2 Ko̱ri̱nto̱ 5:18 - Tennet

¹⁸ Ta̱mu̱ta̱dde̱n ci adiman kaal cik een jor baize cinna ko̱ do̱o̱k. I̱tto̱na̱ enne Ki̱ri̱sto̱ kar ki̱ki̱ya̱ kaganizet agit ki nonno, kar kaanyyet agit li̱ngli̱ngo̱n ci kaganiza ol ki nonno.

2 Ko̱ri̱nto̱ 5:18 ပူးပေါင်းရင်းမြစ်များ

Lu̱ka̱ 10:5

“Ming i̱zzo̱yu̱ ce̱e̱z ci e̱e̱t imma, arrak izet ne, ‘Abait yahe ce̱e̱ze̱ cu.’

Lu̱ka̱ 24:47

kar zoz ci uurtane ol mu̱nye̱n ki zoz ci alalneke Ta̱mu̱ta̱dde̱n nogo mu̱nye̱n kuwaktozik ol ciginnek lo̱o̱cco̱k do̱o̱k, akane Jerusalema.

Kaviyak wak Abunna Ta̱mu̱ta̱dde̱no̱ eher Joni 3:16

“Eci Ta̱mu̱ta̱dde̱n irez ol do̱o̱k oroot, kar zin kaanyik Ngerinne wa o̱de̱ ṯok niko keela nogo, ming anyak ol cik a̱tu̱ nonno, amuda atin nege ruget wa aave udut.

Kaviyak wak Abunna Ta̱mu̱ta̱dde̱no̱ eher Joni 3:27

O̱bo̱de̱k zin Joni nogo, a̱nne̱k ne, “Iróng e̱e̱ti̱ ci diiri anyak gi̱i̱ imma, amuda gi̱i̱ necu do̱ ta̱mu̱-kenga.”

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Roma 11:36

Ta̱mu̱ta̱dde̱n ci eenyca kaal do̱o̱k, kar kaanyik nogo do̱o̱k kuruget, azunne enne kaal ne̱ke̱ do̱o̱k komize cinne kizeto kaal ciginnek. Abunna zin ka̱di̱ngdi̱nga̱n naga do̱o̱k nonno udut. Nonno nenen.

Roma 5:1

I̱yo̱ko̱ zin, elemnyet Ta̱mu̱ta̱dde̱n tu̱we̱nte̱ cinna, kanyait zin naga gano ki Ta̱mu̱ta̱dde̱n ngati Manyitinna Ye̱su̱ Ki̱ri̱sto̱.

1 Ko̱ri̱nto̱ 1:30

E̱e̱ggi̱nnu̱ niga dooli cik Ta̱mu̱ta̱dde̱no̱, urumteu zin niga ki Ye̱su̱ Ki̱ri̱sto̱, wa a̱kku̱ ngati Ta̱mu̱ta̱dde̱no̱ ki̱ki̱ya̱ ki̱ti̱ri̱ze̱t kar enne kanyaha genyiz ci abunna kar bo̱do̱k ki̱li̱li̱.

1 Ko̱ri̱nto̱ 11:12

Eci ngaa a̱kku̱ ngati e̱e̱t ci maci, a̱rri̱ta̱ bo̱do̱k ngaa e̱e̱t ci maci. Ma̱i̱je̱ ngatu a̱vvu̱ kaala do̱o̱k ngati Ta̱mu̱ta̱dde̱no̱.

1 Ko̱ri̱nto̱ 12:6

Anyak bo̱do̱k ol do̱o̱k li̱ngli̱ngo̱no̱k cik aavtte do̱ do̱, abarik zin Ta̱mu̱ta̱dde̱n co̱de̱ ci aanyik ol ki̱li̱ngli̱nge̱t li̱ngli̱ngo̱no̱k ne̱ke̱ ngati ol do̱o̱k.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

Kolosiya 1:22

Ma̱i̱je̱ i̱yo̱ko̱, aganizung enne i̱ge̱ta̱ eliye ci Ngerinne Ki̱ri̱sto̱ bali a̱da̱i̱ keete ci een ta̱la̱ke̱c, kar enne ka̱a̱nyu̱ng izet ol cik abunna a̱li̱le̱ ngu̱me̱ cinne, iróng anyakku aruwa.

I̱bu̱ru̱ 2:17

Atubuz Ta̱mu̱ta̱dde̱n Ye̱su̱ ki ol cik diirik do̱o̱k, kar ki̱li̱ngli̱nge̱k Ta̱mu̱ta̱dde̱n kize alaan ci a̱ddi̱ki̱re̱ wawaco abunna arik zinin nonno, uuwa atin ol cik Ta̱mu̱ta̱dde̱no̱, kar zin kaanyik ele cinne kize wawac ci alalnek ol mu̱nye̱n.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

1 Jon 2:2

Ogon enne ki wawaci mu̱nye̱ne̱ cigga̱c. Iróng een wawac cinna do̱, abarik nonno ci een wawac ci olli lo̱o̱tu̱ do̱o̱k.

1 Jon 4:10

Een necu rezinet ci Ta̱mu̱ta̱dde̱no̱: Iróng een agit cik kirez Ta̱mu̱ta̱dde̱n, abarik nonno ci irezet agita, kar ki̱tto̱na̱i̱t Ngerinne kize wawac ci okko alalnek mu̱nye̱n cigga̱c.