2 Ko̱ri̱nto̱ 8:8 - Tennet

⁸ Iróng anna kadangekkung abunna ming ogonnu kaal ne̱ke̱. Eci kicina ol wak a̱tu̱we̱ o̱ro̱gjo̱we̱ ugganik ming anyak zi̱nze̱tti̱ cik voorik orongnyet keeltta ol wak a̱tu̱we̱, korongi ku̱du̱wa̱u̱ng katimani anna rezinet cunno̱ng ming irezzu niga ol de̱de̱.

2 Ko̱ri̱nto̱ 8:8 ပူးပေါင်းရင်းမြစ်များ

Roma 12:9

Abunna ming irezzu ol rezinet wa een de̱de̱ zi̱nze̱tti̱nne̱ cuggo̱k. Amartoi gi̱i̱ ci gerze; odokta gi̱i̱ye̱ ci abunna.

1 Ko̱ri̱nto̱ 7:12

Imma ol wak iróng a̱gga̱ zoz ci Manyi zo̱ze̱ ci rucento ko̱, ka̱nne̱k nogo ne: Ming anyak gotoneti ngaa ci iróng a̱tu̱we̱, kar enne orong kabaito ki e̱e̱t ci a̱tu̱we̱ ko̱ labak, ma oogi ngaa neci.

1 Ko̱ri̱nto̱ 7:25

Okko zo̱ze̱ ci e̱e̱t ki ngaa ci ngen kuruco, i̱llo̱i̱ zoz imma ci a̱du̱wa̱ Manyi zo̱ze̱ necu, abarik anna ka̱a̱nyu̱ng zoz ci kettede lo̱ki̱ko̱ eci anna ke̱e̱ni̱ e̱e̱t ci kanyai deten ci Manyi.

1 Ko̱ri̱nto̱ 7:6

Een necu zoz ci ka̱du̱wa̱ anna bu̱k, iróng kadangekkung.

2 Ko̱ri̱nto̱ 6:6

Ma̱i̱je̱ ngatu, ki̱ye̱la̱nna̱ gon naga gi̱i̱ ci kanyakka doize ci Vongiz ci A̱li̱le̱ Ta̱mu̱ta̱dde̱no̱ ki rezinet cinne wa een de̱de̱ go̱o̱le̱ ci kabaka baiz wa abunna, ki genyiz ki i̱rrke̱ne̱t, ki bo̱do̱k kanyakka zi̱nze̱tti̱ cik alali.

2 Ko̱ri̱nto̱ 8:10

I̱yo̱ko̱ zin, iziyyet ti̱lo̱wi̱ne̱t cu: E̱rki̱t bali okko ke̱, i̱ge̱t cik oowanu o̱ro̱bi̱ya̱ oowa, ogonnu zin niko talninta orongnyu umucet Ce̱e̱z wa Ta̱mu̱ta̱dde̱no̱.

2 Ko̱ri̱nto̱ 8:24

I̱yo̱ko̱ zin, i̱ye̱lte̱k ol ne̱ko̱ rezinet cunno̱ng, ki zoz ci kirezung naga i̱ge̱ta̱, kar ke̱le̱ci̱a̱nya̱ do̱o̱k kicinttung.

2 Ko̱ri̱nto̱ 9:2

Ka̱gga̱ anyakku zi̱nze̱tti̱ cik orongnyu de̱de̱ eelta nogo. Kanattung anna oroot ngati ka̱du̱wa̱ke̱ olli Ta̱mu̱ta̱dde̱no̱ lo̱o̱c ci Macedonia zoz ci azi ne, ovvo gotonoggeta tu̱we̱nta̱ rok lo̱o̱c ci een Achaia, ovvo aanyik muci ol wak amati e̱rki̱t necu. Aanyik zin leminet ci anyikku niga ol muci ko̱ nogo koowec muci cinne̱ng bu̱k.

2 Ko̱ri̱nto̱ 9:7

Abunna zin e̱e̱ti̱ ci a̱tu̱we̱ ming a̱ru̱k o̱ro̱bi̱ya̱ cik eelanne enne ol u̱gge̱ cik a̱tu̱we̱ zinine ci alali, iróng e̱e̱ti̱ imma adangeki ibawa. Atali Ta̱mu̱ta̱dde̱n e̱e̱t ci aanyik ol kaal zinine ci alali.

Evesos 4:15

Abarik gon ming kozoz zoz ci een de̱de̱ rezinta, aanyet ku̱du̱kta̱ zoz ci een de̱de̱. Kar zin naga kitilizet ju̱rru̱m ki i̱yo̱ko̱ Ki̱ri̱sto̱ ko̱, ming een oo

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

I̱bu̱ru̱ 10:24

Abunna ming ki̱lo̱t ol zo̱ze̱ ci kirezonne bak kogon kaal cik abunna.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.