2 Ko̱ri̱nto̱ 3:18 - Tennet

¹⁸ U̱tu̱gu̱ ki ci aara Ta̱mu̱ta̱dde̱n gi̱i̱ ci a̱bu̱ng zi̱nze̱tti̱ cigga̱c, alam zoz ci Ta̱mu̱ta̱dde̱no̱ ko̱. I̱ye̱lta̱ zi̱nze̱tti̱ cigga̱c di̱ngdi̱ngo̱n ki vooriten ci Manyi, utuhuwet agit zin Vongizi neci ku̱tu̱gu̱zzo̱ ki Manyi.

2 Ko̱ri̱nto̱ 3:18 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 1:14

I̱ki̱ya̱ Zoz neci ize e̱e̱t ci diiri kar zin kabak orgene cinna, anyak deten ki zoz ci een de̱de̱. Kicinnet naga komiz cinne, komiz ci anyak enne do̱ Ngerrti Ta̱mu̱ta̱dde̱no̱ wa o̱de̱ ṯok wa a̱kku̱ ngati Baatinne.

Kaviyak wak Abunna Ta̱mu̱ta̱dde̱no̱ eher Joni 12:41

U̱du̱wa̱ a̱ri̱to̱i̱ti̱ ci een Isaya zoz necu, eci enne icin Ye̱su̱ ming a̱bu̱le̱ zara, kar zin kozoz zoz ci obod ki nonno ko̱.

Kaviyak wak Abunna Ta̱mu̱ta̱dde̱no̱ eher Joni 17:22

Kanyiya anna nogo ki̱di̱ngdi̱nga̱ni̱t ol ki bali aanya i̱nna̱ ke̱, kar nege kizeto ol co̱de̱ ki i̱yo̱ko̱ ming ko̱do̱ye̱ naga ko̱.

Kaviyak wak Abunna Ta̱mu̱ta̱dde̱no̱ eher Joni 17:24

“Baba, korongi ol ne̱k aanya ko̱ koot ka̱vvu̱to̱ nginati kokko kaave anna ke̱, kar kicinnet bu̱le̱ne̱t cinanni bali aanya i̱nna̱ ke̱ ma̱rri̱t ireza i̱nna̱ annit baling ngen keteehenyai looci.”

Roma 12:2

Ma abakku baiz ci abahe ol cik lo̱o̱tu̱ ko̱, abarik aanycik Ta̱mu̱ta̱dde̱n kutuhu zi̱nze̱tti̱ ciggo̱k ki gool ci i̱no̱nnu̱ niga, kar izet ol cik ogon kaal cik abunna irez enne.

Roma 13:14

Abarik abunna ming arikku baiz ci Manyi Ye̱su̱ Ki̱ri̱sto̱ zi̱nze̱tti̱ cuggo̱k, kar abait baiz ci abunna, ma i̱no̱nnu̱ kaal cik lo̱o̱tu̱ gerzek orong e̱le̱tti̱ cuggo̱k wak anyaha mu̱nye̱n.

Roma 8:29

a̱gga̱ enne odohize ol wak engera enne. Kar kaanyik ku̱tu̱gu̱zzo̱ ki dooli ciginnek, u̱tu̱gu̱zzo̱ ki Ngerinne Ye̱su̱, kar Ye̱su̱ kize a̱bu̱ cinne̱ng orgene ci dooli cik meelek.

Roma 8:4

Ogon Ta̱mu̱ta̱dde̱n zoz neci niko kar naga ku̱tu̱gu̱z kaal cik abunna a̱du̱wa̱ lo̱ti̱nno̱wa̱ do̱o̱k, abunna naga ko̱ngo̱o̱le̱ Vongiz ci Ta̱mu̱ta̱dde̱no̱, iróng kanu kaal cik gerzek irez zi̱nze̱tti̱ cigga̱c.

Roma 8:7

Okko e̱e̱ti̱ ci i̱no̱n kaal cik gerzek amin zinin cinne ko̱, ooro enne ki Ta̱mu̱ta̱dde̱n, eci iróng enne o̱ngo̱o̱le̱ lo̱ti̱nno̱k ciginnek, iróng o̱ngo̱o̱le̱ i̱yo̱ko̱ niko, icima iróng bo̱do̱k enne o̱ngo̱o̱le̱ atin udut.

1 Ko̱ri̱nto̱ 13:12

I̱yo̱ko̱ kacinna naga de̱de̱ Ta̱mu̱ta̱dde̱n ogon ki ri̱ri̱to̱ni̱ ci di̱i̱zo̱ ming kacin miraya. Imma vu̱rrta̱ kacin atin nonno eberene. Iróng naga ka̱gga̱ kaal do̱o̱k, kovvo atin naga ka̱gga̱, ki i̱yo̱ko̱ Ta̱mu̱ta̱dde̱n ming a̱gga̱yye̱t agit do̱o̱k ko̱.

1 Ko̱ri̱nto̱ 15:49

Ki i̱yo̱ko̱ zin ming ka̱du̱wo̱ naga ki e̱e̱t bali eenyca Ta̱mu̱ta̱dde̱n todowai ke̱, kovvo atin naga bo̱do̱k ka̱du̱wo̱ ki e̱e̱t bali a̱kku̱ ta̱mu̱-kenga ke̱.

2 Ko̱ri̱nto̱ 3:17

I̱yo̱ko̱ zin, een Manyi Vongiz, ma zin ngati aave Vongizi ci Manyi, kabak yahe.

2 Ko̱ri̱nto̱ 4:4

Okko lo̱rye̱nti̱ wa een manyi lo̱o̱c cu, eceba o̱o̱tti̱ cik ol wak iróng a̱tu̱we̱. Alam nogo gerza ming iróng a̱gga̱ vooriten ci kaviyak cik abunna ka̱di̱ngdi̱nga̱ne̱ naga Ki̱ri̱sto̱ ko̱. Ogon Ki̱ri̱sto̱ ki Ta̱mu̱ta̱dde̱n kaale do̱o̱k.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

2 Ko̱ri̱nto̱ 5:17

Uhu de̱de̱ Ta̱mu̱ta̱dde̱n baiz ci ol wak a̱tu̱ Ki̱ri̱sto̱ ka̱vvu̱to̱ do̱. Utungtek baiz ci reeni ogone kaal cik lo̱o̱tu̱ gerzek ke̱ lo̱o̱c, u̱tu̱gu̱zzo̱ kaal cik een jor baize cinne̱ng.

Ga̱la̱ti̱a̱ 6:15

Icu zoz imma, ming etted e̱e̱ti̱ wucic vi̱ca̱vi̱ca̱ icima iróng ettedi, iróng ogon gi̱i̱ imma. Abarik zoz ci riili do̱o̱k icu, abunna ming anyak e̱e̱ti̱ baiz ci cuulai.

Kolosiya 3:10

Anyaktu zin i̱yo̱ko̱ niga baiz ci een jor, kar Manyi ka̱a̱nyu̱ng baiz ci abunna kar a̱gga̱c nonno ju̱rru̱m, kar bo̱do̱k ubunntta ki i̱yo̱ko̱ enne ko̱.

1 Ti̱mo̱te̱yo̱ 1:11

orkor ki kaviyak cik abunna Ta̱mu̱ta̱dde̱no̱ manyi ma̱yu̱we̱ne̱t balik i̱lo̱ti̱ka̱ enne annit ke̱.

Ti̱to̱ 3:5

I̱ti̱ri̱zze̱t enne agita zo̱ze̱ ci bunnat cinne, iróng een kaale cik abunna ku̱tu̱gu̱zzo̱ naga. Utunya Ta̱mu̱ta̱dde̱n mu̱nye̱n cigga̱c komize ci Vongiz ci A̱li̱le̱. Aanyet enne agit kurubta ti̱ra̱ne̱t ci een jor ki baiz ci ngen akane jor.

Je̱mi̱s 1:23

Imma e̱e̱ti̱ ci aziye zoz ci Ta̱mu̱ta̱dde̱no̱ iine do̱, imma ngatu iróng a̱li̱ngli̱nge̱ zoz neci; ogon enne kiwagon e̱e̱ti̱ ci acin ele cinne miraya.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.