2 Ko̱ri̱nto̱ 6:8 - Tennet

⁸ Ma̱i̱je̱ go̱o̱le̱ ci a̱di̱ngdi̱nga̱ne̱tta̱ icima otoryyetta, a̱du̱wa̱ ol uggak kogonna naga zoz ci abunna kar uggak ku̱du̱kta̱ zoz ci gerze; kogon zoz ci abunna, ming nu̱nu̱n azi ol uggak ne ke̱e̱ggi̱nna̱ naga volongnyok.

2 Ko̱ri̱nto̱ 6:8 ပူးပေါင်းရင်းမြစ်များ

Ma̱te̱yo̱ 10:25

Ovvo zin atin demezyaha icima nuyaha wak edemez ol ko̱ ogon ki de̱me̱zo̱i̱ti̱. Ovvo bo̱do̱k du̱cca̱ha̱ ogon ki ddi̱ki̱ryo̱i̱ti̱. Ming a̱nne̱k ol manyi ce̱e̱z ne Beelzebub, a̱nne̱k wo̱ye̱ olli ce̱e̱z cinne do̱o̱k ne?

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Ma̱te̱yo̱ 27:63

Izeto ne, “Ddi̱ki̱ryo̱i̱t, ka̱a̱da̱nna̱ zoz bali azi volongnyoiti baling ngen aruge, azi ne, ‘Ming edeccai i̱i̱nya̱ cik een i̱i̱yo̱, kingazi atin dee daiza.’

Marko 12:14

I̱vi̱tta̱k zin nege nonno kar zin kizettek ne, “De̱me̱zo̱i̱t, ka̱gga̱yi̱ gon naga e̱e̱ni̱ i̱nna̱ e̱e̱t ci abunna. Iróng e̱e̱ti̱ imma alabanin, eci i̱nna̱ irezi ol do̱o̱k. Abarik edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ ci een de̱de̱. Abunna zin ming ka̱ru̱we̱ka̱ mucuru alaan ci a̱ddi̱ki̱re̱ Romi yo, gerza da̱?

Kaviyak wak Abunna Ta̱mu̱ta̱dde̱no̱ eher Joni 7:12

Ongongonet zin koole neci zo̱ze̱ ci Ye̱su̱, azi uggak ne, “Een enne e̱e̱t ci abunna.” Ovvo bo̱do̱k uggak azi ne, “A̱zze̱to̱, een Ye̱su̱ e̱e̱t ci a̱lu̱t ol.”

Buk wa To̱ni̱a̱u̱ 10:22

O̱bo̱dde̱k zin nege, “Ka̱vvu̱nna̱ naga ngati Korneliosi wa een ddi̱ki̱ryo̱i̱t ci aciiru. Een enne e̱e̱t ci o̱ngo̱o̱le̱ Ta̱mu̱ta̱dde̱n, o̱ngo̱o̱le̱ olli Ya̱u̱do̱ nonno do̱o̱k oroot. U̱du̱wa̱k anjilo wa a̱li̱le̱ Ta̱mu̱ta̱dde̱no̱ nonno, a̱nne̱k ne, i̱jja̱ i̱nna̱ rok ce̱e̱z cinne kar abunna enne okko aziye zoz ci a̱du̱wa̱ i̱nna̱.”

Buk wa To̱ni̱a̱u̱ 16:39

Kar zin ki̱vi̱ta̱ kilaltek Pa̱u̱lo̱ ki Silas kalalek nogo. I̱nya̱ma̱ni̱t zin nogo lagama koot kutungttek orog lo̱o̱c.

Buk wa To̱ni̱a̱u̱ 22:12

“I̱ki̱ya̱ e̱e̱ti̱ ci een zara Ananiyas okko acinnan. Een enne e̱e̱t ci annu lo̱ti̱nno̱k, o̱ngo̱o̱le̱ olli Ya̱u̱di̱ wak abak nginati nonno do̱o̱k.

Buk wa To̱ni̱a̱u̱ 24:5

“Kurubta naga e̱e̱t cu, een e̱e̱ti̱ cu e̱e̱t ci a̱vi̱r oo, arumuz Ya̱u̱d lo̱o̱co̱we̱ do̱o̱k. Een enne ddi̱ki̱ryo̱i̱t ci koole imma ci annu Ye̱su̱ wa Nazarethi

Buk wa To̱ni̱a̱u̱ 28:22

Abarik zin i̱yo̱ko̱ korongnya kar kizikta i̱no̱ni̱ cunne, eci ka̱gga̱yya̱ ozoz ol zoz ci gerze obod ki ol wak a̱tu̱ Ye̱su̱ lo̱o̱co̱we̱ do̱o̱k.”

Buk wa To̱ni̱a̱u̱ 4:21

Ma baling u̱cu̱be̱t nege nogo oroot kar zin kaanycik nogo koot. Iróng nege odola kar ke̱de̱zi̱t nogo, eci ol do̱o̱k innat Ta̱mu̱ta̱dde̱n zo̱ze̱ bali u̱tu̱gu̱zzo̱ nege ke̱.

Buk wa To̱ni̱a̱u̱ 5:13

I̱llo̱i̱ e̱e̱t imma ci orong kar kurumte ki nogo, ming nu̱nu̱n irez ol nogo oroot.

Buk wa To̱ni̱a̱u̱ 6:3

Gotonogga, atahaltta ol u̱gge̱ turgerem ngatinno̱ng cik anyak Vongiz ki genyiz kar naga kanycik nogo li̱ngli̱ngo̱n cu

Roma 3:8

Azi gon ol uggak volonga ne agit cik ka̱du̱wa̱nna̱ zoz cu, “Ku̱tu̱gu̱z mu̱nye̱n, kar ol kicinnet kengerta zoz ci abunna ju̱rru̱m.” Abunna zin ming edez Ta̱mu̱ta̱dde̱n atin nogo do̱o̱k.

2 Ko̱ri̱nto̱ 1:18

Ki i̱yo̱ko̱ ming ka̱tu̱ Ta̱mu̱ta̱dde̱n eci ogon kaal cik een de̱de̱, iróng zin anna kanyai zi̱nze̱tti̱ ram, ming ku̱du̱wa̱ zoz iróng bo̱do̱k kuhu zoz neci.

2 Ko̱ri̱nto̱ 11:21

Eci adaka annit a̱li̱ya̱ni̱ kar kizetta ne iróng naga kokkomna zo̱ze̱ neci. Ming odong nege e̱le̱tti̱, anna bu̱k, ma̱i̱je̱ ngatu, een gi̱i̱ ci tarbali kar ku̱tu̱gu̱.

2 Ko̱ri̱nto̱ 12:16

A̱gga̱ ol uggak ngatinno̱ng iróng anna ke̱de̱zi̱ ol ngati aanyya da̱i̱ne̱t. Iróng anna kegenyi go̱o̱le̱ ci kalabanne ol o̱ro̱bi̱ya̱ volonga.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

1 Te̱se̱lo̱ni̱ka̱ 2:3

Iróng gool bali kuwahekkung kar a̱gga̱c zoz ci Ta̱mu̱ta̱dde̱no̱ ke̱ een volong, icima ki ci ka̱lu̱ta̱nu̱ng kar kalabtaung gi̱i̱ imma ci uturi.

1 Ti̱mo̱te̱yo̱ 3:7

Abunna bo̱do̱k ming anyak baiz ci abunna ki ol wak iróng a̱tu̱we̱, kar atin enne iróng i̱i̱na̱k tarabak ci lo̱rye̱nto̱.

1 Ti̱mo̱te̱yo̱ 4:10

Imma zin zo̱ze̱ cu, ka̱li̱ngli̱ng oroot, eci karikka zi̱nze̱tti̱ baiz ci Ta̱mu̱ta̱dde̱no̱, wa een Ti̱ri̱zo̱i̱t wa ollu do̱o̱k, ommogje ol wak a̱tu̱ nonno.

I̱bu̱ru̱ 13:13

I̱yo̱ko̱ zin, koo ku̱ru̱mtte̱k nonno gool reena, kar kozolit zoz ci uunyanne ol nonno.

1 Peturu 4:14

Abunna ming odomnyung ol zo̱ze̱ ci annuyu Ki̱ri̱sto̱ a̱tu̱yyu̱ nonno ko̱. A̱ma̱yu̱kte̱u̱ niga eci de̱ti̱ne̱t ki Vongiz ci Ta̱mu̱ta̱dde̱no̱ a̱vvu̱ ngatinno̱ng.

3 Jon 1:12

Ozoz ol do̱o̱k zoz ci abunna obod ki e̱e̱t ci een zara Demetrius, i̱ye̱la̱ zoz ci een de̱de̱ bu̱k bunnat cinne. Kozozi zin anna bu̱k zoz ci abunna zo̱ze̱ cinne, a̱gga̱yyu̱ niga zoz ci kozozi anna ko̱ een de̱de̱.

O̱no̱zzo̱k 3:9

Imma ol wak annu zoz ci Sitano, ol wak azi ne ke̱e̱ggi̱nna̱ Ya̱u̱d, imma ngatu amire, abarik e̱e̱ggi̱n volongnyok, kanyike atin anna nogo ku̱yu̱kte̱ zoone cigunnek kar ka̱gga̱c de̱de̱ ming kirezung anna i̱ge̱ta̱.