2 Ko̱ri̱nto̱ 4:16 - Tennet

¹⁶ I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱.

2 Ko̱ri̱nto̱ 4:16 ပူးပေါင်းရင်းမြစ်များ

Lu̱ka̱ 11:3

Inyet agit da̱i̱ne̱t odohize.

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

1 Ko̱ri̱nto̱ 15:58

Gotonogga ki ngonogga tu̱we̱nta̱, ibilet ju̱rru̱m ci iróng gi̱i̱ imma omonung tu̱we̱nta̱. Abunna ming anyikku e̱le̱tti̱ cuggo̱k li̱ngli̱ngo̱n ci Manyi, eci li̱ngli̱ngo̱ni̱ cunno̱ng ngati Manyi iróng e̱de̱nye̱.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 4:1

I̱yo̱ko̱ zin eci Ta̱mu̱ta̱dde̱n edete kar kaanya gool ci kedemzike ol kaviyak cik abunna, ngen i̱i̱te̱n imma kutubur nong kar kibiliz de̱mzi̱ne̱t ol.

Evesos 3:16

Ka̱jji̱nni̱ Ta̱mu̱ta̱dde̱n kar ka̱a̱nyu̱ng doiz vongize cinne kar okkomit zi̱nze̱tti̱ cuggo̱k, eci anyak doiz do̱o̱k enne.

Evesos 4:23

Anyik Vongiz kutuhu gool ci i̱no̱nnu̱ niga kaal cik abunna,

Kolosiya 3:10

Anyaktu zin i̱yo̱ko̱ niga baiz ci een jor, kar Manyi ka̱a̱nyu̱ng baiz ci abunna kar a̱gga̱c nonno ju̱rru̱m, kar bo̱do̱k ubunntta ki i̱yo̱ko̱ enne ko̱.

Ti̱to̱ 3:5

I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.

1 Peturu 3:4

Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.

1 Peturu 4:14

Abunna ming odomnyung ol zo̱ze̱ ci annuyu Ki̱ri̱sto̱ a̱tu̱yyu̱ nonno ko̱. A̱ma̱yu̱kte̱u̱ niga eci de̱ti̱ne̱t ki Vongiz ci Ta̱mu̱ta̱dde̱no̱ a̱vvu̱ ngatinno̱ng.