2 Ko̱ri̱nto̱ 8:21 - Tennet

²¹ Kazi niko eci korongnyya ku̱tu̱gu̱zza̱ kaal cik acin Manyi Ta̱mu̱ta̱dde̱n, kar ol uggak kicinnet bu̱k.

2 Ko̱ri̱nto̱ 8:21 ပူးပေါင်းရင်းမြစ်များ

Ma̱te̱yo̱ 23:5

“Imma kaala ne̱k ogon nege ko̱, ogone abunna ming acin ol. Aburccek gon nege ru̱u̱ma̱ni̱ cik u̱u̱ntti̱k lawinto, ecebek e̱le̱tti̱ kaal cikidik ogon ki a̱mi̱le̱ eheronik zo̱zo̱wa̱ cik Ta̱mu̱ta̱dde̱no̱, kar ol kicinnet;

Ma̱te̱yo̱ 5:16

Ogon zin baizi ci ol cik diirik ki urez ci ataran ce̱e̱z, aanycik zin urezwa ciggo̱k katalanyit kataranit ol, kar nege kicinnet bunnat cunno̱ng, kar zin nege kinnatit Be̱e̱ti̱nno̱ng wa aave ta̱mu̱-kenga.

Ma̱te̱yo̱ 6:1

“Zuute, ma ogoni kaal cik abunna kicinnet ebere do̱o̱k. Ming ogonnu niga kicinnet ebere do̱o̱k, iróng atin ngen amudannu bunnat ci Be̱e̱ti̱nno̱ng wa aave ta̱mu̱-kenga.

Ma̱te̱yo̱ 6:4

abunna zin gi̱i̱ ci anyike i̱nna̱ e̱e̱t ci amati ko̱ go̱o̱le̱ ci iróng ol a̱gga̱we̱ ming amuci i̱nna̱ e̱e̱t ci amati. A̱gga̱ Baatunne zoz ci ogoni i̱nna̱ lo̱mu̱k ko̱, okko atin enne a̱mu̱yu̱ki̱n.

Roma 12:17

Ming ogonekku̱ng e̱e̱ti̱ imma i̱ge̱t zoz ci gerze, ma acacannu zo̱ze̱ ci gerze. Abarik u̱tu̱gu̱z kaal cik abunna cik acin ebere do̱o̱k een de̱de̱.

Roma 14:18

Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 8:20

Korongnya kilita ol cik ovvo adangnyeta go̱o̱le̱ ci ka̱gga̱mnya̱ naga muci ciko.

2 Ko̱ri̱nto̱ 8:22

Imma bo̱do̱k ki̱tto̱nna̱ gotonet imma ci a̱tu̱we̱ korkorrit ki Ti̱to̱ ki gonoggi u̱gge̱. Kicinnta li̱ngli̱ngo̱n ci e̱e̱t necu lak cik meelek giir, anyak zinin ci orong keelai ol cik a̱tu̱we̱. I̱yo̱ko̱ eci orong ovvoye muci rok ol wak a̱tu̱we̱, orong zin enne kuk bu̱k eci enne arikkung zinin oroot.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

1 Te̱se̱lo̱ni̱ka̱ 5:22

Utuburet kaal cik gerzek ogon lo̱rye̱nti̱ ko̱ udut.

1 Ti̱mo̱te̱yo̱ 3:7

Abunna bo̱do̱k ming anyak baiz ci abunna ki ol wak iróng a̱tu̱we̱, kar atin enne iróng i̱i̱na̱k tarabak ci lo̱rye̱nto̱.

1 Ti̱mo̱te̱yo̱ 5:14

Korongi ngaai cik boyek wak ngen een uturtta ki̱ti̱ktte̱ kar ki̱ti̱rrtta̱ dooli bak azunne ju̱rru̱m, kar zin moddena iróng ngen aranne.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

Buk ci ozoz zoz ci ngaa ci een Ruz 3:14

Atangu zin Ruzi zoone ciginnek kaal, kar zin kitinga ri̱ri̱wo̱na̱ ngati iróng e̱e̱ti̱ imma acine nonno, kar zin Boazi kize ne, “Ma anyike e̱e̱t imma ka̱gga̱ ming iyowa i̱nna̱ ngati a̱ru̱we̱ ol labi ko̱.”