2 Ko̱ri̱nto̱ 9:13 - Tennet

¹³ Imma go̱o̱le̱ ci eelannu ollik Ta̱mu̱ta̱dde̱no̱ ko̱, ovvo atin nege innat Ta̱mu̱ta̱dde̱n. A̱tu̱yyu̱ niga zoz ci Ki̱ri̱sto̱, o̱ngo̱o̱li̱nnu̱ Manyi kar ozolit o̱ro̱bi̱ya̱ ki ol cik Ta̱mu̱ta̱dde̱no̱.

2 Ko̱ri̱nto̱ 9:13 ပူးပေါင်းရင်းမြစ်များ

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Ma̱te̱yo̱ 9:8

Baling icinnet koole zoz necu, u̱ku̱lte̱k je̱e̱n, kar zin kinnatit Ta̱mu̱ta̱dde̱n eci anyike Ta̱mu̱ta̱dde̱n ol komiz.

Lu̱ka̱ 6:46

“Nya ming awuyang odohize niga a̱nne̱kka̱ng ne, ‘Manyi, Manyi,’ kar ngatu iróng ogonnu kaal cik ka̱du̱wa̱ anna ko̱?

Kaviyak wak Abunna Ta̱mu̱ta̱dde̱no̱ eher Joni 15:8

Abunna ming ogonnu ki alawo cik a̱bbi̱rna̱ o̱ya̱u̱ cik meelek, kar izet nuyak cigannik, kar zara cik Baba ki̱di̱ngdi̱nga̱nte̱.

Buk wa To̱ni̱a̱u̱ 11:18

Baling ming ovvo nege aziye zoz cu, iróng zin nege ngen adang Peturu, abarik innatit Ta̱mu̱ta̱dde̱n, kar kizeto ne, “Kar zin anyik Ta̱mu̱ta̱dde̱n ol cik e̱e̱ggi̱n i̱do̱ngi̱ kuturta mu̱nye̱n cigge̱k kar kanyait ruget ci aave udut ko̱ bu̱k.”

Buk wa To̱ni̱a̱u̱ 4:21

Ma baling u̱cu̱be̱t nege nogo oroot kar zin kaanycik nogo koot. Iróng nege odola kar ke̱de̱zi̱t nogo, eci ol do̱o̱k innat Ta̱mu̱ta̱dde̱n zo̱ze̱ bali u̱tu̱gu̱zzo̱ nege ke̱.

Roma 10:16

Abarik iróng olli Israilo do̱o̱k cik elemi kaviyak cik abunna. Eci azi a̱ri̱to̱i̱ti̱ ci zoz ci Ta̱mu̱ta̱dde̱no̱ een Isaya ne, “Manyi, ngene ci a̱tu̱ kaviyak cigga̱c?”

Roma 12:8

Ming anyak e̱e̱ti̱ arizet ci i̱lo̱te̱ ol, abunna ming i̱lo̱t ol ju̱rru̱m. Ming anyak e̱e̱ti̱ arizet ci amuce enne ol, anyik kumuc ol ju̱rru̱m. Ming anyak e̱e̱ti̱ arizet ci abale ol, abunna ming abal ol ju̱rru̱m. Ming anyak e̱e̱ti̱ zinin ci a̱ti̱ri̱ze̱ ol, abunna ming a̱ti̱ri̱z ol ju̱rru̱m.

Roma 15:31

Alayeang Ta̱mu̱ta̱dde̱n abunna ming eelanna azzine cik ol wak iróng a̱tu̱we̱ lo̱o̱ce̱ ci Ju̱de̱ya̱, kar ol cigannik Jerusalema katalit li̱ngli̱ngo̱n ci kogonni anna ko̱.

Roma 16:26

Ma̱i̱je̱ i̱yo̱ko̱ zin, i̱ye̱la̱i̱ zoz bali eher a̱ri̱tto̱wa̱ balik reentik ke̱ zo̱ze̱ bali u̱du̱wa̱ Ta̱mu̱ta̱dde̱n udut ke̱. Kar ol do̱o̱k lo̱o̱ta̱ ngatu ku̱tu̱we̱t zo̱zzo̱k ne̱ke̱ kar ko̱to̱ngo̱o̱ltte̱ nonno.

2 Ko̱ri̱nto̱ 10:5

bak aditai zoz ci odonge nege e̱le̱tti̱ gon go̱o̱le̱ ci alame ol abunna iróng a̱gga̱ Ta̱mu̱ta̱dde̱n. Kommogta ol wak adangnyyet zo̱ze̱ ci Ta̱mu̱ta̱dde̱no̱ ko̱, kar zin ko̱to̱ngo̱o̱ltte̱ Ki̱ri̱sto̱.

2 Ko̱ri̱nto̱ 2:12

Baling kuwa o̱rge̱ ci een Troas kar kuwahek ol kaviyak cik abunna Ki̱ri̱sto̱, oo zin Manyi zi̱nze̱tti̱ cik ol ne̱ke̱ kar kuwahek ol kaviyak waginnek,

2 Ko̱ri̱nto̱ 8:4

I̱jji̱nte̱t ol ne̱k a̱tu̱we̱ ke̱ orong kooya o̱ro̱bi̱ya̱ cigge̱k talninta, kar ki̱tto̱ntte̱k ollik Ta̱mu̱ta̱dde̱no̱ Jerusalema.

2 Ko̱ri̱nto̱ 9:14

Imma lawinte cinne̱ng ovvo zi̱nze̱tti̱ cigge̱k do̱o̱k ngatinno̱ng, eci Ta̱mu̱ta̱dde̱n a̱a̱nyu̱ng deten cinne ommog veelek.

Ga̱la̱ti̱a̱ 1:24

Innatit zin nege Ta̱mu̱ta̱dde̱n zo̱ze̱ cinanni.

1 Ti̱mo̱te̱yo̱ 6:12

Zuute zoz ci a̱tu̱we̱ Ye̱su̱. Abunna ming a̱gga̱mi̱ zoz ci baiz wa aave udut bali aanyi Ta̱mu̱ta̱dde̱n. I̱ye̱la̱ i̱nna̱ tu̱we̱ne̱t zoz ci Ta̱mu̱ta̱dde̱no̱ kicinnet icima kiziyet ol cik meelek ke̱.

1 Ti̱mo̱te̱yo̱ 6:13

Ki̱lo̱ti̱ anna i̱nne̱ta̱ kar kicin Ta̱mu̱ta̱dde̱n wa aanyik kaal do̱o̱k ruget ko̱, kar bo̱do̱k kicin Ye̱su̱ Ki̱ri̱sto̱ bu̱k bali a̱du̱wa̱k alaan Pontius Pilato tu̱we̱ne̱t cinne ke̱,

I̱bu̱ru̱ 10:23

Abunna ka̱gga̱m tu̱we̱ne̱t ci karike naga zi̱nze̱tti̱ cik ka̱tu̱we̱ Ta̱mu̱ta̱dde̱n ko̱ ju̱rru̱m, eci Ta̱mu̱ta̱dde̱n ci ka̱tu̱ ko̱ ogon atin zoz ci u̱du̱wa̱ enne ke̱.

I̱bu̱ru̱ 13:16

Abunna ming ogonnu kaal cik abunna, kar ozolit kaal ki ol wak amati. Een necu muci ci elemi Ta̱mu̱ta̱dde̱n.

I̱bu̱ru̱ 3:1

Gotonogga ki ngonogga wak tu̱we̱nta̱k balik awuyyung Ta̱mu̱ta̱dde̱n wa a̱li̱le̱ ta̱mu̱-kenga, i̱no̱ni̱t zoz ci Ye̱su̱ ko̱, wa een to̱ni̱a̱t ci Ta̱mu̱ta̱dde̱no̱ kar bo̱do̱k kize alaan ci a̱ddi̱ki̱re̱ wawaco wa ka̱tu̱ naga zoz cinne.

I̱bu̱ru̱ 4:14

I̱yo̱ko̱ zin, kanyak naga alaan ci a̱ddi̱ki̱re̱ wawaco, een enne Ye̱su̱, Ngerrti Ta̱mu̱ta̱dde̱no̱ bali okko ta̱mu̱-kenga ke̱. Abunna zin ming kazunne tu̱we̱ne̱t cinna wa bali obod ki nonno.

I̱bu̱ru̱ 5:9

Ma baling elema Ye̱su̱ ku̱tu̱gu̱ zoz neci de̱de̱, aanyik zin enne ol wak elemi nonno ti̱ri̱ze̱ne̱t ci aave udut.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

Buk ci ozoz zoz ci ngaa ci een Ruz 2:19

I̱jji̱n zin i̱nyi̱k nonno izek ne, “Uwarane i̱nna̱ nga wazin necu? A̱li̱ngli̱ngi̱ i̱nna̱ ma̱ne̱ ci ngene? Anyik Ta̱mu̱ta̱dde̱n ka̱mu̱yu̱k e̱e̱t ci azunni i̱nne̱t ko̱!” U̱du̱wa̱k zin Ruzi i̱nyi̱k ci nga̱a̱ye̱ ko̱, “Een e̱e̱ti̱ ci ka̱li̱ngli̱ngi̱ anna ma̱ne̱ cinne wazin necu ko̱, een zara Boaz.”