱t ci uwahek Ya̱u̱d zoz cinne, kar bo̱do̱k atahalan kize to̱ni̱a̱t ci kuwahek ol wak iróng een Ya̱u̱d kaviyak ciginnek.

Evesos 3:5

Imma bali la̱du̱n oowa ke̱, ngen Ta̱mu̱ta̱dde̱n ki̱ye̱le̱k zoz necu e̱e̱t ci diiri, kar zin vu̱rrta̱ i̱ye̱le̱k Vongizi cinne zoz necu to̱ni̱a̱k wak a̱li̱le̱ ki a̱ri̱tto̱k cik zoz cinne.

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

Evesos 4:5

Anyakku niga Manyi co̱de̱ ṯok niko, ki tu̱we̱ne̱t co̱de̱, ki ba̱ti̱ti̱mo̱ co̱de̱.

Vilipia 1:1

Annita Pa̱u̱lo̱ ki Ti̱mo̱te̱yo̱ wak ke̱e̱ggi̱nna̱ du̱cca̱k cik Ye̱su̱ Ki̱ri̱sto̱ ko̱ cik keherya waraga cu. Keherika waraga cu ol wak a̱tu̱ zoz ci Ye̱su̱ Ki̱ri̱sto̱ o̱rge̱ ci een Vilip, keherika bu̱k lo̱ddi̱ki̱re̱ cik ke̱le̱ci̱o̱ veelek.

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

2 Ti̱mo̱te̱yo̱ 1:5

Ka̱a̱da̱ tu̱we̱ne̱t wanunne okkomi, ki tu̱we̱ne̱t wa ya̱ngtu̱nne̱ Loyiz, ki tu̱we̱ne̱t wa yaatunne Yuniz, ka̱gga̱wa̱ niko aanyi i̱nna̱ bu̱k tu̱we̱ne̱t neci.

Ti̱to̱ 1:1

Annit Pa̱u̱lo̱ wa atahala Ta̱mu̱ta̱dde̱n kize du̱ca̱i̱t cinne kar zin bo̱do̱k kize to̱ni̱a̱t wa Ye̱su̱ Ki̱ri̱sto̱ bali atahalai ke̱. Ki̱tto̱nna̱i̱ kar ki̱ki̱ya̱ kanyahak tu̱we̱ne̱t ol wak engera Ta̱mu̱ta̱dde̱n, kar kedemez nogo ka̱gga̱c zoz wa een de̱de̱, kar ki̱ye̱le̱k nogo gool ci abahe nege ngati o̱ngo̱o̱li̱nne̱ Ta̱mu̱ta̱dde̱n.

Ti̱to̱ 1:4

Keheriki zin anna waraga necu i̱nne̱ta̱ Ti̱to̱, wa u̱tu̱gu̱ ki ngeranni tu̱we̱nte̱ ci kozol naga ko̱: Anyik Ta̱mu̱ta̱dde̱n wa een Be̱e̱ti̱nna̱ ki Ye̱su̱ Ki̱ri̱sto̱ Ti̱ri̱zo̱i̱t cinna kaanyi deten ki baiz yahe.

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

Je̱mi̱s 1:1

Annita Je̱mi̱s wa ke̱e̱ni̱ du̱ca̱i̱t ci Ta̱mu̱ta̱dde̱no̱ ki Manyi Ye̱su̱ Ki̱ri̱sto̱ ko̱ ele nenen ci keheri waraga cu. Keherakkung anna waraga cu i̱ge̱t booryyok wak e̱e̱ggi̱n omoto ki rama, wak azzanonik lo̱o̱cco̱k do̱o̱k. Kizzayung i̱ge̱t veelek zare cik Manyi Ye̱su̱ Ki̱ri̱sto̱.

1 Peturu 1:1

Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.

1 Peturu 1:7

A̱vvu̱ kaala ne̱k gerzek ko̱ kar tu̱we̱ne̱t cunno̱ng kize de̱de̱ kommog zu̱rte̱ni̱t ci een dhahab, ci gon ozolo ming aartik ol gwo̱o̱. I̱ye̱la̱ wo̱ye̱ zoz ci een de̱de̱ kar ol kinnatit, anyaha di̱ngdi̱nga̱ni̱ne̱t ki to̱ngo̱o̱li̱ne̱t ming okko Ye̱su̱ Ki̱ri̱sto̱ obodak lo̱o̱c.

1 Peturu 2:7

I̱yo̱ko̱ niga ol wak a̱tu̱we̱ ko̱, riil bee necu. Ma̱i̱je̱ ol wak iróng a̱tu̱we̱, “Okko bee bali abure ol wak eenyce ko̱ ize bee ci abilne ce̱e̱z kommog veelek.”

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

2 Peturu 1:4

Imma zin go̱o̱le̱ necu aanyyet enne agit kaal cik abunna riilik oroot, balik u̱du̱wa̱ enne kar kaanyyet ke̱ do̱o̱k. Ma zin kaale ne̱ko̱ a̱a̱nyu̱ng e̱de̱yya̱ e̱le̱tti̱ kaale wak lo̱o̱tu̱ gerzek balik orong zi̱nze̱tti̱ cuggo̱k u̱tu̱gu̱z ke̱, kar zin i̱yo̱ko̱ niga ozolit bunnat ci Ta̱mu̱ta̱dde̱no̱.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.