2 Ko̱ri̱nto̱ 8:23 - Tennet

²³ Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.

2 Ko̱ri̱nto̱ 8:23 ပူးပေါင်းရင်းမြစ်များ

Lu̱ka̱ 5:10

e̱e̱ggi̱n nege ciko Je̱mi̱s ki Jon, logoz cik Zebedee, e̱e̱ggi̱n nege gonoggi Si̱mo̱ne̱. Izek zin Ye̱su̱ Si̱mo̱ne̱ ne, “Ma o̱ngo̱o̱li̱nnu̱; akane wazin necu kuk oowa, a̱gga̱mnyu̱ atin niga ol.”

Lu̱ka̱ 5:7

U̱tu̱ya̱ zin gonoggi i̱bo̱we̱ e̱co̱de̱ ke̱, ki̱vi̱ta̱ keeltta nogo, kar kibbizitanit u̱lu̱ga̱ i̱be̱t ne̱ke̱ do̱o̱k, orong abarik i̱be̱tta̱ addude.

Kaviyak wak Abunna Ta̱mu̱ta̱dde̱no̱ eher Joni 13:16

Ka̱du̱wa̱kku̱ng zoz wa een de̱de̱, i̱llo̱i̱ du̱ca̱i̱t ci a̱ddi̱ki̱re̱ ngati e̱e̱t wa a̱li̱ngli̱ngngo̱ni̱k enne, iróng bo̱do̱k e̱e̱ti̱ wa een to̱ni̱a̱t ommog e̱e̱t wa i̱tto̱n nonno.

1 Ko̱ri̱nto̱ 11:7

Iróng abunna ming a̱bu̱ng e̱e̱ti̱ ci maci oo, eci e̱e̱ti̱ ci maci eenycai kize ri̱ri̱to̱n ci i̱ye̱la̱ di̱ngdi̱ngo̱n ci Ta̱mu̱ta̱dde̱no̱; imma ngaa een enne di̱ngdi̱ngo̱n ci e̱e̱t ci maci.

2 Ko̱ri̱nto̱ 12:18

Kilalek ba̱li̱ye̱ Ti̱to̱ ki gotonet imma tu̱we̱nta̱ kar ki̱vi̱ta̱ ki̱vo̱nttu̱ng. Ma baling ki̱tto̱nna̱ nogo ke̱, alabaung Ti̱to̱ o̱ro̱bi̱ya̱ u̱gge̱? I̱llo̱i̱, eci kogonna naga do̱o̱k kaal ki i̱yo̱ko̱ vongizi ci Ti̱to̱.

2 Ko̱ri̱nto̱ 7:6

Ma̱i̱je̱ Ta̱mu̱ta̱dde̱n wagon eela ol ciginnek odohize ming anyak no̱ngi̱tto̱n, i̱tto̱na̱i̱t zin bo̱do̱k Ti̱to̱ kobodaitta, katalta zin.

2 Ko̱ri̱nto̱ 8:16

I̱yo̱ko̱ zin, kanyike Ta̱mu̱ta̱dde̱n zany, eci enne aarik zoz ci abunna zinin ci Ti̱to̱ ki annita, ci irezzung i̱ge̱t oroot.

2 Ko̱ri̱nto̱ 8:18

Ki̱tto̱na̱kku̱ng Ti̱to̱ ki gotonet imma tu̱we̱nta̱ ci irez ke̱le̱ci̱a̱nya̱ do̱o̱k nonno, eci enne uwahek nogo ba̱li̱ye̱ kaviyak cik abunna Ki̱ri̱sto̱.

2 Ko̱ri̱nto̱ 8:19

Ebertta bali ol nonno ke̱le̱ci̱a̱nya̱i̱ kar korkortta bu̱k ngati kovvoya muci ci ovvo ol a̱di̱ngdi̱nga̱ne̱ Manyi Ye̱su̱ lo̱o̱ce̱ ci een Jerusalem, ki̱ye̱la̱ gool ci keelane ol wak a̱tu̱we̱.

2 Ko̱ri̱nto̱ 8:22

Imma bo̱do̱k ki̱tto̱nna̱ gotonet imma ci a̱tu̱we̱ korkorrit ki Ti̱to̱ ki gonoggi u̱gge̱. Kicinnta li̱ngli̱ngo̱n ci e̱e̱t necu lak cik meelek giir, anyak zinin ci orong keelai ol cik a̱tu̱we̱. I̱yo̱ko̱ eci orong ovvoye muci rok ol wak a̱tu̱we̱, orong zin enne kuk bu̱k eci enne arikkung zinin oroot.

2 Ko̱ri̱nto̱ 8:6

Kilalekka zin naga Ti̱to̱ baling akate enne i̱ye̱le̱kku̱ng gool ci ooyyu o̱ro̱bi̱ya̱ ko̱ een gi̱i̱ ci abunna, i̱yo̱ko̱ zin kilalekka nonno kar keelaung e̱de̱cca̱ li̱ngli̱ngo̱n ci ooyyu niga o̱ro̱bi̱ya̱ ko̱.

Vilipia 2:25

Abarik riil oroot ngatinanni ming ki̱tto̱na̱kku̱ng bo̱do̱k Epaphroditus, gotona tu̱we̱nta̱ bali i̱tto̱na̱kka̱ng niga abunna okko eelanna annita ke̱. Ki̱li̱ngli̱ngta̱ anna ki nonno, ogon enne kiwagon aciiroci ci oor illa.

Vilipia 4:3

Ka̱jji̱ni̱n goona de̱de̱, kar eela ngaai ne̱k arike e̱le̱tti̱ ki annita li̱ngli̱ngo̱ne̱ ci kaviyak cik abunna, ki bo̱do̱k e̱e̱t ci een Kelemen ki ol u̱gge̱ wak ka̱li̱ngli̱ngnya̱ bu̱k, ol wak e̱he̱rye̱ zara cigge̱k buwe ci rugeto.

Kolosiya 1:7

Aziknnu niga zoz necu arrak oowa ngati e̱e̱t ci een zara Epaphras, e̱e̱t ci kireza naga ka̱li̱ngli̱ngnya̱ bu̱k ki nonno, een enne e̱e̱t ci a̱li̱ngli̱ng zoz ci Ki̱ri̱sto̱ ngatinna,

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

2 Ti̱mo̱te̱yo̱ 4:10

ma̱rri̱t e̱e̱ti̱ ci een zara Demasi irez kaal cik lo̱o̱tu̱, utungeya lo̱o̱c, kar ki̱mi̱re̱ kuk o̱rge̱ ci een Te̱se̱lo̱ni̱ka̱. Okko Cresceni lo̱o̱ce̱ ci een zara Ga̱la̱ti̱a̱, ma̱i̱je̱ Ti̱to̱ okko lo̱o̱ce̱ ci een zara Dalamatiya.

Ti̱to̱ 1:4

Keheriki zin anna waraga necu i̱nne̱ta̱ Ti̱to̱, wa u̱tu̱gu̱ ki ngeranni tu̱we̱nte̱ ci kozol naga ko̱: Anyik Ta̱mu̱ta̱dde̱n wa een Be̱e̱ti̱nna̱ ki Ye̱su̱ Ki̱ri̱sto̱ Ti̱ri̱zo̱i̱t cinna kaanyi deten ki baiz yahe.

Vilomene 1:17

I̱yo̱ko̱ zin, ming a̱gga̱ i̱nna̱ ke̱e̱ni̱ anna goonu ci ka̱li̱ngli̱ng bu̱k, gga̱ma̱ nonno ki ming a̱gga̱ma̱na̱ i̱nna̱ annit ce̱e̱ze̱ cunne.

Vilomene 1:24

I̱tto̱na̱ bo̱do̱k Marko, ki Aristarkas, ki Demas ki Lu̱ka̱ zawinet cinne̱ng. E̱e̱ggi̱n nege ol cik ka̱li̱ngli̱ngnya̱ bu̱k nga̱to̱de̱.

3 Jon 1:8

Imma zin naga ol wak ka̱tu̱ Ki̱ri̱sto̱ ko̱, korong ming kawak ce̱e̱zi̱ cigga̱c ol cik ogon ki nege, kar naga bu̱k kidongte ki nogo kizet ol cik ka̱li̱ngli̱ng zoz ci een de̱de̱.