2 Ko̱ri̱nto̱ 8:19 - Tennet

¹⁹ Ebertta bali ol nonno ke̱le̱ci̱a̱nya̱i̱ kar korkortta bu̱k ngati kovvoya muci ci ovvo ol a̱di̱ngdi̱nga̱ne̱ Manyi Ye̱su̱ lo̱o̱ce̱ ci een Jerusalem, ki̱ye̱la̱ gool ci keelane ol wak a̱tu̱we̱.

2 Ko̱ri̱nto̱ 8:19 ပူးပေါင်းရင်းမြစ်များ

Buk wa To̱ni̱a̱u̱ 14:23

Atahaltta Pa̱u̱lo̱ ki Barnabas lo̱ddi̱ki̱re̱ u̱gge̱ ke̱le̱ci̱a̱nya̱i̱ do̱o̱k kabalit gonoggi, kar zin nege kalayo ki̱ya̱yo̱ ngati alawek nogo Manyi ci aarik nege zi̱nze̱tti̱ cigge̱k ko̱.

Buk wa To̱ni̱a̱u̱ 15:22

Odolta zin to̱ni̱a̱ha̱ ki lo̱ddi̱ki̱re̱ ki ol cik ke̱le̱ci̱a̱k do̱o̱k, kar katahalta ol u̱gge̱ cigge̱k kar ki̱tto̱nni̱t koot o̱rge̱ ci een Antiyok ki Pa̱u̱lo̱ ki Barnabas. Ahala nege Judas wa een zara uggak ne Barsabbas ki Silas, e̱e̱ggi̱n nege lo̱ddi̱ki̱re̱ cik ol wak a̱tu̱we̱.

Buk wa To̱ni̱a̱u̱ 15:25

Kelemtta zin naga do̱o̱k kar katahalta ol u̱gge̱ ngatinna̱ng kar ki̱tto̱ntta̱ ki̱vi̱ta̱ ki gonogget cik zi̱nze̱tti̱ cigga̱k Barnabas ki Pa̱u̱lo̱,

Buk wa To̱ni̱a̱u̱ 19:22

I̱tto̱n zin ol wak gon eela nonno een rama Ti̱mo̱te̱yo̱ ki Erastus, koot lo̱o̱ce̱ ci Macedonia, baling ngen enne aave arrak do̱yo̱i̱t lo̱o̱ce̱ ci Asia.

Buk wa To̱ni̱a̱u̱ 19:29

Ataman niko u̱la̱le̱ orogi. A̱gga̱mi̱t ol Gaius ki Aristarkas, wak bali orkora ki Pa̱u̱lo̱ Macedoniakte ke̱, kar ko̱o̱tte̱ nogo ngati a̱ddi̱ki̱re̱ uwahe ol zoz.

Roma 5:11

Katalninna zin oroot kaale do̱o̱k, eci Ta̱mu̱ta̱dde̱n i̱tto̱na̱i̱t Manyitinna Ye̱su̱ Ki̱ri̱sto̱ kar kanyait gano naga ol balik ke̱e̱ggi̱n mo̱ddo̱ cik Ta̱mu̱ta̱dde̱no̱ ke̱.

Roma 5:3

Iróng zin ogon niko do̱o̱k! Katalne naga piryanzete ci kamuda eci ka̱gga̱ aanyyet piryanzet kinimet no̱ngi̱tto̱n,

2 Ko̱ri̱nto̱ 4:15

Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.

2 Ko̱ri̱nto̱ 8:11

Ki̱no̱ni̱ anna abunna ming edecakku oowinet ci o̱ro̱bi̱ya̱u̱ zo̱ze̱ ci abunna bali akannu niga ke̱. Anyik e̱e̱t kanyaha gi̱i̱ ci uule enne.

2 Ko̱ri̱nto̱ 8:12

Ming orong e̱e̱ti̱ ki̱ti̱ri̱z gonoggi kaale cik anyai, abunna ming anyike nogo kaal cik ette anyak enne zinine cinne do̱o̱k. Atalne Ta̱mu̱ta̱dde̱n ngati e̱e̱t ci anyike ol kaal talninta, iróng angija.

2 Ko̱ri̱nto̱ 8:20

Korongnya kilita ol cik ovvo adangnyeta go̱o̱le̱ ci ka̱gga̱mnya̱ naga muci ciko.

2 Ko̱ri̱nto̱ 9:2

Ka̱gga̱ anyakku zi̱nze̱tti̱ cik orongnyu de̱de̱ eelta nogo. Kanattung anna oroot ngati ka̱du̱wa̱ke̱ olli Ta̱mu̱ta̱dde̱no̱ lo̱o̱c ci Macedonia zoz ci azi ne, ovvo gotonoggeta tu̱we̱nta̱ rok lo̱o̱c ci een Achaia, ovvo aanyik muci ol wak amati e̱rki̱t necu. Aanyik zin leminet ci anyikku niga ol muci ko̱ nogo koowec muci cinne̱ng bu̱k.

2 Ko̱ri̱nto̱ 9:8

A̱ma̱yu̱ki̱n zin atin Ta̱mu̱ta̱dde̱n kaale cik orongi i̱nna̱ do̱o̱k, aanyi atin Ta̱mu̱ta̱dde̱n kaal cik meelek kar umuc ol cik meelek kaale cik abunna.