2 Ko̱ri̱nto̱ 13:9 - Tennet

⁹ Ming iróng naga kokkomi nu̱nu̱n, katalninna eci niga okkomnu, kalayya Ta̱mu̱ta̱dde̱n abunna ming ogonnu ju̱rru̱m kommog baiz necu.

2 Ko̱ri̱nto̱ 13:9 ပူးပေါင်းရင်းမြစ်များ

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

1 Ko̱ri̱nto̱ 2:3

Imma arrak bali oowa, ka̱kku̱na̱ku̱ng ke̱e̱ni̱ e̱e̱t ci kamuji ka̱bba̱ri̱ti̱ ko̱ngo̱o̱le̱ oroot.

1 Ko̱ri̱nto̱ 4:10

Kogon naga ki i̱yo̱ko̱ ol wak tarbalik ko̱ zo̱ze̱ ci obod ki Ki̱ri̱sto̱! Ma̱i̱je̱ niga egenyyu zo̱ze̱ ci Ki̱ri̱sto̱. Kamujna naga, ma̱i̱je̱ niga okkomnu kak. O̱ngo̱o̱li̱nnu̱ng ol, imma ol ibbezeta!

2 Ko̱ri̱nto̱ 11:30

Ming korongi kodong ele, kodongi atin ele kaale cik iróng anna kogonni ju̱rru̱m.

2 Ko̱ri̱nto̱ 13:11

I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

2 Ko̱ri̱nto̱ 13:4

Ming alali enne nu̱nu̱n ngati odode ol nonno ta̱la̱ke̱ca̱, itinga daiza, abak komize ci Ta̱mu̱ta̱dde̱no̱. Kalali naga ki bali Ki̱ri̱sto̱ ke̱. Abarik atin kabaito naga doize ci Ta̱mu̱ta̱dde̱no̱, ki bali Ki̱ri̱sto̱ ke̱, abunna ka̱li̱ngli̱nge̱kku̱ng.

2 Ko̱ri̱nto̱ 4:12

Ming ahacet daizi agit to̱ni̱a̱k cik Ye̱su̱ ko̱ odohize nu̱nu̱n, eci niga elemttau baiz ci Ta̱mu̱ta̱dde̱no̱ aave udut.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

1 Te̱se̱lo̱ni̱ka̱ 3:10

Kalayya gon Ta̱mu̱ta̱dde̱n tu̱p kaal zi̱nze̱tti̱nne̱ cik a̱wu̱ce̱ kar kaanyyet gool ci ki̱vo̱nnu̱ng abunna ming kedemezung ti̱lo̱wi̱nte̱ ci Ta̱mu̱ta̱dde̱no̱ ci a̱zze̱ tu̱we̱nte̱ cunno̱ng ko̱.

2 Ti̱mo̱te̱yo̱ 3:17

kar zin e̱e̱ti̱ ci a̱li̱ngli̱nge̱k Ta̱mu̱ta̱dde̱n kuruba arizet ci ogone kaal cik abunna.

I̱bu̱ru̱ 12:23

I̱tto̱zzu̱ niga nginti aavtte a̱bu̱nya̱ ke̱le̱ci̱e̱ ci Ta̱mu̱ta̱dde̱no̱, wak e̱he̱rye̱ zara cigge̱k buwe ci Ta̱mu̱ta̱dde̱no̱ ta̱mu̱-kenga. I̱vi̱ta̱u̱ niga Ta̱mu̱ta̱dde̱n ele ci okko etted lo̱ki̱ko̱ ci kaal do̱o̱k. I̱vi̱ta̱u̱ niga vongizzok cik ol cik abunna idiman Ta̱mu̱ta̱dde̱n kubunnta ta̱mu̱-kenga.

I̱bu̱ru̱ 13:21

nonno ci a̱a̱nyu̱ng kaal do̱o̱k eci niga a̱li̱ngli̱ngnyu̱ zoz cinne, kanycik bai nonno ki̱li̱ngli̱ng baize cinna kaale cik orong enne, go̱o̱le̱ ci Ye̱su̱ Ki̱ri̱sto̱, kanycik nonno ki̱di̱ngdi̱nga̱ne̱ udut. Amen.

I̱bu̱ru̱ 6:1

Abunna zin naga kovvo ki ta̱dde̱n tu̱we̱nte̱ cinna, iróng bo̱do̱k kedemez de̱mzi̱ne̱t bali o̱o̱wu̱ Ki̱ri̱sto̱ ke̱. E̱e̱ggi̱n ne̱ko̱ de̱mzi̱ne̱t cik Ye̱su̱ balik o̱o̱tti̱nu̱ ke̱: Abunna ming kungnek mu̱nye̱n lo̱o̱c cik anyaha daiz ko̱, kar ku̱tu̱we̱t Ta̱mu̱ta̱dde̱n,

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.