2 Ko̱ri̱nto̱ 3:7 - Tennet

⁷ Imma zo̱ze̱ bali reeni ke̱ ci anyaha daiz, e̱he̱rye̱ lo̱ti̱nno̱wa̱ balik Musesi ke̱ biyene cik zabalik, a̱di̱ngdi̱nga̱n ol lo̱ti̱nno̱k ne̱ke̱ oroot. Bak kacin ngu̱m ci Musesi atarane kataltal ci iróng olli Israilo acin nonno. Kar bo̱do̱k do̱yo̱i̱t niko, iróng ngu̱m cinne ngen atarane bo̱do̱k. Imma lo̱ti̱nno̱wa̱ ne̱ke̱ vu̱rrta̱ anyakttak ol daiz.

2 Ko̱ri̱nto̱ 3:7 ပူးပေါင်းရင်းမြစ်များ

Kananet 3:21

Idimanek zin Manyi Ta̱mu̱ta̱dde̱n Adam ki ngaa cinne kaal cik a̱bu̱nge̱ nege e̱le̱tti̱ ceremwane cik e̱le̱gje̱nnu̱.

Buk wa To̱ni̱a̱u̱ 6:15

Egelemit zin ol balik aavtte lo̱ki̱ka̱ ke̱ do̱o̱k Stephen oroot, kar kicinnet ngu̱m cinne ming ogon kiwagon ngu̱m ci anjilo.

Roma 10:4

Aṯurneke lo̱ti̱nno̱wa̱ baling i̱ki̱ya̱ Ki̱ri̱sto̱, kar ol do̱o̱k kurubta bunnat ci Ta̱mu̱ta̱dde̱no̱ eleme enne ol cik a̱tu̱we̱.

Roma 4:15

Ming iróng e̱e̱ti̱ azunne lo̱ti̱nno̱k, aanyik Ta̱mu̱ta̱dde̱n komoze; gool co̱de̱ ci iróng anyike Ta̱mu̱ta̱dde̱n komoze, abunna ming iróng kanyak lo̱ti̱nno̱k.

Roma 5:20

Aanyik Ta̱mu̱ta̱dde̱n Muses lo̱ti̱nno̱k, kar ki̱ye̱la̱ ba̱ci̱nno̱k cik ollu meelek, ming ovvo ba̱ci̱no̱wa̱ e̱e̱ggi̱n meele giir, okko zin deteni ci Ta̱mu̱ta̱dde̱no̱ okkomi kak, i̱ye̱la̱ bunnat cinne.

Roma 7:10

Baling kokko kacinni niko, abarik lo̱ti̱nno̱wa̱ wak balik abunna weda kamudane ruget ke̱, anyaktta daiz.

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

Roma 7:5

Baling ngen ku̱tu̱we̱t zoz ci Ta̱mu̱ta̱dde̱no̱, kogon naga mu̱nye̱n cik irez e̱le̱tti̱ cigga̱c do̱ niko, mu̱nye̱n cik i̱ye̱la̱ lo̱ti̱nno̱wa̱ cik Ta̱mu̱ta̱dde̱no̱, anyahakket atin daiz.

1 Ko̱ri̱nto̱ 13:10

Imma ming okko zoz ci caale a̱kku̱, okko atin i̱ye̱la̱i̱, kar zoz ci iróng naga ka̱gga̱ ko̱, okko atin a̱zze̱ ne dakdak.

2 Ko̱ri̱nto̱ 3:3

Ogonnu niga e̱le̱tti̱ne̱ ki waraga ci eher Ki̱ri̱sto̱, agit cik kanyik waraga necu ol. Eher enne waraga necu go̱o̱le̱ ci kedemeza nogo. Iróng zin e̱he̱rye̱ waraga, e̱he̱rye̱ Vongize ci Ta̱mu̱ta̱dde̱n wa abak udut, iróng eheronik bee ci zabali, abarik eheronik zi̱nze̱tti̱ cik ol cik diirik.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 3:8

Anyak zoz ci lo̱ti̱nno̱k cik Musesi gool ci u̱tu̱ri̱, imma lo̱ti̱nno̱wa̱ cik een jor anyaha Vongizi ci A̱li̱le̱ ko̱, okkomi kommog lo̱ti̱nno̱k balik reentik ke̱.

Ga̱la̱ti̱a̱ 3:10

Ma̱i̱je̱ ol wak orong kar kubunnta ngu̱me̱ ci Ta̱mu̱ta̱dde̱no̱ ngati azunne lo̱ti̱nno̱k wak Ya̱u̱do̱, otorte nege baize cinne̱ng. E̱he̱rye̱ zin bo̱do̱k lo̱ti̱nno̱we̱, azi ne, “Ming iróng e̱e̱ti̱ azunne lo̱ti̱nno̱k wak eher Musesi ko̱ do̱o̱k, otor atin Ta̱mu̱ta̱dde̱n nonno.”

Ga̱la̱ti̱a̱ 3:21

Iróng lo̱ti̱nno̱wa̱ balik anyike Ta̱mu̱ta̱dde̱n Muses ke̱ ongorko ki zoz ci u̱du̱wa̱k enne ba̱li̱ye̱ Aburaham ke̱. Ming aanyyet lo̱ti̱nno̱wa̱ baiz ci aave udut, kamuda bunnat ngu̱me̱ ci Ta̱mu̱ta̱dde̱no̱ ngati kazunne lo̱ti̱nno̱k.

I̱bu̱ru̱ 12:18

Ngen niga u̱zu̱cca̱ bee bali alanyce gwa̱a̱ biye ci een zara Sinai anyak mu̱hu̱ri̱te̱n, mu̱hu̱ri̱te̱n ci adite looci ne pit ki lamalam i̱i̱te̱n bali aavtte olli Ya̱u̱do̱ balala ke̱.

I̱bu̱ru̱ 3:3

Anyike Ta̱mu̱ta̱dde̱n Ye̱su̱ kommog Muses, ogon ki i̱yo̱ko̱, ming ommog e̱e̱ti̱ ci eenyet ce̱e̱z, ce̱e̱z ele, kar kirezit ol nonno kommog ce̱e̱z neci.

I̱bu̱ru̱ 9:4

Anyak ngineci kaal ciko, i̱te̱le̱ ci abburutane olli wawaco lotagong ci adimanai zu̱rte̱nte̱ ci een dhahab, ki bo̱do̱k ce̱e̱ndu̱k ci olom bali reeni u̱du̱wa̱ Manyi adimanai zu̱rte̱nte̱ ci een dhahab, anyak ce̱e̱ndu̱we̱ neci í̱jjó̱ ci anyak da̱i̱ne̱t cik een maana balik a̱ju̱ka̱k Manyi olli Musesi balala ke̱, ki cool ci Aaroni alize ba̱a̱li̱n co̱de̱ kanyak o̱ya̱u̱, ki biyen rama cik zabalik eheronik lo̱ti̱nno̱wa̱ balik aanyik Ta̱mu̱ta̱dde̱n Muses een omoto ke̱, e̱e̱ggi̱n ne̱ko̱ olom bali reeni u̱du̱wa̱ Manyi.