2 Ko̱ri̱nto̱ 6:13 - Tennet

¹³ Kozozikkung ki ming ozozik e̱e̱ti̱ dooli ciginnek. Abunna ming anyakku zi̱nze̱tti̱ cik voorik ngatinna̱ng.

2 Ko̱ri̱nto̱ 6:13 ပူးပေါင်းရင်းမြစ်များ

Marko 11:24

I̱yo̱ko̱ zin, ka̱du̱wa̱kku̱ng, ming a̱jji̱nni̱ Ta̱mu̱ta̱dde̱n gi̱i̱ lawinta, abunna ming elemna, umuda i̱nna̱ gi̱i̱ neci, een atin gi̱i̱ neci cunne.

Ga̱la̱ti̱a̱ 4:12

Kilalekkung, gotonogga ki ngonogga tu̱we̱nta̱, abait baiz ci aave do̱, iróng idongze ki kaal u̱gge̱, eci anna kabai baiz ki i̱yo̱ko̱ niga i̱do̱ngi̱ ko̱, kabai baiz ci abano ki lo̱ti̱nno̱k, iróng zin anna kadango ki i̱ge̱ta̱.

Ga̱la̱ti̱a̱ 4:19

Eeh, dooli cigannik tu̱we̱nta̱, kapirna zo̱ze̱ cunno̱ng kiwagon ngaa ci anyakce a̱u̱ce̱ do̱le̱c ngati orong ukcane. Kapirna zo̱ze̱ necu zee kar zoz ci Ki̱ri̱sto̱ ka̱vvu̱ zi̱nze̱tti̱nne̱ cuggo̱k.

1 Te̱se̱lo̱ni̱ka̱ 2:11

A̱gga̱yyu̱ bo̱do̱k ming kuzutung naga i̱ge̱ta̱ kiwagon ming a̱gga̱m be̱e̱ti̱ ollu dooli ciginnek.

1 Jon 2:1

Niga dooli cigannik tu̱we̱nta̱, keherakkung i̱ge̱t zoz cu kar abunna atin iróng ogonnu mu̱nye̱n. Ming u̱tu̱gu̱ e̱e̱ti̱ imma mu̱nye̱n, kanyak naga Ye̱su̱ Ki̱ri̱sto̱ E̱e̱t wa Abunna O̱de̱ een zoc cinna ozozek Baatinne zoz cinna.

1 Jon 3:18

Niga dooli wagannik tu̱we̱nta̱, abunna kirez ol rezinet ci een de̱de̱ ngati kogonne kaal cik abunna baize cinna, iróng een zoza utuga.

1 Jon 3:7

Niga dooli wagannik tu̱we̱nta̱, ma anyikku e̱e̱t imma kalabaung ki̱ti̱ku̱ng tu̱. Okko e̱e̱ti̱ ci ogon kaal cik abunna, een enne e̱e̱t ci abunna ki i̱yo̱ko̱ Ki̱ri̱sto̱ ming abunna ko̱.

3 Jon 1:4

Een necu talninet ci a̱ddi̱ki̱re̱ ngatinanni oroot, ngati kazikne abak dooli cigannik zo̱ze̱ ci een de̱de̱.