Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Ko̱ri̱nto̱ 5:16 - Tennet

16 I̱yo̱ko̱ zin, ka̱gga̱yya̱ irez Ki̱ri̱sto̱ ol do̱o̱k, iróng zin naga ngen ki̱no̱na̱ ki ol do̱o̱k, ngati ol ne̱k ngen kelemtta zoz ci Ta̱mu̱ta̱dde̱no̱ ko̱. Baling ngen naga kelemtta zoz ci Ki̱ri̱sto̱, ki̱no̱ni̱ zoz cinne ki ol wak ngen kelemtta. Iróng zin naga i̱yo̱ko̱ ngen ki̱no̱na̱ kiwagon ba̱li̱ye̱ ke̱.

အခန်းကိုကြည့်ပါ။ ကော်ပီ




2 Ko̱ri̱nto̱ 5:16
19 ပူးပေါင်းရင်းမြစ်များ  

“Ming irez e̱e̱ti̱ imma baatinne icima yaatinne oroot kommoga annita, iróng enne agano kize nuyait cinanni; kar bo̱do̱k ming irez e̱e̱ti̱ ngerinne icima buweenyinne oroot kommoga annita, iróng enne agano kize nuyait cinanni;


Ming ogonnu lo̱ti̱nno̱k cik ka̱du̱wa̱kku̱ng anna ko̱, izetu niga gonogga de̱de̱.


A̱nne̱k zin Ye̱su̱ yaatinne ne, “I̱nna̱ ngaa cu, iróng i̱nna̱ anyai zoz imma ki annita, ngen i̱i̱ cinanni ki̱ki̱ya̱.”


Aanyik Vongizi ol ruget, iróng ele aanyyet gi̱i̱ imma. Kaal cik ka̱du̱wa̱kku̱ng ko̱ een zoz ci Vongizo, aanyyet ruget.


Etteddu niga zoz go̱o̱le̱ ci acine e̱e̱ti̱ ci diiri kaal. Imma anna iróng kettedi zoz ci e̱e̱t imma.


Ming anyak ol u̱gge̱ cik orong kodongit e̱le̱tti̱ kaale cik u̱tu̱gu̱zzo̱ nege, kodongi atin anna bu̱k ele.


Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.


ming kanyai anna gool ci karike wo̱ye̱ zinin kaal ne̱ke̱. Ming anyak e̱e̱ti̱ imma ci i̱no̱n arike enne zinin cinne ele eci re̱e̱nu̱no̱, kanyai anna cik meelek:


Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.


Imma zin genyizi ci a̱kku̱ ta̱mu̱-kenga een caala paz; kar zin kirez gano, alali mului, a̱gga̱ zoz ju̱rru̱m, aziye zoz ju̱rru̱m, anyak deten ki zoz ci abunna, iróng enger ol kar kanyak zoz ci een de̱de̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ