2 Ko̱ri̱nto̱ 13:4 - Tennet

⁴ Ming alali enne nu̱nu̱n ngati odode ol nonno ta̱la̱ke̱ca̱, itinga daiza, abak komize ci Ta̱mu̱ta̱dde̱no̱. Kalali naga ki bali Ki̱ri̱sto̱ ke̱. Abarik atin kabaito naga doize ci Ta̱mu̱ta̱dde̱no̱, ki bali Ki̱ri̱sto̱ ke̱, abunna ka̱li̱ngli̱nge̱kku̱ng.

2 Ko̱ri̱nto̱ 13:4 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 10:18

I̱llo̱i̱ e̱e̱t ci okkoye ruget ngatinanni. Annit do̱ ci kanyike ele cinanni daiz. Kanyike anna ele daiz zinine cinanni. Kanyai doiz ci kanyike ele cinanni, kanyai doiz ci ka̱mi̱re̱ne̱ ele cinanni. Een zin icu zoz ci erecaneka Baba annit kar ku̱tu̱gu̱.”

Buk wa To̱ni̱a̱u̱ 2:36

“Abunna zin niga olli Israilo ming a̱gga̱yyu̱ zoz necu ju̱rru̱m do̱o̱k. Idiman Ta̱mu̱ta̱dde̱n Ye̱su̱ bali ododoyu niga keete ci een ta̱la̱ke̱c ke̱, kize Manyi ki Ki̱ri̱sto̱.”

Buk wa To̱ni̱a̱u̱ 3:16

Kar tu̱we̱nte̱ ci zar cik Ye̱su̱, okko zin e̱e̱ti̱ ci acinnu niga ko̱ kar bo̱do̱k a̱gga̱c ko̱ kubunna kokkom ele kak. Tu̱we̱ne̱t zin wa ka̱tu̱yya̱ Ye̱su̱ nenen ci aanyik e̱e̱t necu kubunna ngati acinnu niga do̱o̱k ko̱ nenen.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

Roma 14:9

Eci zin zo̱ze̱ necu, a̱da̱k Ki̱ri̱sto̱ kar kitinga daiza kurug, kar enne kize Manyi ci olli daizo ki ci olli rugeto.

Roma 6:4

Baling ka̱gga̱mi̱t naga ba̱ti̱ti̱mo̱, ka̱da̱i̱to̱ ki Ki̱ri̱sto̱ bu̱k iloma, kar atin naga bu̱k kabait baiz ci een jor, ki bali ming ingane baatinne nonno daiza komize cinne ke̱.

1 Ko̱ri̱nto̱ 1:25

Eci tarbalzet ci Ta̱mu̱ta̱dde̱no̱ ommog genyiz ci e̱e̱t ci diiri, okko zin go̱o̱le̱ ci amuje Ta̱mu̱ta̱dde̱n, ommog doiz ci e̱e̱ti̱ ci diiri.

1 Ko̱ri̱nto̱ 15:43

Ming a̱da̱i̱ e̱e̱ti̱ ci diiri, iróng ele cinne a̱zi̱ze̱ iróng bo̱do̱k okkomi. Imma ming ingazi e̱e̱ti̱ daiza, okko ele cinne a̱zi̱ze̱ kar bo̱do̱k kokkom kak.

1 Ko̱ri̱nto̱ 2:3

Imma arrak bali oowa, ka̱kku̱na̱ku̱ng ke̱e̱ni̱ e̱e̱t ci kamuji ka̱bba̱ri̱ti̱ ko̱ngo̱o̱le̱ oroot.

1 Ko̱ri̱nto̱ 6:14

Ingannet atin Ta̱mu̱ta̱dde̱n agit bu̱k do̱o̱k daiza doize cinne ki bali ming ingane enne Manyi Ye̱su̱ daiza ke̱.

2 Ko̱ri̱nto̱ 10:10

Ovvo uggak ngatinno̱ng azi ne, “Egernyeket Pa̱u̱lo̱ waraga cinne ko̱ ozoz zoz ci okkomi. Abarik ming okko enne arume ki agit ngatu, acin ol een tarbal, iróng a̱gga̱ zoz.”

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

2 Ko̱ri̱nto̱ 13:9

Ming iróng naga kokkomi nu̱nu̱n, katalninna eci niga okkomnu, kalayya Ta̱mu̱ta̱dde̱n abunna ming ogonnu ju̱rru̱m kommog baiz necu.

Vilipia 3:10

Een gi̱i̱ ci korongi anna do̱o̱k abunna ka̱gga̱ Ki̱ri̱sto̱ ki doiz ci ingane nonno daiza kurug. Korongi kozolta ki nonno pirnanet cinne kar ka̱da̱k ki bali enne ke̱,

I̱bu̱ru̱ 5:7

Baling ngen Ye̱su̱ abak lo̱o̱ta̱ ngatu, ala enne Ta̱mu̱ta̱dde̱n ilalek ki̱vi̱ta̱ ti̱la̱lo̱. Ta̱mu̱ta̱dde̱n ci eela nonno daiza. Izik zin u̱lu̱wa̱ cinne eci enne elema kar ku̱tu̱gu̱ zoz ci a̱du̱wa̱k Ta̱mu̱ta̱dde̱n nonno.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Peturu 3:22

I̱yo̱ko̱ zin, uk Ki̱ri̱sto̱ a̱vvu̱ ta̱mu̱-kenga kar kuk ka̱vvu̱ ngati Ta̱mu̱ta̱dde̱no̱ a̱tte̱ ci a̱zzo̱, urumte ki anjilonya ki alaat wak ta̱mu̱-kengo ki alaanzet do̱o̱k a̱gga̱m enne.