2 Ko̱ri̱nto̱ 4:5 - Tennet

⁵ Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

2 Ko̱ri̱nto̱ 4:5 ပူးပေါင်းရင်းမြစ်များ

Ma̱te̱yo̱ 23:8

“Abarik ma anyikku e̱e̱t imma kutuwung kize ne, ‘De̱me̱zo̱i̱t’ eci niga anyakku Manyi co̱de̱ ṯok, e̱e̱ggi̱nnu̱ niga do̱o̱k gotonet ki ngonogget.

Ma̱te̱yo̱ 3:11

“Ka̱gga̱me̱kku̱ng anna i̱ge̱t ba̱ti̱ti̱mo̱ maame kar kize gool ci urtannu niga do̱o̱k mu̱nye̱n cuggo̱k. Ma̱i̱je̱ vu̱rrte̱ cinanni a̱kku̱ atin e̱e̱ti̱ ci ommogja annit oroot, iróng wo̱ye̱ anna ke̱e̱ni̱ du̱ca̱i̱t cinne ci kuuli kodong caava ciginnek. Okko atin enne a̱gga̱me̱k ol ba̱ti̱ti̱mo̱ Vongize ci A̱li̱le̱ ki gwo̱o̱.

Kaviyak wak Abunna Ta̱mu̱ta̱dde̱no̱ eher Joni 7:18

Imma e̱e̱ti̱ ci ozoz zoz o̱o̱we̱ cinne do̱, orong ki̱di̱ngdi̱nga̱ni̱t ol nonno, abarik e̱e̱ti̱ wa ozoz zoz ci e̱e̱t wa i̱tto̱na̱na̱ ko̱, a̱di̱ngdi̱nga̱n nonno, een e̱e̱t ci ozoz zoz ci een de̱de̱, iróng enne anyak volong.

Buk wa To̱ni̱a̱u̱ 10:36

A̱gga̱yyu̱ niga zoz ci i̱tto̱na̱k Ta̱mu̱ta̱dde̱n olli Israilo, a̱du̱wa̱k kaviyak cik abunna anyaha gano, ngati Ye̱su̱ Ki̱ri̱sto̱, wa een Manyi ci ollu do̱o̱k.

Buk wa To̱ni̱a̱u̱ 2:36

“Abunna zin niga olli Israilo ming a̱gga̱yyu̱ zoz necu ju̱rru̱m do̱o̱k. Idiman Ta̱mu̱ta̱dde̱n Ye̱su̱ bali ododoyu niga keete ci een ta̱la̱ke̱c ke̱, kize Manyi ki Ki̱ri̱sto̱.”

Buk wa To̱ni̱a̱u̱ 5:31

Odong zin Ta̱mu̱ta̱dde̱n nonno kar kuk karik ka̱vvu̱ a̱tte̱ cinne a̱zzo̱ kize Alaan ki Ti̱ri̱zo̱i̱t, kar wo̱ye̱ enne kaanyik olli Israilo ko̱bo̱dda̱i̱ zi̱nze̱tti̱ ba̱ci̱no̱we̱ kar kalalek nogo.

1 Ko̱ri̱nto̱ 1:23

abarik kuwaheka naga ol kaviyak cik ododine Ki̱ri̱sto̱ ta̱la̱ke̱ca̱: Een necu gi̱i̱ ci alam olli Ya̱u̱do̱, okko ngati olli Gi̱ri̱yo̱, een tarbalzet.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 12:3

Korongi zin ku̱du̱wa̱u̱ng, i̱llo̱i̱ e̱e̱t imma ci ozoz Vongize ci Ta̱mu̱ta̱dde̱no̱ azi ne, “Anyik Ye̱su̱ kotore,” i̱llo̱i̱ zin e̱e̱t imma ci azi ne, “Een Ye̱su̱ Manyi,” Vongiz ci A̱li̱le̱ do̱ niko ci ozoz niko.

1 Ko̱ri̱nto̱ 15:47

Eenyca Ta̱mu̱ta̱dde̱n Adam, e̱e̱t wa een oo todowai, okko e̱e̱ti̱ ci vu̱rrto̱ een Ye̱su̱, a̱kku̱ ta̱mu̱-kenga.

1 Ko̱ri̱nto̱ 2:2

De̱de̱, baling ngen kaavtte ki i̱ge̱ta̱, kozozi zoz ci obod ki Ye̱su̱ Ki̱ri̱sto̱ do̱ niko, zoz ci ododike ol nonno ta̱la̱ke̱c.

1 Ko̱ri̱nto̱ 4:15

Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

1 Ko̱ri̱nto̱ 8:6

ka̱gga̱ naga anyak Ta̱mu̱ta̱dde̱n wa een Be̱e̱ti̱nna̱ o̱de̱ ṯok niko. A̱vvu̱ kaala do̱o̱k ngatinne, kabak naga do̱o̱k zo̱ze̱ cinne; anyak Manyi Ye̱su̱ Ki̱ri̱sto̱ co̱de̱ ṯok niko, a̱vvu̱ kaala do̱o̱k ki ruget ci kabahe naga ko̱ do̱o̱k zo̱ze̱ cinne.

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

2 Ko̱ri̱nto̱ 1:24

Iróng naga ke̱e̱ggi̱nna̱ ol cik kodongnyya e̱le̱tti̱ kar ki̱ye̱ltte̱u̱ng zoz ci a̱tu̱yyu̱ Ta̱mu̱ta̱dde̱n. Ka̱li̱ngli̱ng naga do̱o̱k nga̱to̱de̱ abunna ming atalninnu, eci anyakku tu̱we̱ne̱t ci okkomi.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Vilipia 1:15

Een de̱de̱ anyak ol cik uwak zoz ci Ki̱ri̱sto̱ go̱o̱le̱ ci anyahe nege meder ki jooret, ma̱i̱je̱ ol uggak uwak zi̱nze̱tti̱nne̱ cik voorik.

Vilipia 2:11

kar ol do̱o̱k u̱tu̱ge̱tti̱ne̱ cigge̱k kizeto ne, een Ye̱su̱ Ki̱ri̱sto̱ Manyi, imma zin zo̱ze̱ necu a̱di̱ngdi̱nga̱n nege Ta̱mu̱ta̱dde̱n Baba.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

Ti̱to̱ 1:11

Ma anyike nyakanganet cik volongak ko̱ ke̱de̱me̱zi̱t ol cik Ta̱mu̱ta̱dde̱no̱, eci de̱mzi̱nte̱ neci egerzanit ol cik meelek oroot, iróng ngen elemi zoz ci een de̱de̱. Orong demezyaha cik ogon niko o̱ro̱bi̱ya̱ cik ollu.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.