2 Ko̱ri̱nto̱ 4:17 - Tennet

¹⁷ Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

2 Ko̱ri̱nto̱ 4:17 ပူးပေါင်းရင်းမြစ်များ

Kananet 15:1

Imma bali vu̱rrta̱, i̱ki̱ya̱k zoz ci Manyi Aburam o̱no̱zo̱we̱: “Ma o̱ngo̱o̱le̱ zoz imma Aburam. Ke̱e̱ni̱ anna i̱li̱b cunne, kazunni atin anna i̱nne̱t oroot.”

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Lu̱ka̱ 6:23

“Abunna ming atalninnu niga i̱i̱te̱ne̱ neci kar ingozit talninta, eci a̱ddi̱ki̱re̱ muci cunno̱ng ta̱mu̱-kenga. Eci bali be̱e̱ti̱gge̱k ogon a̱ri̱tto̱k niko bu̱k.

Buk wa To̱ni̱a̱u̱ 20:23

Ka̱gga̱ anna eci a̱du̱wa̱ka̱ Vongizi ci A̱li̱le̱ o̱no̱zo̱we̱ o̱ro̱gjo̱we̱ cik kokkoye, azi ne, okko atin gi̱de̱ne̱t ki piryanzet i̱i̱na̱ka̱ annit lagama.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 8:18

Idica pirnanet ci kamuda naga lo̱o̱ta̱ ngatu ko̱, ming katubuz ki bunnat ci kovvo atin kamuda i̱i̱te̱n neci.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

Roma 8:37

Ming kabak naga no̱ngi̱tto̱ne̱ nu̱nu̱n, kommog naga kaal do̱o̱k doize ci Ki̱ri̱sto̱ wa irezet ko̱.

1 Ko̱ri̱nto̱ 2:9

Ki i̱yo̱ko̱ ming e̱he̱rye̱ warage wa Ta̱mu̱ta̱dde̱no̱ azi ne: “Ngen e̱be̱re̱ci̱ imma kicin, ngen itati imma kizik, ngen e̱e̱ti̱ imma ki̱no̱na̱, kaal cik idimanek Ta̱mu̱ta̱dde̱n ol wak irez nonno”

2 Ko̱ri̱nto̱ 3:18

U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

Vilipia 1:19

eci ka̱gga̱ anna lawinte ci alawekkang niga annita Ta̱mu̱ta̱dde̱n, ki bo̱do̱k eelannet ci aanyet Vongizi ci Ye̱su̱ Ki̱ri̱sto̱, ovvo kaala ne̱k gerzek i̱nna̱ka̱ annita ko̱ ukce atin kizeto kaal cik a̱ti̱ri̱za̱n.

2 Te̱se̱lo̱ni̱ka̱ 1:4

Eci gon kinnatung ol wak a̱tu̱we̱ ce̱e̱zi̱nne̱ cik alawe ol Ta̱mu̱ta̱dde̱n lo̱o̱co̱we̱ do̱o̱k. Ka̱du̱wa̱kka̱ nogo zoz ci animnyu no̱ngi̱tto̱n zo̱ze̱ ci akannung ol go̱o̱le̱ ci obod ki zoz ci Ta̱mu̱ta̱dde̱no̱, ki bo̱do̱k tu̱we̱ne̱t ci a̱tu̱yyu̱ Ta̱mu̱ta̱dde̱n ming nu̱nu̱n a̱gi̱ddu̱ng ol.

2 Te̱se̱lo̱ni̱ka̱ 1:6

Eci gon Ta̱mu̱ta̱dde̱n ettede lo̱ki̱ko̱ ju̱rru̱m, okko atin ettedik ol balik a̱gi̱ddu̱ng ko̱ gerzet.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.