2 Ko̱ri̱nto̱ 5:21 - Tennet

²¹ Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

2 Ko̱ri̱nto̱ 5:21 ပူးပေါင်းရင်းမြစ်များ

Lu̱ka̱ 1:35

O̱bo̱de̱k zin anjilo ci Ta̱mu̱ta̱dde̱no̱ nonno a̱nne̱k ne, “Abuweki atin Ta̱mu̱ta̱dde̱n Vongiz ci A̱li̱le̱ komize cinne, kar komizi ci Manyi wa Ommog Veelek kubungin kar atin i̱nna̱ nyaho niko. Ming i̱ddi̱ki̱r wa A̱li̱le̱ O̱de̱ Ṯok, a̱gga̱ atin ol nonno ming een Ngerrti Ta̱mu̱ta̱dde̱no̱.

Buk wa To̱ni̱a̱u̱ 3:14

Een enne ba̱li̱ye̱ E̱e̱t wa Abunna O̱de̱ A̱li̱le̱ oroot, utuburtu abarik nonno, kar zin abarik i̱jji̱nne̱t Pilato abunna ming oogakkung e̱e̱t wa mu̱nye̱nu̱.

Roma 1:17

Eci kaviyahe cik abunna Ye̱su̱ i̱ye̱la̱ ming a̱kku̱ bunnati ngati Ta̱mu̱ta̱dde̱no̱, aara zin ol balik u̱tu̱gu̱zzo̱ mu̱nye̱n ke̱ kizeto ol cik abunna, a̱kku̱ bunnati neci tu̱we̱nta̱ arrak oowa okko rok vu̱rru̱t, ki i̱yo̱ko̱ ming e̱he̱rye̱, azi ne, “Abak atin e̱e̱ti̱ ci abunna tu̱we̱nta̱.”

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 5:19

Iróng ba̱li̱ye̱ Adami ngen azunne zoz ci Ta̱mu̱ta̱dde̱no̱ kar kanyahak ol do̱o̱k mu̱nye̱n. Imma Ye̱su̱ uzute zoz ci Ta̱mu̱ta̱dde̱no̱, anyahak ol zoz ci abunna, kar Ta̱mu̱ta̱dde̱n kelema ol do̱o̱k.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Evesos 5:2

Abunna ming abakku baiz rezinta ki i̱yo̱ko̱ ming irezet Ki̱ri̱sto̱ ko̱, a̱kku̱ enne ta̱mu̱-kenga ki̱ki̱ya̱ kize wawac cinna ka̱da̱k zo̱ze̱ cinna, atalnet zin Ta̱mu̱ta̱dde̱n zo̱ze̱ cinne.

Vilipia 3:9

kar ka̱gga̱ kabai anna zo̱ze̱ cinne. Iróng wo̱ye̱ anna kadimani ele cinanni kubunna ngu̱me̱ ci Ta̱mu̱ta̱dde̱no̱ ngati ko̱ngo̱o̱le̱ Lo̱ti̱nno̱k cik Musesi do̱. Elemanna Ta̱mu̱ta̱dde̱n go̱o̱le̱ ci tu̱we̱ne̱t ci ka̱tu̱we̱ anna Ki̱ri̱sto̱.

I̱bu̱ru̱ 4:15

Kanyak alaan ci a̱ddi̱ki̱re̱ wawaco ci a̱gga̱ ming ke̱e̱ggi̱n naga olli mu̱nye̱nu̱, itiman zin lo̱rye̱nti̱ nonno go̱o̱lo̱we̱ do̱o̱k ki i̱yo̱ko̱ naga do̱o̱k ko̱, anyak gi̱i̱ co̱de̱, ngen enne kabac zoz imma udut.

I̱bu̱ru̱ 7:26

Een Ye̱su̱ alaan ci a̱ddi̱ki̱re̱ wawaco Ce̱e̱ze̱ wa Ta̱mu̱ta̱dde̱no̱ ci korong naga. A̱li̱le̱ enne iróng anyak ba̱ci̱ kar kize voor zinin, aave enne do̱ ngati e̱e̱t ci diiri mu̱nye̱nu̱. Irez Ta̱mu̱ta̱dde̱n nonno kize alaan ci a̱ddi̱ki̱re̱ wawaco ci ommog kaal do̱o̱k, aave ta̱mu̱-kenga.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Jon 3:5

A̱gga̱yyu̱ niga a̱kku̱ Ki̱ri̱sto̱ kar ki̱ki̱ya̱ kaara mu̱nye̱n cigga̱c, iróng enne eliya anyak mu̱nye̱n udut.