2 Ko̱ri̱nto̱ 8:9 - Tennet

⁹ A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

2 Ko̱ri̱nto̱ 8:9 ပူးပေါင်းရင်းမြစ်များ

Ma̱te̱yo̱ 17:27

Abarik, iróng zin naga korongnya kodomta nogo, luce zin i̱nna̱ bit nyatapara kar ju̱ke̱k agolo maam. Ming a̱gga̱mu̱ u̱lu̱gi̱t, oo utug ci u̱lu̱gi̱t neci a̱gga̱mi̱ i̱nna̱ oowa ko̱, aruba atidic i̱nna̱ o̱ro̱bi̱ya̱c wa a̱ddi̱ki̱re̱ een zi̱i̱t. Dima o̱ro̱bi̱ya̱c kar zin ru̱we̱k Ce̱e̱z wa Ta̱mu̱ta̱dde̱no̱ mucuru cigannik ki cigunnek.”

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 8:20

O̱bo̱de̱k zin Ye̱su̱ nonno, a̱nne̱k ne, “Anyak i̱re̱e̱rwa̱na̱ lo̱o̱knya̱ cik aavtte, ovvo iballi anyak ce̱e̱zi̱ cik aavtte bu̱k. Ma̱i̱je̱ Ngerrti E̱e̱to̱ a̱kku̱ ta̱mu̱-kenga, iróng anyak nginti aave enne lo̱o̱ta̱ ngatu.”

Marko 6:3

Iróng dim enne een e̱e̱t wagon adiman lecerit keene ko̱? Iróng dim enne een ngerrti Ma̱ri̱ya̱, wa een gotoni Je̱mi̱s, ki Yosevo, ki Ju̱da̱ ki Si̱mo̱ne̱? Iróng dim ngonoggja abak ki agit ngatu bu̱k?” Utuburet zin ol nong ngatinne oroot.

Lu̱ka̱ 16:11

Ming iróng niga a̱gga̱yyu̱ gga̱mi̱ne̱t i̱to̱kze̱t ci lo̱o̱tu̱ ngatu, ngene atin ci a̱a̱nyu̱ng a̱gga̱mi̱t i̱to̱kze̱t wa een de̱de̱?

Lu̱ka̱ 2:7

kar zin enne ki̱ti̱ra̱ do̱le̱c ci een a̱bu̱, ci maci. U̱lu̱cce̱k nonno ru̱u̱ma̱ni̱ kar karik i̱bo̱, eci i̱llo̱i̱ ce̱e̱z ci adungne nege.

Lu̱ka̱ 8:3

ki Joanna, ngaa ci Cuza wa een karan ci ce̱e̱z ci He̱ro̱di̱; ki Susanna; ki bo̱do̱k ngaai u̱gge̱ cik meelek. Eela ngaai ne̱ko̱ nogo kaale cigge̱k.

Lu̱ka̱ 9:58

O̱bo̱de̱k zin Ye̱su̱ nonno, “Anyak i̱re̱e̱rwa̱na̱ ngintik abahe, kar bo̱do̱k iballi wak a̱ku̱l ta̱dde̱na̱ ko̱ kanyait ce̱e̱zi̱, ma̱i̱je̱ Ngerrti E̱e̱to̱ i̱llo̱i̱ nginti arike enne oo cinne.”

Kaviyak wak Abunna Ta̱mu̱ta̱dde̱no̱ eher Joni 1:10

I̱ki̱ya̱k Zoz neci lo̱o̱c ba̱li̱ye̱, eenycai looci ngatinne, ma̱i̱je̱ olli lo̱o̱tu̱ iróng a̱gga̱ nonno.

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 1:17

Anyaha ba̱li̱ye̱ Ta̱mu̱ta̱dde̱n lo̱ti̱nno̱k go̱o̱le̱ wa Musesi, kar zin kuwahek ol; okko Ye̱su̱ Ki̱ri̱sto̱ anyaha deten ki zoz wa een de̱de̱.

Kaviyak wak Abunna Ta̱mu̱ta̱dde̱no̱ eher Joni 12:30

Izek Ye̱su̱ nogo ne, “A̱kku̱ mului necu kar ki̱ki̱ya̱ keelaung i̱ge̱ta̱, iróng a̱kku̱nna̱ka̱ annita.

Kaviyak wak Abunna Ta̱mu̱ta̱dde̱no̱ eher Joni 16:15

Kodowina anna ki Baba, kaala ne̱ke̱ kodowina naga ke̱ do̱o̱k cigannik. Zoz zin ci ka̱nne̱kku̱ng ne okko atin De̱me̱zo̱i̱ti̱ adima gi̱i̱ ci een cinanni a̱a̱nyu̱ng a̱gga̱c ko̱ nenen.

Kaviyak wak Abunna Ta̱mu̱ta̱dde̱no̱ eher Joni 17:19

Kanyiya anna ele cinanni ki̱li̱li̱ la̱du̱n, kar ki̱li̱ngli̱ngo̱zi̱k nogo, kar nege kabaito zo̱ze̱ ci een de̱de̱ udut.”

Roma 11:12

Abarik ming ize mu̱nye̱n cik olli Ya̱u̱do̱ cik anyahak olli lo̱o̱tu̱ eezet, okko atin gool ci aanyik nege bo̱i̱c Ta̱mu̱ta̱dde̱n ko̱, een eezet ngati ol wak iróng een Ya̱u̱d. Ommog atin eezet cinne̱ng veelek ming o̱bo̱dda̱k nege Ta̱mu̱ta̱dde̱n.

Roma 15:3

Eci Ki̱ri̱sto̱ eliya ngen ku̱tu̱gu̱ kaal cik anyike nonno katalo do̱, ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱, azi ne, “Eeh Ta̱mu̱ta̱dde̱n, dominet ci odomnyi ol i̱nne̱ta̱, i̱ta̱ha̱ annita bu̱k.”

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

1 Ko̱ri̱nto̱ 1:4

Kanyik gon anna odohize Ta̱mu̱ta̱dde̱n zany eci enne a̱a̱nyu̱ng deten cinne ngati Ye̱su̱ Ki̱ri̱sto̱.

1 Ko̱ri̱nto̱ 15:47

Eenyca Ta̱mu̱ta̱dde̱n Adam, e̱e̱t wa een oo todowai, okko e̱e̱ti̱ ci vu̱rrto̱ een Ye̱su̱, a̱kku̱ ta̱mu̱-kenga.

2 Ko̱ri̱nto̱ 13:14

Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

Evesos 2:7

Ogon Ta̱mu̱ta̱dde̱n niko abunna ming i̱ye̱le̱kke̱t bunnat ki i̱rrke̱ne̱t ci lo̱o̱c ci atin a̱kku̱ ke̱ zo̱ze̱ ci Ye̱su̱ Ki̱ri̱sto̱.

Evesos 3:19

Korongnyung abunna ming a̱gga̱yyu̱ rezinet ci Ki̱ri̱sto̱, ming nu̱nu̱n iróng ol cik diirik a̱gga̱ do̱o̱k zoz ci akati rezinet neci, ngen a̱gga̱yyu̱ niga rezinet neci ju̱rru̱m, kar zin atin Ta̱mu̱ta̱dde̱n ka̱a̱nyu̱ng u̱tu̱gu̱z ki i̱yo̱ko̱ enne ko̱.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

I̱bu̱ru̱ 1:2

Imma zin i̱yo̱ko̱ ko̱, i̱tto̱na̱e̱t Ta̱mu̱ta̱dde̱n Ngerinne ki̱ki̱ya̱ kanyahaet kaviyak cik abunna. Eenyca Ta̱mu̱ta̱dde̱n lo̱o̱c ki ta̱mu̱-keng do̱o̱k ngati Ngerinne. Een atin kaala do̱o̱k cik Ngerinne.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.

O̱no̱zzo̱k 3:18

Ki̱lo̱tu̱ng abunna ming uutanu dhahab ngatinanni ci aahe gwo̱o̱ya̱ ju̱rru̱m kize caala, kar atin niga izet jain; kar anyait ru̱u̱ma̱ni̱ cik voorik kar u̱bu̱nge̱t a̱li̱ya̱n cik aavtiyyu niga nga̱dhi̱ri̱r ko̱; kar aartik ya̱ni̱ ebere cuggo̱k kar icinto ju̱rru̱m.