Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 Ko̱ri̱nto̱ 13:5 - Tennet

5 Timan ele cunne kar ruba ming anyai i̱nna̱ tu̱we̱ne̱t de̱de̱. Ming anyai i̱nna̱ tu̱we̱ne̱t neci, okko a̱gga̱ aave Ki̱ri̱sto̱ ngatinne. Ming iróng Ye̱su̱ Ki̱ri̱sto̱ abak ngatunne, u̱yu̱we̱ i̱nna̱ timaninet neci.

အခန်းကိုကြည့်ပါ။ ကော်ပီ




2 Ko̱ri̱nto̱ 13:5
50 ပူးပေါင်းရင်းမြစ်များ  

O̱bo̱de̱k Ye̱su̱ nogo a̱nne̱k ne, “Ming ireza e̱e̱ti̱ imma annita, elemi wo̱ye̱ enne de̱mzi̱ne̱t cinanni. Okko atin Baba irez nonno, kar zin naga ki̱vi̱ta̱ha̱ nonno, kar koot kidimanta ce̱e̱z wanna̱ng, kar kabakta ki e̱e̱t neci.


Ka̱vvu̱t ki annit nga̱to̱de̱ ko̱do̱ye̱ kiwagon keet ki alawo. Iróng wo̱ye̱ alawoci a̱bbi̱rna̱ o̱ya̱u̱ enne do̱ ming iróng arumze ki keet ele kodowe. Iróng wo̱ye̱ niga do̱ ogonnu gi̱i̱ imma ming iróng karumze ki annita.


Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”


Ku̱du̱wa̱ha̱ anna zar cigunnek nogo ka̱gga̱c, kemenna kanyik, ka̱du̱wa̱i̱ ka̱gga̱yi̱ kar rezinet wa ireza i̱nna̱ annit ka̱vvu̱ ngatinne̱ng bu̱k kar zin anna bu̱k ko̱do̱ye̱wa̱ ki nogo.”


Ming adak e̱e̱ti̱ ele cinanni kar bo̱do̱k kuud bi̱ye̱ cigannik, karumena ki nonno.


A̱jji̱n Ye̱su̱ ji̱ne̱ne̱t necu lurur orong kitiman Vilip, a̱gga̱ enne la̱du̱n o̱o̱we̱ cinne gi̱i̱ ci okko enne ogoni.


Imma go̱o̱le̱ ci iróng ol ne̱ke̱ orong ka̱gga̱c Ta̱mu̱ta̱dde̱n, icinnek zin enne nogo kabalit e̱le̱tti̱ cigge̱k zi̱nze̱tti̱nne̱ cik vangvangik ko̱, zoz zin ci ogon nege kaal cik gerzek ko̱ necu.


Ming abak Ki̱ri̱sto̱ zi̱nze̱tti̱nne̱ cuggo̱k, a̱da̱i̱to̱ e̱le̱tti̱ cuggo̱k do̱ zo̱ze̱ ci mu̱nye̱nu̱, ma̱i̱je̱ vongizzowa cuggo̱k aruge zo̱ze̱ ci bunnat ci Ta̱mu̱ta̱dde̱no̱.


Anyik e̱e̱t kicin kaal cik anyak enne zinina ju̱rru̱m ming ngen kadak umune icima kuud merte uduca.


Ma̱i̱je̱ ming katiman naga zi̱nze̱tti̱ cigga̱c kaale cik kogon ko̱, i̱llo̱i̱ atin lo̱ki̱ko̱ ci ettedoniketa.


A̱gga̱yyu̱ e̱e̱ggi̱nnu̱ niga e̱le̱tti̱ne̱ Ce̱e̱z wa Ta̱mu̱ta̱dde̱no̱ kar Vongizi ci Ta̱mu̱ta̱dde̱no̱ kabak ngatinno̱ng.


Iróng niga a̱gga̱yyu̱ e̱e̱ggi̱n e̱le̱tti̱ cuggo̱k cik Ki̱ri̱sto̱? Kadima anna wo̱ye̱ ele ci ize ci Ki̱ri̱sto̱ kar kurumte ki a̱li̱ya̱i̱t? Iróng een niko udut!


A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.


Iróng niga a̱gga̱yyu̱ ovvo atin ol wak a̱tu̱we̱ apahek olli lo̱o̱tu̱ do̱o̱k lo̱ki̱ko̱? Ma zin ming ovvo nege apahek olli lo̱o̱tu̱ lo̱ki̱ko̱, okkomnekung zo̱zzo̱wa̱ cikidik ngati etteddu lo̱ki̱ko̱?


A̱gga̱yyu̱ niga ming ovvo ol a̱vi̱ri̱, a̱vi̱r ol do̱o̱k, okko zin e̱e̱ti̱ co̱de̱ ijar ol do̱o̱k. Imma zin bu̱k go̱o̱le̱ necu abunna ming a̱vi̱ri̱ kar ize oo kar ruba muci.


Korongi anna kedemez ele cinanni ko̱ kokkom kak kar kuwahek ol kaviyak cik Ta̱mu̱ta̱dde̱no̱ ju̱rru̱m. Kar atin anna ki nogo bu̱k kurubta ma̱yu̱we̱ne̱t ngati Ta̱mu̱ta̱dde̱no̱.


Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”


Ogon baizi bali nanni reeni ke̱ ki ci ka̱da̱ha̱ ki bali Ye̱su̱ Ki̱ri̱sto̱ ta̱la̱ke̱ca̱. Iróng ngen kabai baiz ki bali reena, abarik Ki̱ri̱sto̱ ci abak ngatinanni. I̱yo̱ko̱ zin kabai baiz ci karike Ngerrti Ta̱mu̱ta̱dde̱no̱ zinin tu̱we̱nta̱, ci ireza annit kar kutungek lo̱o̱c baiz ci abunna ta̱mu̱-kenga kar ki̱ki̱ya̱ keelawan.


Eeh, dooli cigannik tu̱we̱nta̱, kapirna zo̱ze̱ cunno̱ng kiwagon ngaa ci anyakce a̱u̱ce̱ do̱le̱c ngati orong ukcane. Kapirna zo̱ze̱ necu zee kar zoz ci Ki̱ri̱sto̱ ka̱vvu̱ zi̱nze̱tti̱nne̱ cuggo̱k.


Abunna ming acinni li̱ngli̱ngo̱n cunne ju̱rru̱m, kar zin ruba talninet ci li̱ngli̱ngo̱n neci, ma atubuzi ele cunne ki e̱e̱t imma.


Kar zin bu̱k Ki̱ri̱sto̱ kabak zi̱nze̱tti̱nne̱ cuggo̱k zo̱ze̱ ci a̱tu̱yyu̱ niga nonno. Inimet no̱ngi̱tto̱n kar anyait rezinet cinne.


Abarik abunna ming aalnannu tu̱we̱nte̱ cunno̱ng, abilnnu ṯop, ma ungneku kaviyak cik abunna arikku niga zi̱nze̱tti̱ ko̱. E̱e̱ggi̱n ne̱ko̱ kaviyak cik abunna iziktu niga ba̱li̱ye̱, uwaktozik ol do̱o̱k lo̱o̱ta̱ ngatu. Ke̱e̱ni̱ zin anna Pa̱u̱lo̱ du̱ca̱i̱t ci ka̱li̱ngli̱ngi̱ li̱ngli̱ngo̱n ci kaviyak ne̱ke̱.


Ogon Ta̱mu̱ta̱dde̱n niko eci enne orong ki̱ye̱le̱k ol wak iróng een Ya̱u̱d zoz cinne a̱lu̱ngnye̱ ko̱, nonno ci een Ki̱ri̱sto̱ ci abak ngatinno̱ng, nonno ci karike naga zi̱nze̱tti̱ kar kurubta di̱ngdi̱ngo̱n ci Ta̱mu̱ta̱dde̱no̱.


Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.


U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.


A̱ti̱ri̱z atin Ta̱mu̱ta̱dde̱n ngaai go̱o̱le̱ ci a̱rri̱ta̱ne̱ dooli, ming emena nege tu̱we̱nta̱ ki rezinet Ta̱mu̱ta̱dde̱n kar kabaito baiz ci a̱li̱le̱.


Abure ol ne̱ko̱ zoz ci Ta̱mu̱ta̱dde̱no̱ ki bali ming abure ol cik e̱e̱ggi̱n zara Jannes ki Jambares zoz ci Musesi ke̱. A̱ma̱li̱ltte̱ o̱o̱tti̱ cigge̱k, utuburet tu̱we̱ne̱t wa een de̱de̱.


Een zin zoz necu de̱de̱, ti̱lo̱ zin abarik i̱nna̱ nogo ju̱rru̱m, kar zin kokommit tu̱we̱nte̱ cinne̱ng.


A̱du̱wa̱k nyakanganeta ne̱k volongak ol zoz ci azi ne ka̱gga̱yya̱ Ta̱mu̱ta̱dde̱n, ma̱i̱je̱ abarik abure Ta̱mu̱ta̱dde̱n go̱o̱le̱ ci abahe nege. Ogon kaal cik gerzek.


Ti̱lo̱ ol wak macik a̱ddi̱ki̱re̱ abunna ming anyak uruttok baizowe odohize, kar ol ko̱to̱ngo̱o̱ltte̱ nogo, kar kabaito baiz ci abunna. Abunna ming anyak tu̱we̱ne̱t ci okkomi, ki rezinet ol, ki niimenet no̱ngi̱tto̱n.


Abunna ming eelannu kar urubta deten ci Ta̱mu̱ta̱dde̱no̱ niga do̱o̱k. Icinnet ju̱rru̱m, gerza ming oboda e̱e̱ti̱ ki vu̱rru̱t tu̱we̱nta̱ kar kize gerza bak a̱li̱b tu̱we̱ne̱t cunno̱ng, kar ol cik meelek kutungttek tu̱we̱ne̱t lo̱o̱c.


Ngen Ta̱mu̱ta̱dde̱n odolna zo̱ze̱ ci okko atin e̱e̱ti̱ ci diiri i̱i̱zo̱ lo̱o̱c ci i̱ye̱be̱ze̱ Ta̱mu̱ta̱dde̱n, abunna kazunne zoz neci kar iróng e̱e̱ti̱ imma odotonik vu̱rru̱t.


Imma ol cik ogon ki looci ci anyak biila kar kize do̱ro̱ngo̱t, iróng a̱bbi̱re̱, otor Ta̱mu̱ta̱dde̱n lo̱o̱c neci. Imma vu̱rrta̱ atuz atin ol biila ne̱ke̱.


Niga ol cik iróng o̱ngo̱o̱le̱ Ta̱mu̱ta̱dde̱n ko̱, iróng niga a̱gga̱yyu̱ rezinet ci kaal cik lo̱o̱tu̱ ming anyaha marnonet ki Ta̱mu̱ta̱dde̱n? Ming orong e̱e̱ti̱ imma kirez kaal cik lo̱o̱tu̱, ize enne mo̱dde̱ni̱t ci Ta̱mu̱ta̱dde̱no̱.


Abunna zin niga do̱o̱k ming aburnnu kaal cik lo̱rye̱nta̱k. Okkomit tu̱we̱nta̱ kak. A̱gga̱yyu̱ ri̱t niga ol wak a̱tu̱we̱ lo̱o̱co̱we̱ do̱o̱k apirna ki i̱yo̱ko̱ niga ming apirnannu bu̱k ko̱.


I̱no̱ni̱t nginti bali aavtiyyu niga ke̱ baling ngen u̱yu̱kte̱, utungtek ba̱ci̱nno̱k lo̱o̱c kar u̱tu̱gu̱z kaal balik ogonnu niga oowa ke̱. Ming iróng niga ungneku mu̱nye̱n lo̱o̱c, kokko anna ka̱kku̱na̱ku̱ng kar kaara gi̱i̱ ci abilne tukuleci ngati aave ko̱.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ