2 Ko̱ri̱nto̱ 3:2 - Tennet

² E̱e̱ggi̱nnu̱ niga e̱le̱tti̱ne̱ ol cik ibbacu zoz cinna̱ng, e̱he̱rye̱ zoz cinna̱ng zi̱nze̱tti̱nne̱ cuggo̱k, a̱gga̱ ol kar bo̱do̱k kikebit do̱o̱k.

2 Ko̱ri̱nto̱ 3:2 ပူးပေါင်းရင်းမြစ်များ

Roma 1:8

Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

2 Ko̱ri̱nto̱ 11:11

Kogonni niko ko̱, eci kirezzung, iróng ka̱gga̱ma̱nnu̱ng o̱ro̱bi̱ya̱ cik kuwahekkung zoz ci Ta̱mu̱ta̱dde̱no̱. A̱gga̱ Ta̱mu̱ta̱dde̱n kirezzung anna i̱ge̱ta̱ oroot.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 3:1

Iróng naga kuwahekka ol zoz ci Ta̱mu̱ta̱dde̱no̱ ngati kodongnyya e̱le̱tti̱. Iróng korongnya ol u̱gge̱ icima i̱ge̱t ikebit bunnat ci li̱ngli̱ngo̱n cinna̱ng.

2 Ko̱ri̱nto̱ 7:3

Iróng ka̱du̱wa̱ zoz necu kar kapahekung zoz ci gerze. Abarik ki baling ku̱du̱wa̱ arrak oowa ke̱, ki̱no̱nnu̱ng odohize ngati ka̱da̱kne̱ icima karugne nga̱to̱de̱.

Vilipia 1:7

Aavtiyyu niga odohize zinine cinanni, kirezung anna i̱ge̱t oroot, abunna zin ming kabai anna go̱o̱le̱ necu ngatinno̱ng. Ming kaave ngati kapirnane lagama ko̱ icima kuwahek ol kaviyak cik abunna, eeltau niga do̱o̱k li̱ngli̱ngo̱n ci kozol naga ki i̱ge̱t deten ci Ta̱mu̱ta̱dde̱no̱ ki annit bu̱k.

1 Te̱se̱lo̱ni̱ka̱ 1:8

Eci a̱tu̱we̱nu̱ niga zo̱ze̱ ci Manyi Ye̱su̱, iróng zin zoz neci atakuza lo̱o̱c ci Macedonia ki ci Achaia do̱, abarik edera lo̱o̱c do̱o̱k zo̱ze̱ ci a̱tu̱yyu̱ niga zoz ci Ta̱mu̱ta̱dde̱no̱, ki̱zzi̱ rok zoz imma ci ka̱du̱wa̱kka̱ nogo.