2 Ko̱ri̱nto̱ 8:7 - Tennet

⁷ Ogonnu niga ju̱rru̱m kaale cik meelek. Anyakku tu̱we̱ne̱t ci okkomi. Anyakku ol cik uwak ju̱rru̱m, i̱i̱rke̱nnu̱, kar irezettu niga agita oroot. I̱yo̱ko̱, abunna ming i̱i̱rke̱nnu̱ ommogit ol do̱o̱k.

2 Ko̱ri̱nto̱ 8:7 ပူးပေါင်းရင်းမြစ်များ

Ma̱te̱yo̱ 25:22

“I̱ki̱ya̱ bo̱do̱k du̱ca̱i̱ti̱ bali anyak lodet cik e̱e̱ggi̱n rama een dhahab ko̱, a̱nne̱k ne, ‘Ddi̱ki̱ryo̱i̱t, aanya i̱nna̱ annit ba̱li̱ye̱ lodet rama, izeto zin lodetta we̱c.’

Roma 15:14

Gotonogga ki ngonogga tu̱we̱nta̱, ka̱gga̱yyu̱ng abunnanu niga go̱o̱lo̱we̱ do̱o̱k, eci a̱gga̱yyu̱ zoz ci Ta̱mu̱ta̱dde̱n wa een de̱de̱ ju̱rru̱m, anyakku arizet ci edemezu e̱le̱tti̱ cuggo̱k.

1 Ko̱ri̱nto̱ 1:5

Eci ngatinne izetu niga do̱o̱k ol cik a̱gga̱yyu̱ zoz cinne ngati ozozu ki bo̱do̱k ke̱bi̱nta̱,

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

1 Ko̱ri̱nto̱ 12:8

Aanyik Vongizi ci A̱li̱le̱ e̱e̱t doiz ci kar enne kozoz arizet ci obod ki zoz ci genyizo. Okko bo̱do̱k ngati e̱e̱t imma aanyik doiz ci a̱gga̱we̱ zoz ci abunna a̱du̱wa̱k ol.

1 Ko̱ri̱nto̱ 13:2

Ming kanyai anna arizet ci ka̱du̱wa̱ne̱ zoz ci i̱ye̱le̱ka̱ Ta̱mu̱ta̱dde̱n annit, icima kanyai doiz ci ka̱gga̱we̱ kaal do̱o̱k, kedeca kaal wak a̱lu̱gu̱ny Ta̱mu̱ta̱dde̱n iróng i̱ye̱le̱k ol bu̱k, icima kanyai tu̱we̱ne̱t ci kanyike bee ki̱pi̱ya̱ ele kuk ngamani, ma̱i̱je̱ ngatu i̱llo̱i̱ rezinet ngatinanni ci kireze ol, kaave anna gaganiko. Maya ming kirezi ol.

1 Ko̱ri̱nto̱ 13:8

Iróng rezinet aanyik ol cik anyak rezinet zi̱nze̱tti̱nne̱ ku̱yu̱kte̱. Abarik okko atin zoz ci ozoz ol arizete ci zoz ci Ta̱mu̱ta̱dde̱no̱ ko̱ okko atin aṯurneke, ki u̱tu̱ge̱tti̱ cik aavtte do̱ do̱, iróng atin ngen ozoze. Imma kaala cik ka̱gga̱ naga do̱o̱k, erehek atin ol.

1 Ko̱ri̱nto̱ 14:12

Ogon zin bo̱do̱k zoz necu ngatinno̱ng niko. Eci niga orongnyu oroot urubta arizet ci Vongizo, abunna ming ogonnu ju̱rru̱m arizet ci eela ol do̱o̱k ke̱le̱ci̱a̱ kar tu̱we̱ne̱t cinne̱ng kokkom kak.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

2 Ko̱ri̱nto̱ 7:7

Katala zin anna baling kicina Ti̱to̱, imma baling okko enne a̱du̱wa̱ka̱ gool ci a̱gga̱mnyu̱ niga nonno, katala oroot. U̱du̱wa̱ zoz ci orongnyu niga icintang annita. Bak a̱du̱wa̱kku̱ gi̱i̱ ci gerze ogonikkang niga annita, u̱du̱ktta̱ng orongnyang niga ming kodolna anna kar ki̱li̱ngli̱ng zoz ci Ta̱mu̱ta̱dde̱no̱.

2 Ko̱ri̱nto̱ 8:6

Kilalekka zin naga Ti̱to̱ baling akate enne i̱ye̱le̱kku̱ng gool ci ooyyu o̱ro̱bi̱ya̱ ko̱ een gi̱i̱ ci abunna, i̱yo̱ko̱ zin kilalekka nonno kar keelaung e̱de̱cca̱ li̱ngli̱ngo̱n ci ooyyu niga o̱ro̱bi̱ya̱ ko̱.

2 Ko̱ri̱nto̱ 9:14

Imma lawinte cinne̱ng ovvo zi̱nze̱tti̱ cigge̱k do̱o̱k ngatinno̱ng, eci Ta̱mu̱ta̱dde̱n a̱a̱nyu̱ng deten cinne ommog veelek.

2 Ko̱ri̱nto̱ 9:8

A̱ma̱yu̱ki̱n zin atin Ta̱mu̱ta̱dde̱n kaale cik orongi i̱nna̱ do̱o̱k, aanyi atin Ta̱mu̱ta̱dde̱n kaal cik meelek kar umuc ol cik meelek kaale cik abunna.

Evesos 4:29

Ma anyikku zoz ci gerze kiyowa u̱tu̱ge̱tti̱ne̱ cuggo̱k. U̱du̱kta̱ zoz ci een de̱de̱ go̱o̱le̱ ci abunna ngati ol cik azikne, kar eelta nogo zo̱ze̱ ci a̱du̱wa̱nnu̱ niga ko̱.

Vilipia 1:11

a̱a̱nyu̱ng atin Ye̱su̱ Ki̱ri̱sto̱ i̱li̱ngli̱nge̱t u̱tu̱gu̱z kaal cik abunna cik aanyik ol ki̱di̱ngdi̱nga̱ni̱t kar bo̱do̱k kinnatit Ta̱mu̱ta̱dde̱n.

Vilipia 1:9

Een necu lawinet cinanni kalawe Ta̱mu̱ta̱dde̱n abunna rezinet cunno̱ng ngatinne kotore oroot kar a̱gga̱c zoz cinne ju̱rru̱m,

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

2 Ti̱mo̱te̱yo̱ 2:1

I̱nna̱, Ti̱mo̱te̱yo̱ wa e̱e̱ni̱ ngeranni tu̱we̱nta̱, nyak komiz eezete ci aave ngati Ye̱su̱ Ki̱ri̱sto̱,

I̱bu̱ru̱ 12:28

I̱yo̱ko̱ zin, abunna zin kanyike Ta̱mu̱ta̱dde̱n zany ngati kalawe nonno eci enne aanyyet ba̱a̱li̱ne̱t ci iróng omoti.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.

O̱no̱zzo̱k 3:17

A̱nnu̱ niga ne, ‘Ke̱e̱ni̱ anna jaitot; kuruba anna jainzet, iróng ngen korongi gi̱i̱ imma.’ Iróng zin niga a̱gga̱yyu̱ e̱e̱ggi̱nnu̱ niga ma̱ta̱k, bo̱yyo̱k, kaalakreng, ru̱be̱no̱k kar a̱vvu̱t nga̱dhi̱ri̱r.