2 Ko̱ri̱nto̱ 9:7 - Tennet

⁷ Abunna zin e̱e̱ti̱ ci a̱tu̱we̱ ming a̱ru̱k o̱ro̱bi̱ya̱ cik eelanne enne ol u̱gge̱ cik a̱tu̱we̱ zinine ci alali, iróng e̱e̱ti̱ imma adangeki ibawa. Atali Ta̱mu̱ta̱dde̱n e̱e̱t ci aanyik ol kaal zinine ci alali.

2 Ko̱ri̱nto̱ 9:7 ပူးပေါင်းရင်းမြစ်များ

Buk wa To̱ni̱a̱u̱ 20:35

Imma kaale cik kogonni anna do̱o̱k, ki̱ye̱le̱u̱ng anna i̱ge̱t gool ci ka̱li̱ngli̱nge̱ naga oroot kar keelta ol cik amati, ka̱a̱da̱ zoz ci a̱du̱wa̱kke̱t Manyi Ye̱su̱ enne ele, azi ne: ‘A̱ma̱yu̱we̱ e̱e̱ti̱ ci aanyik e̱e̱t gi̱i̱ kommog e̱e̱t ci a̱gga̱ma̱ gi̱i̱ neci.’”

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

2 Ko̱ri̱nto̱ 8:12

Ming orong e̱e̱ti̱ ki̱ti̱ri̱z gonoggi kaale cik anyai, abunna ming anyike nogo kaal cik ette anyak enne zinine cinne do̱o̱k. Atalne Ta̱mu̱ta̱dde̱n ngati e̱e̱t ci anyike ol kaal talninta, iróng angija.

Vilomene 1:14

Iróng anna korongi ku̱tu̱gu̱ gi̱i̱ imma ming ngen i̱nna̱ lema, kar ming elema i̱nna̱ arrak abunna, gerza ming kadangeki anna i̱nne̱t zoz.

Je̱mi̱s 5:9

Ma ozozu e̱le̱tti̱, ettedekkung atin Ta̱mu̱ta̱dde̱n i̱ge̱t lo̱ki̱ko̱. E̱re̱ye̱ lo̱ki̱ko̱ cunno̱ng tatuga.

1 Peturu 4:9

Aanycik ol ki̱vi̱ta̱k ce̱e̱zi̱ ciggo̱k ki̱zzi̱ rok zoz imma ci anyakku zi̱nze̱tti̱nne̱ to.