2 Ko̱ri̱nto̱ 5:11 - Tennet

¹¹ Ki i̱yo̱ko̱ ming ka̱gga̱ naga zoz ci ko̱ngo̱o̱li̱ne̱ Manyi ko̱, korongnyya la̱du̱n kanyakta ol Manyi. A̱gga̱ Manyi baiz cinna ki kaal cik kedemez naga ko̱, karike zin anna zinin a̱gga̱yyu̱ niga bu̱k baiz cinna̱ng.

2 Ko̱ri̱nto̱ 5:11 ပူးပေါင်းရင်းမြစ်များ

Kananet 35:5

U̱lu̱ge̱t zin nege, kar ki̱ra̱ki̱ra̱k ci Ta̱mu̱ta̱dde̱no̱ ki̱ta̱k o̱ro̱gjo̱k ne̱k aavtte orgene cinne̱ng ko̱ do̱o̱k ci iróng e̱e̱ti̱ imma annu nogo.

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 25:46

“Kar atin ol ne̱ko̱ koot piryanzete ci aalna udut, ma̱i̱je̱ ol cik abunna ovvo baize ci aave udut.”

Lu̱ka̱ 12:5

Abarik atin anna ki̱ye̱le̱ku̱ng i̱ge̱ta̱ ngene ci abunna ming o̱ngo̱o̱li̱nnu̱ niga: O̱to̱ngo̱o̱ltte̱ e̱e̱t ci ming u̱ru̱k ele, kar kanyak doiz ci a̱ju̱ke̱k ele neci gwo̱o̱ ci apadpadi udut. De̱de̱ ka̱du̱wa̱kku̱ng anna i̱ge̱ta̱, o̱to̱ngo̱o̱ltte̱ nonno.

Lu̱ka̱ 16:31

“A̱nne̱k zin enne nonno ne, ‘Ming iróng nege aziye zoz ci Musesi ki a̱ri̱tto̱k, iróng atin nege elemi zoz ci e̱e̱t imma ci ingazi daiza.’”

Buk wa To̱ni̱a̱u̱ 13:43

Baling ovvo ol azanne, unuwet ol cik meelek e̱e̱ggi̱n Ya̱u̱d ki i̱do̱ngi̱ wak utuhuye kizeto Ya̱u̱d ko̱ nogo, kar zin Pa̱u̱lo̱ ki Barnabas izektek nogo ne, “A̱vvu̱t labak detente ci Ta̱mu̱ta̱dde̱no̱.”

Buk wa To̱ni̱a̱u̱ 18:13

A̱du̱wa̱k nege ol a̱nne̱k ne, “Anyike e̱e̱ti̱ cu ol kalac Ta̱mu̱ta̱dde̱n go̱o̱le̱ ci iróng orkor ki lo̱ti̱nno̱k.”

Buk wa To̱ni̱a̱u̱ 18:4

Okko i̱i̱nya̱we̱ wak Yu̱bze̱nto̱, okko enne Ce̱e̱ze̱ wa Lawinto kar kozoz ki olli Ya̱u̱do̱ ki Gi̱ri̱k, oobek zoz ci Ye̱su̱.

Buk wa To̱ni̱a̱u̱ 19:26

Iziktu niga kar bo̱do̱k icinntu niga zoz ci a̱ti̱ye̱ Pa̱u̱lo̱ ol cik meelek tu̱ Ephesuskte lo̱o̱ce̱ ci Asia do̱o̱k. Azi enne ne, ta̱mu̱ta̱dde̱ne̱t cik adimana e̱e̱ti̱ ci diiri ko̱, iróng een ta̱mu̱ta̱dde̱ne̱t cik een de̱de̱.

Buk wa To̱ni̱a̱u̱ 26:26

A̱gga̱ alaani Agirippa zoz necu, koobek wo̱ye̱ anna nonno labak. Ka̱gga̱ anna a̱gga̱ enne e̱e̱ggi̱n kaala ne̱ko̱ de̱de̱, eci iróng ba̱li̱ye̱ ogone lo̱mu̱k.

Buk wa To̱ni̱a̱u̱ 28:23

Elemtta nege kar kurumto ki Pa̱u̱lo̱ wazin imma, a̱vvu̱ koole ci a̱ppwe̱ ovvo i̱vo̱n Pa̱u̱lo̱ ngati bali aave enne ke̱. U̱du̱wa̱k enne nogo gool ci ba̱a̱li̱ne̱t ci Ta̱mu̱ta̱dde̱no̱, kar zin ku̱du̱wa̱k zoz necu ju̱rru̱m nginti nge̱rre̱ti̱nu̱ tu̱p kize yo̱mo̱n. Oobek nogo kar kiziyet zoz ci a̱du̱wa̱k enne nogo zoz ci obod ki Ye̱su̱ lo̱ti̱nno̱we̱ wak Musesi ki a̱ri̱tto̱k.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 5:20

Ke̱e̱ggi̱nna̱ naga ol cik ka̱li̱ngli̱nge̱kka̱ Ki̱ri̱sto̱ lo̱o̱ta̱ ngatu. Ming kuwahekka ol kaviyak cik Ki̱ri̱sto̱, Ta̱mu̱ta̱dde̱n ele ci anyike ol kiziyet zoz cinna̱ng. Kilalekkung zin anna i̱ge̱t de̱de̱ zo̱ze̱ ci Ki̱ri̱sto̱, abunna ming anyakku gano ki Ta̱mu̱ta̱dde̱n.

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Ga̱la̱ti̱a̱ 1:10

Iróng anna ke̱e̱ni̱ e̱e̱t ci ka̱ru̱we̱k ol do̱ldo̱l. Korongi ki̱li̱ngli̱nge̱k Ta̱mu̱ta̱dde̱n do̱ niko. Ming kuwahek ol kaviyak cik orong nege do̱ niko, iróng wo̱ye̱ anna ke̱e̱ni̱ du̱ca̱i̱t ci Ki̱ri̱sto̱.

Evesos 5:21

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

I̱bu̱ru̱ 10:31

A̱gga̱c zoz necu ju̱rru̱m, gerza oroot ming a̱kku̱nna̱k e̱e̱ti̱ ngu̱m ci Ta̱mu̱ta̱dde̱no̱ kar ketted lo̱ki̱ko̱ cinne, aanyik zoz necu e̱e̱t ngo̱li̱ne̱t oroot.

I̱bu̱ru̱ 12:29

Eci Ta̱mu̱ta̱dde̱n ci ka̱di̱ngdi̱nga̱n naga ko̱ ogon ki i̱yo̱ko̱ gwa̱a̱ ci atuz kaal ne lai.

Ju̱da̱ 1:23

Eelta e̱e̱t ci orong kar keelai, eelta nogo kiwagon ming eelannu ol gwo̱o̱ya̱ ko̱. Imma zin ngati anyakku ngo̱li̱ne̱t zi̱nze̱tti̱nne̱ cuggo̱k, i̱ti̱ri̱zze̱t ol wak orongi. Abarik zin amartoi rok ru̱u̱ma̱ni̱ wak ol wak ogon kaal cik gerzek ko̱.

O̱no̱zzo̱k 20:15

Ming iróng zara cik e̱e̱t imma e̱he̱rye̱ buwe ci rugeto, u̱ju̱ko̱zi̱k enne kuk gwo̱o̱ye̱ ci apadpadi oroot ke̱.