2 Ko̱ri̱nto̱ 5:15 - Tennet

¹⁵ A̱da̱i̱ Ki̱ri̱sto̱ zo̱ze̱ ci ol do̱o̱k, kar abunna ol wak aruge iróng ngen irez e̱le̱tti̱ cigge̱k do̱ niko, abarik abunna ming irez Manyi bali a̱da̱i̱ zo̱ze̱ cinne̱ng, kar Ta̱mu̱ta̱dde̱n kitingawe nonno daiza kurug bo̱do̱k.

2 Ko̱ri̱nto̱ 5:15 ပူးပေါင်းရင်းမြစ်များ

Lu̱ka̱ 1:74

keelawet agit azzine cik mo̱ddo̱ cigga̱c, kar kaanyyet ki̱li̱ngli̱ngte̱k nonno ci iróng ko̱ngo̱o̱le̱ gi̱i̱ imma

Kaviyak wak Abunna Ta̱mu̱ta̱dde̱no̱ eher Joni 5:24

Emena Ye̱su̱ zoza dee, azi ne, “Ka̱du̱wa̱kku̱ng zoz ci een de̱de̱, ming aziye e̱e̱ti̱ zoz cinanni kar ku̱tu̱ Baba bali i̱tto̱na̱na̱ ke̱, amuda atin enne ruget wa aave udut. Iróng atin lo̱ki̱ko̱ ci gerze ettedonik oo cinne. Utungek enne daiz lo̱o̱c uk rugeta.

Kaviyak wak Abunna Ta̱mu̱ta̱dde̱no̱ eher Joni 6:57

Ogon ki i̱yo̱ko̱ ming i̱tto̱na̱ Baba wa aruge ta̱mu̱-kenga ko̱, karugi zin anna zo̱ze̱ cinne, okko zin e̱e̱ti̱ ci adakce ngatinanni ko̱ abak zo̱ze̱ cinanni.

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 6:2

Iróng een niko! Ming iróng mu̱nye̱na̱ ngen abalet ko̱, nya bo̱do̱k ming kobodonik naga mu̱nye̱n ko̱?

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 8:10

Ming abak Ki̱ri̱sto̱ zi̱nze̱tti̱nne̱ cuggo̱k, a̱da̱i̱to̱ e̱le̱tti̱ cuggo̱k do̱ zo̱ze̱ ci mu̱nye̱nu̱, ma̱i̱je̱ vongizzowa cuggo̱k aruge zo̱ze̱ ci bunnat ci Ta̱mu̱ta̱dde̱no̱.

Roma 8:2

Eci Vongizi ci Ta̱mu̱ta̱dde̱no̱ arawa annit lo̱ti̱nno̱we̱ wak mu̱nye̱nu̱ ki wak daizak, kar kanyaha ruget ci een jor ngati Ye̱su̱ Ki̱ri̱sto̱.

Roma 8:6

Ming kabal naga e̱le̱tti̱ kaale ci gerzek balik reentik amin zi̱nze̱tti̱ ke̱, kamuda atin daiz. Imma ming kabal e̱le̱tti̱ Vongize ci Ta̱mu̱ta̱dde̱no̱, kanyak atin baiz ci abunna ki gano.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 5:16

I̱yo̱ko̱ zin, ka̱gga̱yya̱ irez Ki̱ri̱sto̱ ol do̱o̱k, iróng zin naga ngen ki̱no̱na̱ ki ol do̱o̱k, ngati ol ne̱k ngen kelemtta zoz ci Ta̱mu̱ta̱dde̱no̱ ko̱. Baling ngen naga kelemtta zoz ci Ki̱ri̱sto̱, ki̱no̱ni̱ zoz cinne ki ol wak ngen kelemtta. Iróng zin naga i̱yo̱ko̱ ngen ki̱no̱na̱ kiwagon ba̱li̱ye̱ ke̱.

Ga̱la̱ti̱a̱ 5:25

Ming kabak naga Vongize ci A̱li̱le̱ ko̱, abunna zin ming kanu Vongiz ci A̱li̱le̱ baize cinna do̱o̱k.

Evesos 4:17

Eci anna ke̱e̱ni̱ nuyait ci Manyi, ki̱lo̱tu̱ng oroot, ma ngen abakku ki ol wak iróng e̱e̱ggi̱n Ya̱u̱d a̱zze̱ o̱o̱tti̱ ki ol wak iróng a̱gga̱ Ta̱mu̱ta̱dde̱n.

Evesos 5:14

Eci vooriteni aanyik kaal do̱o̱k ki̱ye̱lta̱i̱. Zoz zin ci u̱du̱ya̱i̱ azi ne: “Tinga je̱e̱na̱ i̱nna̱ e̱e̱ti̱ ci adungi ko̱, tinga daiza, kar atin vooriten ci Ki̱ri̱sto̱ kataranin.”

Kolosiya 2:12

Eci ogon ki ci a̱da̱yo̱zi̱u̱ng ol lo̱o̱k ki bali Ki̱ri̱sto̱ ngati a̱gga̱mnyu̱ niga ba̱ti̱ti̱mo̱, kar itingta ki nonno daiza tu̱we̱nta̱ doize ci Ta̱mu̱ta̱dde̱no̱ bali ingane nonno daiza ke̱.

Kolosiya 3:1

A̱gga̱yyu̱ itingtau niga ki Ki̱ri̱sto̱ daiza, abunna ming arikku zi̱nze̱tti̱ cuggo̱k kaal cik aavtte ta̱mu̱-kenga, ngati aave Ki̱ri̱sto̱ a̱tte̱ ci a̱zzo̱ Ta̱mu̱ta̱dde̱no̱ ngati doizo.

Kolosiya 3:17

Kar ming ogonnu gi̱i̱ imma, ming ozozu u̱tu̱ge̱tti̱ne̱ icima ogonnu azzine, u̱tu̱gu̱z kaal ne̱ke̱ do̱o̱k zare cik Manyi Ye̱su̱. Kar bo̱do̱k go̱o̱le̱ cinne, aanycik Ta̱mu̱ta̱dde̱n Baba zany kaale do̱o̱k.

Kolosiya 3:23

Abunna zin ming a̱gga̱yyu̱ kaale cik ogonnu niga ko̱, i̱li̱ngli̱nge̱t zi̱nze̱tti̱nne̱ cik abunna, ki ci a̱li̱ngli̱ngngo̱ni̱ku̱ niga Manyi Ye̱su̱ do̱ niko, amire ki ol cik diirik.

1 Te̱se̱lo̱ni̱ka̱ 5:10

A̱da̱i̱ Ye̱su̱ zo̱ze̱ cinna kar kuruget ki nonno, ming karuge icima ka̱da̱i̱, karuge atin kar kabait bu̱k ming okko Ye̱su̱ oboda.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

1 Peturu 4:6

Eci zo̱ze̱ necu, uwaktozik ba̱li̱ye̱ kaviyaha cik abunna ol wak a̱da̱i̱to̱, kar atin vu̱rrta̱ ming okko apahonik nogo lo̱ki̱ko̱ kaale wak gerzek ogon nege baizowe cigge̱k, ma̱i̱je̱ vongizzowa cigge̱k ovvo atin arume ki Ta̱mu̱ta̱dde̱n.

1 Jon 4:9

Een necu zin gool ci i̱ye̱le̱kke̱t Ta̱mu̱ta̱dde̱n rezinet cinne ngati i̱tto̱na̱ne̱ lo̱o̱c Ngerinne wa O̱de̱ Ṯok kar naga kurubta ruget zo̱ze̱ cinne.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”