2 Ko̱ri̱nto̱ 3:1 - Tennet

¹ Iróng naga kuwahekka ol zoz ci Ta̱mu̱ta̱dde̱no̱ ngati kodongnyya e̱le̱tti̱. Iróng korongnya ol u̱gge̱ icima i̱ge̱t ikebit bunnat ci li̱ngli̱ngo̱n cinna̱ng.

2 Ko̱ri̱nto̱ 3:1 ပူးပေါင်းရင်းမြစ်များ

Buk wa To̱ni̱a̱u̱ 18:27

Baling orong Apollos kuk Achaiakte, atalit ol wak a̱tu̱we̱ kar zin keteherit waraga ci aanyik nuyak kar abunna ivata Apollos. Ming okko Apollos arawa, ize enne ma̱yu̱we̱ne̱t ngati ol wak a̱tu̱we̱ zo̱ze̱ ci deten ci Ta̱mu̱ta̱dde̱no̱.

Roma 16:1

Ka̱du̱wa̱kku̱ng zin olli Romi warage cu zoz ci abunna obod ki ngoonet tu̱we̱nta̱ ci een zara Poibe, wa a̱li̱ngli̱ng ke̱le̱ci̱e̱ ci Cenchrea.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 16:3

Ming kuk anna kuzucaung, kokko keherik ol wak atahaltau niga ko̱ waraganya cik we̱e̱ta̱k kar ko̱o̱tte̱ muci cuggo̱k rok ol wak a̱tu̱we̱ Jerusalema.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 4:15

Ming anyakku niga nu̱nu̱n ol cik meelek Ki̱ri̱sto̱ edemezung, iróng niga anyakku be̱e̱ti̱ggo̱k i̱bbo̱nge̱t omoto, eci kiize anna be̱e̱ti̱nno̱ng zo̱ze̱ ci Ki̱ri̱sto̱ Ye̱su̱ go̱o̱le̱ ci kuwaheka ol kaviyak cik abunna Ta̱mu̱ta̱dde̱no̱.

2 Ko̱ri̱nto̱ 10:12

Imma ol ne̱k adangnya annit a̱du̱wa̱k ol u̱gge̱ azi ne kabunanna nege. Ming ommogja nege annit de̱de̱, iróng wo̱ye̱ anna kovocak nogo zoz kar kize ne katubonna ki nogo. Abarik iróng nege egenyi.

2 Ko̱ri̱nto̱ 10:18

Iróng een ol ne̱ke̱ cik odong e̱le̱tti̱ azi ne kabunanna, iróng een nogo cik elemi Manyi azi ne abunna, abarik ol cik elemi Manyi abunna, nogo do̱ niko cik abunna.

2 Ko̱ri̱nto̱ 10:8

Egerebo, kodonga i̱yo̱ko̱ gon anna ele idic komize bali aanya Manyi ke̱, abunna ming keelannung kar kidiman tu̱we̱ne̱t cunno̱ng kuk oowa, iróng kegerezani tu̱we̱ne̱t cunno̱ng, iróng zin adaka a̱li̱ya̱ni̱ ngati ka̱li̱ngli̱nge̱ komize cinanni.

2 Ko̱ri̱nto̱ 12:11

Ke̱e̱ni̱ anna tarbal ming kozozi zoz ci ele cinanni niko, abarik i̱ge̱t e̱le̱tti̱ cik aanyang kozoz niko. Ozozu weete niga e̱le̱tti̱ne̱ zoz cinanni. Kiize i̱yo̱ko̱ anna gi̱i̱tareng, iróng zin anna ke̱e̱ni̱ gerza, kize vu̱rru̱t ci to̱ni̱a̱k wak volongak, ming iróng anna ke̱e̱ni̱ e̱e̱t imma nu̱nu̱n.

2 Ko̱ri̱nto̱ 12:19

Iróng ka̱gga̱ ming ikebu waraga cu ko̱, i̱no̱nnu̱ keheri anna kaal ne̱ko̱ abunna kacazi no̱ngi̱tto̱n ngati ol wak ovolongnya annit ko̱, abaccu zin niga. Azikna Ta̱mu̱ta̱dde̱n bu̱k, kozozi niko ke̱e̱ni̱ e̱e̱t ci ka̱tu̱ Ki̱ri̱sto̱. Gonogga, abarik kogonni niko kar ubunntta niga.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 5:12

Iróng naga korongnyya kar kodongta e̱le̱tti̱ zo̱ze̱ cinna̱ng ngatinno̱ng bo̱do̱k, abarik ka̱a̱nyu̱ng gool ci kar niga odongit e̱le̱tti̱ zo̱ze̱ cinna, kar zin atin abarizek ol cik odong e̱le̱tti̱ gi̱i̱ye̱ ci acin nege eberene kommog gi̱i̱ ci aave zinina.