2 Ko̱ri̱nto̱ 6:10 - Tennet

¹⁰ Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

2 Ko̱ri̱nto̱ 6:10 ပူးပေါင်းရင်းမြစ်များ

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Ma̱te̱yo̱ 5:4

U̱mu̱yu̱k Ta̱mu̱ta̱dde̱n ol wak aavtte u̱lu̱wa̱na̱, okko atin Ta̱mu̱ta̱dde̱n a̱ti̱ri̱z nogo katalto.

Lu̱ka̱ 6:21

U̱mu̱yu̱kte̱u̱ niga ol cik adak magiz i̱yo̱ko̱ niko, eci ovvo atin niga anyarnu. U̱mu̱yu̱kte̱u̱ niga ol wak a̱lu̱yyu̱ i̱yo̱ko̱ niko, eci ovvo atin niga ararnu.

Kaviyak wak Abunna Ta̱mu̱ta̱dde̱no̱ eher Joni 16:22

Ogon zin atin bo̱do̱k ngatinno̱ng ki i̱yo̱ko̱: I̱yo̱ko̱ zin ize i̱i̱ cunno̱ng ci omozinnu icu, kacinnung zin atin anna i̱ge̱t bo̱do̱k kar bo̱do̱k ataltto, i̱llo̱i̱ zin e̱e̱t imma ci okko okkoye talinet cunno̱ng to.

Buk wa To̱ni̱a̱u̱ 16:25

Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko.

Buk wa To̱ni̱a̱u̱ 3:6

Kar zin Peturu kize ne, “I̱llo̱i̱ annit o̱ro̱bi̱ya̱ icima dhahab ci kaanyin, abarik zin kaanyi gi̱i̱ ci kanyai icu, zare cik Ye̱su̱ Ki̱ri̱sto̱ wa orog ci een Nazeret, ka̱nne̱ki̱ ne, tinga je̱e̱na̱ kar to.”

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 11:12

Abarik ming ize mu̱nye̱n cik olli Ya̱u̱do̱ cik anyahak olli lo̱o̱tu̱ eezet, okko atin gool ci aanyik nege bo̱i̱c Ta̱mu̱ta̱dde̱n ko̱, een eezet ngati ol wak iróng een Ya̱u̱d. Ommog atin eezet cinne̱ng veelek ming o̱bo̱dda̱k nege Ta̱mu̱ta̱dde̱n.

Roma 12:15

Ming atalne ol, ataltto niga bu̱k ki nogo. Ming anyak e̱e̱ti̱ u̱lu̱wa̱, u̱tu̱lu̱z niga bu̱k.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 8:32

Aanyyet Ta̱mu̱ta̱dde̱n Ngerinne agit kize wawac. Baling aanyyet enne muci ci a̱ddi̱ki̱re̱ ko̱, ma i̱yo̱ko̱ naga ming ki̱no̱n do̱o̱k, iróng wo̱ye̱ enne aanyyet gi̱i̱ imma ci korong naga?

Roma 9:2

Kanyai anna matiz ki ciriton ci a̱ppwe̱ oroot zinina.

1 Ko̱ri̱nto̱ 1:5

Eci ngatinne izetu niga do̱o̱k ol cik a̱gga̱yyu̱ zoz cinne ngati ozozu ki bo̱do̱k ke̱bi̱nta̱,

2 Ko̱ri̱nto̱ 2:4

Baling keherakkung waraga ba̱li̱ye̱ ke̱ ngati acirit zinin oroot, ki ti̱la̱lo̱ eberene, iróng korongi kar omozte. Keheri abunna ming a̱gga̱yyu̱ kirezzung anna i̱ge̱t oroot.

2 Ko̱ri̱nto̱ 4:15

Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.

2 Ko̱ri̱nto̱ 4:7

Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng.

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

Vilipia 4:4

Ataltto odohize zo̱ze̱ ci Manyi baize cunno̱ng! Kobodonik ka̱du̱wa̱ dee, ataltto.

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

1 Te̱se̱lo̱ni̱ka̱ 1:6

I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

1 Te̱se̱lo̱ni̱ka̱ 5:16

Abait kize voori zi̱nze̱tti̱ odohize,

1 Ti̱mo̱te̱yo̱ 4:8

Ming edemezi i̱nna̱ vi̱ra̱ ele abunna oroot, imma de̱mzi̱ne̱t baiz ci Ta̱mu̱ta̱dde̱no̱ eelannet go̱o̱lo̱we̱ cik meelek. Anyak baizi ci Ta̱mu̱ta̱dde̱no̱ bunnat oroot, eci aanyyet i̱yo̱ko̱ baiz ci abunna ki ci atin reena.

1 Ti̱mo̱te̱yo̱ 6:18

Du̱wa̱k nogo ku̱tu̱gu̱zzo̱ kaal cik abunna, kar kizeto itok zo̱ze̱ ci abunna kar kizeto ol cik i̱i̱rke̱ orong kar kozolit kaal ki ol.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

Je̱mi̱s 2:5

Izikto, gotonogga ki ngonogga tu̱we̱nta̱, Ta̱mu̱ta̱dde̱n ci ahala ol cik amati ngati acine ol cik diirik kar kizeto ol cik een jain tu̱we̱nta̱, kar karagizet ba̱a̱li̱ne̱t ci u̱du̱wa̱k enne ol wak irez nonno.

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

O̱no̱zzo̱k 2:9

Ka̱gga̱ anna pirnanet ki matiz cunno̱ng, imma ngatu e̱e̱ggi̱nnu̱ niga jain! Ka̱gga̱ dominet ci azi ol uggak ne e̱e̱ggi̱n nege Ya̱u̱d, imma ngatu iróng e̱e̱ggi̱n Ya̱u̱d, abarik nege ogon ki nginti lawinto Sitano.

O̱no̱zzo̱k 21:7

Imma e̱e̱ti̱ ci anime no̱ngi̱tto̱n do̱o̱k, aragiz atin enne baiz cu, kokko anna atin ke̱e̱ni̱ Ta̱mu̱ta̱dde̱n cinne, okko atin enne een do̱le̱c cinanni.