2 Ko̱ri̱nto̱ 7:3 - Tennet

³ Iróng ka̱du̱wa̱ zoz necu kar kapahekung zoz ci gerze. Abarik ki baling ku̱du̱wa̱ arrak oowa ke̱, ki̱no̱nnu̱ng odohize ngati ka̱da̱kne̱ icima karugne nga̱to̱de̱.

2 Ko̱ri̱nto̱ 7:3 ပူးပေါင်းရင်းမြစ်များ

2 Ko̱ri̱nto̱ 11:11

Kogonni niko ko̱, eci kirezzung, iróng ka̱gga̱ma̱nnu̱ng o̱ro̱bi̱ya̱ cik kuwahekkung zoz ci Ta̱mu̱ta̱dde̱no̱. A̱gga̱ Ta̱mu̱ta̱dde̱n kirezzung anna i̱ge̱ta̱ oroot.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 13:10

Keherakkung anna i̱ge̱t waraga cu ming ngen kuzucaung. Gi̱i̱ ci zin iróng anna kerenyekkung doize ci aanya Manyi annita, ming kokko ka̱kku̱na̱ku̱ng. Aanya ba̱li̱ye̱ enne doiz neci kar keelaung, iróng kegerezannung.

2 Ko̱ri̱nto̱ 3:2

E̱e̱ggi̱nnu̱ niga e̱le̱tti̱ne̱ ol cik ibbacu zoz cinna̱ng, e̱he̱rye̱ zoz cinna̱ng zi̱nze̱tti̱nne̱ cuggo̱k, a̱gga̱ ol kar bo̱do̱k kikebit do̱o̱k.

2 Ko̱ri̱nto̱ 7:12

Imma zin kaale ne̱k keherakkung anna ko̱ do̱o̱k, iróng anna keheri zoz ci e̱e̱t ci u̱tu̱gu̱ gi̱i̱ ci gerze ko̱ icima e̱e̱t ci u̱tu̱gu̱we̱k enne gi̱i̱ ci gerze, abarik zin ngu̱me̱ ci Ta̱mu̱ta̱dde̱no̱ acinnu niga e̱le̱tti̱ne̱ gool ci irezzu niga agita.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

1 Te̱se̱lo̱ni̱ka̱ 2:8

Ngiwa kirezzung oroot, iróng ba̱li̱ye̱ korongnya koobteung kaviyak cik Ta̱mu̱ta̱dde̱no̱ abunna do̱, abarik ki̱ti̱ri̱yye̱u̱ng baiz cinna̱ng do̱o̱k.