Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Ko̱ri̱nto̱ 8:6 - Tennet

6 Kilalekka zin naga Ti̱to̱ baling akate enne i̱ye̱le̱kku̱ng gool ci ooyyu o̱ro̱bi̱ya̱ ko̱ een gi̱i̱ ci abunna, i̱yo̱ko̱ zin kilalekka nonno kar keelaung e̱de̱cca̱ li̱ngli̱ngo̱n ci ooyyu niga o̱ro̱bi̱ya̱ ko̱.

အခန်းကိုကြည့်ပါ။ ကော်ပီ




2 Ko̱ri̱nto̱ 8:6
12 ပူးပေါင်းရင်းမြစ်များ  

“Baling ka̱vvu̱ e̱rki̱nya̱ cik meelek oroot reena, ka̱ku̱nni̱ zin anna Jerusalem, kar ki̱ki̱ya̱ kanyahak ol cigannik amati muci kar kapahek wawac Ta̱mu̱ta̱dde̱n.


I̱yo̱ko̱, ngen anna kokko Jerusalema, kokkoye kaal cik eelanne ol cik a̱tu̱we̱ gonoggi nginati.


Kilalek ba̱li̱ye̱ Ti̱to̱ ki gotonet imma tu̱we̱nta̱ kar ki̱vi̱ta̱ ki̱vo̱nttu̱ng. Ma baling ki̱tto̱nna̱ nogo ke̱, alabaung Ti̱to̱ o̱ro̱bi̱ya̱ u̱gge̱? I̱llo̱i̱, eci kogonna naga do̱o̱k kaal ki i̱yo̱ko̱ vongizi ci Ti̱to̱.


ngen annit odoi zinin eci ngen kuruba Ti̱to̱ gotona tu̱we̱nta̱ nginatu. Baling ka̱a̱vu̱ do̱yo̱i̱t, kizzawa ol wak a̱tu̱we̱, kar keronnak lo̱o̱c ci Macedonia.


I̱yo̱ko̱ zin, iziyyet ti̱lo̱wi̱ne̱t cu: E̱rki̱t bali okko ke̱, i̱ge̱t cik oowanu o̱ro̱bi̱ya̱ oowa, ogonnu zin niko talninta orongnyu umucet Ce̱e̱z wa Ta̱mu̱ta̱dde̱no̱.


Ebertta bali ol nonno ke̱le̱ci̱a̱nya̱i̱ kar korkortta bu̱k ngati kovvoya muci ci ovvo ol a̱di̱ngdi̱nga̱ne̱ Manyi Ye̱su̱ lo̱o̱ce̱ ci een Jerusalem, ki̱ye̱la̱ gool ci keelane ol wak a̱tu̱we̱.


Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.


I̱jji̱nte̱t ol ne̱k a̱tu̱we̱ ke̱ orong kooya o̱ro̱bi̱ya̱ cigge̱k talninta, kar ki̱tto̱ntte̱k ollik Ta̱mu̱ta̱dde̱no̱ Jerusalema.


Ki̱no̱na̱ zin anna abunna ming kilalek gotonogget tu̱we̱nta̱ ki̱vi̱ta̱ kerontaung arrak oowa kar ki̱vi̱ta̱ ke̱de̱cca̱ li̱ngli̱ngo̱n ci alutenu o̱ro̱bi̱ya̱ balik u̱du̱kta̱u̱ niga ke̱. Kar anycik nogo, eci i̱ge̱t cik anyikku zi̱nze̱tti̱nne̱ cik alali, iróng e̱e̱ti̱ imma adangekkung ibawa.


I̱yo̱ko̱ zin, kuruba kaal cik korongi anna do̱o̱k, otorte abarik, aanya e̱e̱ti̱ ci een Epaphroditus muci balik i̱tto̱na̱kka̱ng niga ke̱. Ongooli muci ne̱ke̱ mediz ci aanyik Ta̱mu̱ta̱dde̱n katalo.


A̱ma̱yu̱ng i̱ge̱t deteni ci Ta̱mu̱ta̱dde̱no̱ a̱a̱nyu̱ng arizet ci abunna, kar niga abunna ming eelannu ol u̱gge̱. I̱li̱ngli̱ngte̱ zin ma̱yu̱we̱ne̱t necu ju̱rru̱m.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ