2 Ko̱ri̱nto̱ 3:14 - Tennet

¹⁴ Abarik zin i̱di̱tte̱ nogo iina, ki bali ming a̱bu̱ng Musesi ngu̱m ke̱, eci iróng orong kicinnet olli Israilo nonno. Ngen zin nege abahe olom bali reeni ke̱. Amadane zin atin lo̱ti̱nno̱wa̱ ne̱ke̱ zi̱nze̱tti̱nne̱ cigge̱k do̱o̱k ming i̱vi̱ta̱ nege elemtta Ki̱ri̱sto̱.

2 Ko̱ri̱nto̱ 3:14 ပူးပေါင်းရင်းမြစ်များ

Ma̱te̱yo̱ 13:11

O̱bo̱de̱k zin Ye̱su̱ nogo, “Anyoziung i̱ge̱t genyizi ci a̱lu̱gnye̱ ba̱a̱li̱nte̱ ci ta̱mu̱-kengo, iróng anyonik nogo.

Ma̱te̱yo̱ 16:17

O̱bo̱de̱k zin Ye̱su̱, a̱nne̱k ne, “A̱mu̱yu̱i̱ Ta̱mu̱ta̱dde̱n i̱nne̱ta̱ Si̱mo̱ne̱ ngerrti Jonah, eci iróng een e̱e̱t ci diiri ci a̱du̱wa̱ki̱ zoz neci, Baba ta̱mu̱-kenga ci i̱ye̱le̱i̱ i̱nne̱t zoz necu do̱o̱k.

Ma̱te̱yo̱ 6:23

Abarik ming iróng e̱be̱re̱ci̱ cunne abunna, aave ele cunne do̱o̱k mu̱hu̱ra̱. Ming aave ele cunne mu̱hu̱ra̱, een ucca mu̱hu̱re̱te̱ni̱ neci ki nya!

Kaviyak wak Abunna Ta̱mu̱ta̱dde̱no̱ eher Joni 12:40

“Utuz Ta̱mu̱ta̱dde̱n ebere cigge̱k, kar bo̱do̱k kidit zi̱nze̱tti̱ cigge̱k, iróng nege ngen acine icima i̱i̱zo̱ zoz neci zi̱nze̱tti̱ cigge̱k, iróng bo̱do̱k obodak Ta̱mu̱ta̱dde̱n kar wo̱ye̱ atin anna kangaru nogo.”

Kaviyak wak Abunna Ta̱mu̱ta̱dde̱no̱ eher Joni 12:46

Ka̱kku̱na̱k anna lo̱o̱c kize tukulec ci lo̱o̱tu̱, kar e̱e̱ti̱ ci a̱tu̱ya̱ annita iróng atin owo ngati mu̱hu̱ri̱.

Kaviyak wak Abunna Ta̱mu̱ta̱dde̱no̱ eher Joni 8:12

Ozozik bo̱do̱k Ye̱su̱ nogo, a̱nne̱k ne, “Ke̱e̱ni̱ anna tukulec ci lo̱o̱tu̱. Imma ming annuya e̱e̱ti̱ iróng atin owo ngati mu̱hu̱ri̱, abarik atin enne anyak tukulec ci rugeto.”

Buk wa To̱ni̱a̱u̱ 13:15

Baling e̱de̱cca̱ nege ke̱bi̱ne̱t lo̱ti̱nno̱k cik Musesi ki a̱ri̱tto̱k, kar zin ol wak abal Ce̱e̱z wa Lawinto ko̱ ku̱du̱kta̱k nogo zoz ci azi ne, “Gotonogget, ming anyakku ti̱lo̱wi̱ne̱t ci i̱lo̱ttu̱ ol, i̱vi̱ta̱ ozozit labak.”

Buk wa To̱ni̱a̱u̱ 15:21

Eci lo̱ti̱nno̱wa̱ cik Musesi uwakte ba̱li̱ye̱ e̱rki̱nya̱ cik meelek o̱ro̱gjo̱we̱ do̱o̱k, ngen zin ol rok i̱yo̱ko̱ ikeb Ce̱e̱zi̱nne̱ wak Lawinto, I̱i̱te̱ne̱ wa Yu̱bze̱nto̱ odohize dee.”

Buk wa To̱ni̱a̱u̱ 16:14

Ngaane ne̱k azikne ke̱, een imma zara Lydia ci orog ci een Thyatira, utene da̱ gon ru̱u̱ma̱ni̱ cik een lo̱ddi̱ng adak o̱ro̱bi̱ya̱ cik meelek. Een da̱ gon enne ngaa ci ala Ta̱mu̱ta̱dde̱n, oo Manyi zinin cinne abunna aziye zoz ci a̱du̱wa̱ Pa̱u̱lo̱.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

Roma 11:25

Gotonogga ki ngonogga wak tu̱we̱nta̱ iróng een Ya̱u̱d, korongnyung a̱gga̱c zoz ci riili oroot icu a̱kku̱ Ta̱mu̱ta̱dde̱na̱, kar abunna iróng odongnyu e̱le̱tti̱. Iróng atin olli Israilo abure zoz ci Ta̱mu̱ta̱dde̱no̱ udut. Aanyik arrak Ta̱mu̱ta̱dde̱n u̱gge̱ ngatinne̱ng kutuburret zoz cinne zee kar ol cik iróng een Ya̱u̱d ki̱vi̱ta̱k nonno.

2 Ko̱ri̱nto̱ 3:15

Ma bali e̱rki̱nya̱ ne̱ke̱ rok i̱yo̱ko̱, ming ikeb olli Israilo lo̱ti̱nno̱k balik eher Musesi ke̱, ogon ki ci a̱bu̱ng gi̱i̱ imma zi̱nze̱tti̱ cigge̱k.

2 Ko̱ri̱nto̱ 3:6

Aanyyet enne kizet ol cik ka̱li̱ngli̱ng olom ci een jor Ta̱mu̱ta̱dde̱no̱, iróng een lo̱ti̱nno̱k balik e̱he̱rye̱ ke̱. Imma kaale do̱o̱k, aanyyet lo̱ti̱nno̱wa̱ ne̱ke̱ daiz, okko Vongizi ci a̱li̱le̱ aanyyet ruget.

2 Ko̱ri̱nto̱ 4:6

Azi zoz ci Ta̱mu̱ta̱dde̱no̱ ne, “Anyik koor kataran nginti mu̱hu̱ri̱.” Ta̱mu̱ta̱dde̱n ci adiman zoz cinne obod ki Ye̱su̱, ogon ki vooriten ci alanyit zi̱nze̱tti̱nne̱ cigga̱c. U̱tu̱gu̱we̱t Ta̱mu̱ta̱dde̱n zoz necu agit do̱o̱k wak a̱tu̱ Ki̱ri̱sto̱. Ogon niko abunna a̱gga̱yyu̱ ming ovvo acinnu Ye̱su̱, i̱ye̱la̱ bunnat ci Ta̱mu̱ta̱dde̱no̱ ele.

Evesos 4:18

Iditet ba̱ci̱no̱wa̱ nogo zi̱nze̱tti̱ ki̱zzi̱ ngatinne̱ng rok gool ci a̱gga̱we̱ Ta̱mu̱ta̱dde̱n. Engertta zin nege e̱le̱tti̱ cigge̱k rugete ci aanyik Ta̱mu̱ta̱dde̱n ol ko̱, eci odoi nogo zi̱nze̱tti̱ kak, kar kutuburret zoz wa een de̱de̱.