2 Ko̱ri̱nto̱ 9:15 - Tennet

¹⁵ Kanyikka Ta̱mu̱ta̱dde̱n zany eci enne i̱tto̱na̱i̱t muci ci a̱zi̱ze̱ oroot, iróng wo̱ye̱ kozozi.

2 Ko̱ri̱nto̱ 9:15 ပူးပေါင်းရင်းမြစ်များ

Lu̱ka̱ 2:14

“Anycik di̱ngdi̱ngo̱n Ta̱mu̱ta̱dde̱n, ta̱dde̱na̱, kar lo̱o̱ta̱ gano ci ol cik diirik cik elemi Ta̱mu̱ta̱dde̱n.”

Lu̱ka̱ 2:38

Baling i̱i̱te̱ne̱ neci ele, aanyik enne Ta̱mu̱ta̱dde̱n zany kar kozoz zoz ci do̱le̱co̱ olle balik ere ti̱ri̱ze̱ne̱t ci Jerusalemo ke̱.

Kaviyak wak Abunna Ta̱mu̱ta̱dde̱no̱ eher Joni 1:16

Imma deten wa anyak enne a̱ppwe̱ ko̱, kamuda zin naga do̱o̱k ma̱yu̱we̱ne̱t ci a̱ppwe̱.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Roma 5:15

Imma bo̱do̱k Adami ki Ye̱su̱ engero go̱o̱lo̱we̱ cik ogone nege kaal. A̱kku̱nna̱k daizi lo̱o̱c mu̱nye̱ne̱ cik Adami kar kuruma ol do̱o̱k. Okko zin Ye̱su̱ Ki̱ri̱sto̱ anyahak ol do̱o̱k muci ci een deten ci Ta̱mu̱ta̱dde̱no̱.

Roma 6:23

Aanyyet mu̱nye̱na̱ daiz, okko zoz ci Ta̱mu̱ta̱dde̱no̱ aanyyet baiz ci aave udut ngati Manyitinna Ye̱su̱ Ki̱ri̱sto̱.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

1 Ko̱ri̱nto̱ 15:57

Abarik kanycik Ta̱mu̱ta̱dde̱n zany eci aanyyet komiz ngati Manyitinna Ye̱su̱ Ki̱ri̱sto̱.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 9:11

A̱ma̱yu̱kku̱ng atin Ta̱mu̱ta̱dde̱n go̱o̱lo̱we̱ do̱o̱k, eci niga amuccu nonno ju̱rru̱m. Ovvo zin ol cik meelek aanyik Ta̱mu̱ta̱dde̱n zany zo̱ze̱ ci muci ci anyahannu niga ko̱, kovvoya naga olle, Ju̱de̱ya̱kte̱.

2 Ko̱ri̱nto̱ 9:14

Imma lawinte cinne̱ng ovvo zi̱nze̱tti̱ cigge̱k do̱o̱k ngatinno̱ng, eci Ta̱mu̱ta̱dde̱n a̱a̱nyu̱ng deten cinne ommog veelek.

Evesos 5:20

Aanycik Ta̱mu̱ta̱dde̱n Be̱e̱ti̱nna̱ zany kaale do̱o̱k odohize zare cik Manyitinna Ye̱su̱ Ki̱ri̱sto̱.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

O̱no̱zzo̱k 4:9

Gon ming ovvo kaala ne̱k aruge e̱e̱ggi̱n we̱c ko̱ ovvo aanyik di̱ngdi̱ngo̱n, bak o̱ngo̱o̱le̱ kar kanycik zany E̱e̱t ci aave lecere ci alaanzetinu ko̱, nonno ci abak udut,