2 Ko̱ri̱nto̱ 6:4 - Tennet

⁴ Abarik ke̱e̱ggi̱n naga du̱cca̱k cik Ta̱mu̱ta̱dde̱no̱ kaale cik ka̱du̱wa̱ kar bo̱do̱k kogon naga ko̱, kanimnya kaal cik i̱i̱na̱kke̱t baiza do̱o̱k. Anyahakket ol no̱ngi̱tto̱n, kanimnya naga dee niko,

2 Ko̱ri̱nto̱ 6:4 ပူးပေါင်းရင်းမြစ်များ

Lu̱ka̱ 21:19

Okko zo̱ze̱ ci abilnnu niga ju̱rru̱m, amudannu atin niga ruget.”

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 2:22

“Olli Israilo, iziyyet zoz cu: Een bali Ye̱su̱ wa Nazereti e̱e̱t ci aanyet Ta̱mu̱ta̱dde̱n agit go̱o̱le̱ ci ogone enne kaal cik a̱vu̱la̱ ki kaal cik aanyik ol ka̱ma̱li̱ltte̱ o̱o̱tti̱, ki baayen balik ogonekku̱ng Ta̱mu̱ta̱dde̱n i̱ge̱t ke̱, eci bali a̱gga̱yyu̱ niga e̱le̱tti̱ne̱.

Buk wa To̱ni̱a̱u̱ 20:34

A̱gga̱yyu̱ niga ju̱rru̱m ka̱li̱ngli̱ngo̱ni̱k anna ele cinanni ki gonogga azzine cigannik.

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

Roma 14:18

Eci ming a̱li̱ngli̱nge̱k e̱e̱ti̱ Ki̱ri̱sto̱ go̱o̱le̱ necu, atalne atin Ta̱mu̱ta̱dde̱n kar ol bu̱k kelemtain.

Roma 16:10

Izayeang Apelles wa anyak genyiz tu̱we̱nta̱ anime no̱ngi̱tto̱n zo̱ze̱ ci Ki̱ri̱sto̱. Izayeang ol cik ce̱e̱z ci Aristobulos, kiza anna nogo do̱o̱k.

Roma 3:5

Ja ku̱du̱wa̱ go̱o̱le̱ ci ozoze ol, ming anyaha zoz ci gerze kogon naga ko̱ ol ka̱gga̱c bunnat ci Ta̱mu̱ta̱dde̱no̱, kozoz wo̱ye̱ naga nya zo̱ze̱ necu? Abaci Ta̱mu̱ta̱dde̱n ngati ettedekket lo̱ki̱ko̱? Iróng Ta̱mu̱ta̱dde̱n abaci.

Roma 5:8

Ma̱i̱je̱ ba̱li̱ye̱, u̱tu̱gu̱ Ta̱mu̱ta̱dde̱n zoz necu, i̱ye̱la̱ bunnat cinne, baling ngen ke̱e̱ggi̱n naga ol cik mu̱nye̱nu̱, a̱da̱k zin Ki̱ri̱sto̱ zo̱ze̱ cinna.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 4:1

Abunna ming a̱gga̱yyu̱ niga do̱o̱k, ke̱e̱ggi̱nna̱ naga du̱cca̱k cik Ki̱ri̱sto̱, eci bali Ta̱mu̱ta̱dde̱n aanyyet agit zoz cinne bali a̱lu̱gnye̱.

1 Ko̱ri̱nto̱ 9:11

Ming ki̱ye̱le̱u̱ng naga i̱ge̱t arizet ci Vongiz ci Ta̱mu̱ta̱dde̱no̱ orgene cunno̱ng, abunna zin niga ming aanyyet agit bu̱k kaal cik korongnya naga.

2 Ko̱ri̱nto̱ 11:23

E̱e̱ggi̱n nege de̱de̱ to̱ni̱a̱k cik Ki̱ri̱sto̱? Ke̱e̱ni̱ anna e̱e̱t ci adaka ngamoni ming kozozi niko ko̱, abarik ka̱li̱ngli̱ngo̱ni̱k nonno kommog nogo do̱o̱k. Ki̱li̱ngli̱nga̱ oroot, a̱ju̱ke̱ka̱ ol lagam lak cik meelek giir zo̱ze̱ ci Ki̱ri̱sto̱. Ki̱bi̱ce̱ a̱lle̱ne̱ kize daizoit.

2 Ko̱ri̱nto̱ 11:27

Ka̱li̱ngli̱ngi̱ gon oroot kipira, ki̱zze̱c rok ungnyak. Kowo kodok keng kak i̱llo̱i̱ rok maam cik kaudi. Audda gon lajo oroot eci i̱llo̱i̱ ru̱u̱m ci kabungenne.

2 Ko̱ri̱nto̱ 11:9

Baling kabak ki i̱ge̱t ke̱, ming i̱zzi̱ gi̱i̱ imma to ngatinanni, iróng anna kalayyung. Anyak de̱de̱ ollik Ta̱mu̱ta̱dde̱no̱ lo̱o̱ce̱ ci Macedonia cik aanyya o̱ro̱bi̱ya̱ cik kadayinne. Iróng zin anna ka̱a̱nyu̱ng elem cinanni i̱ge̱t udut.

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

2 Ko̱ri̱nto̱ 12:12

Baling ngen kaavtte bu̱k, ku̱tu̱gu̱ kaal cik i̱ye̱la̱ ke̱e̱ni̱ anna to̱ni̱a̱t ci Ki̱ri̱sto̱ de̱de̱, go̱o̱le̱ ci ku̱tu̱gu̱ kaal cik meelek giir a̱vu̱la̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

2 Ko̱ri̱nto̱ 4:8

A̱gi̱dde̱t ol odohize o̱to̱ do̱o̱k, iróng zin Ta̱mu̱ta̱dde̱n aanyik nogo komiz ci alamnyet li̱ngli̱ngo̱nte̱ ci kedemeza ol kaviyak cik Ye̱su̱. A̱ma̱li̱ltte̱ gon agit o̱o̱tti̱, iróng ka̱gga̱yya̱ gi̱i̱ ci wo̱ye̱ kogonna, ma̱i̱je̱ ngatu iróng kungneka zoz ci Ta̱mu̱ta̱dde̱no̱ lo̱o̱c;

2 Ko̱ri̱nto̱ 7:11

Icinnet gi̱i̱ ci u̱tu̱gu̱ Ta̱mu̱ta̱dde̱n ngati a̱a̱nyu̱ng matiz! Orongnyu niga i̱ye̱lte̱k nonno iróng niga anyakku ba̱ci̱. Omozinnu abarik niga, a̱ma̱li̱ltte̱ o̱o̱tti̱ cuggo̱k, orongnyu niga lo̱ki̱ko̱ kettede ju̱rru̱m. I̱ye̱la̱nu̱ niga e̱le̱tti̱ cuggo̱k ilemnyyu niga zo̱ze̱ necu.

Kolosiya 1:11

Kalayya nonno bu̱k abunna ming a̱a̱nyu̱ng doiz ci a̱kku̱ di̱ngdi̱ngo̱nte̱ cinne kar atin niga anyait zi̱nze̱tti̱ cik alali animnyu no̱ngi̱tto̱n, kar bo̱do̱k abait baiz talninta.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

1 Te̱se̱lo̱ni̱ka̱ 3:7

Ki i̱yo̱ko̱ ming kizikta ngati Ti̱mo̱te̱yo̱ tu̱we̱ne̱t ci odoknannu niga tu̱we̱nte̱ ci a̱tu̱yyu̱ Ye̱su̱ niko, ming nu̱nu̱n kapirnanna gi̱de̱ne̱t ci ollu oroot, aanyyet agit zoz ci azunnu niga zoz ci Ye̱su̱ ko̱ kizeto voore zi̱nze̱tti̱, eci niga ngen a̱tu̱yyu̱ zoz cinne.

1 Te̱se̱lo̱ni̱ka̱ 5:14

Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

1 Ti̱mo̱te̱yo̱ 2:15

A̱ti̱ri̱z atin Ta̱mu̱ta̱dde̱n ngaai go̱o̱le̱ ci a̱rri̱ta̱ne̱ dooli, ming emena nege tu̱we̱nta̱ ki rezinet Ta̱mu̱ta̱dde̱n kar kabaito baiz ci a̱li̱le̱.

1 Ti̱mo̱te̱yo̱ 4:6

Ming edemzike i̱nna̱ ti̱lo̱wi̱ne̱t ba̱li̱ye̱ ol wak a̱tu̱we̱, e̱e̱ni̱ atin du̱ca̱i̱t ci abunna ngati Ye̱su̱ Ki̱ri̱sto̱, adaizi i̱nna̱ ele, ogon ki i̱yo̱ko̱ ming adaizi i̱nna̱ ele zo̱ze̱ ci a̱tu̱we̱ Ta̱mu̱ta̱dde̱n ki de̱mzi̱ne̱t wa een de̱de̱ azunne i̱nna̱ ko̱, ki e̱e̱ti̱ ci adaiz ele da̱i̱nte̱.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

2 Ti̱mo̱te̱yo̱ 1:8

Ma zin anyike a̱li̱ya̱n kadayin ngati uwaheke ol zoz ci Manyi, icima a̱gga̱mnyi̱ a̱li̱ya̱ni̱ ngatinanni bali kecebine anna zo̱ze̱ cinne. Abarik nyak komiz ci aanyi Ta̱mu̱ta̱dde̱n ko̱, kar i̱jja̱ kipirta nga̱to̱de̱ ngati kuwahek ol kaviyak cik abunna.

2 Ti̱mo̱te̱yo̱ 2:24

Gerza ming adango du̱ca̱i̱ti̱ ci Manyi ki ol, abarik abunna ming i̱i̱rke̱ olle do̱o̱k, eheronik ol, kar bo̱do̱k kanyak zinin ci alali.

2 Ti̱mo̱te̱yo̱ 4:5

Imma zin i̱nna̱ zuute ele cunne odohize. Niim piryanzet, li̱ngli̱ng li̱ngli̱ngo̱n ci uwahek ol zoz ci Ta̱mu̱ta̱dde̱no̱.

I̱bu̱ru̱ 12:1

Eci ibbacit koole ci a̱ppwe̱ olli Ya̱u̱do̱ a̱tu̱ Ta̱mu̱ta̱dde̱n ko̱ tu̱we̱nte̱ ci kabahe naga niko, abunna kungnek mu̱nye̱n lo̱o̱c ki kaal wak adiryyet baiza. Abunna kabak baiz ci kanime no̱ngi̱tto̱n kar kurubta baiz ci aanyyet Ta̱mu̱ta̱dde̱n ko̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 3:10

Eci u̱zu̱ttu̱ niga zoz cinanni kar bo̱do̱k anyait nimenet, kazunnung atin anna i̱ge̱ta̱ bu̱k i̱i̱te̱ne̱ ci atimane no̱ngi̱tto̱na̱ cik atin i̱i̱na̱k ol do̱o̱k, atimane ol cik abak lo̱o̱ta̱ ngatu.