2 Ko̱ri̱nto̱ 13:3 - Tennet

³ Kozozi anna zoz ci i̱ye̱le̱ka̱ Ki̱ri̱sto̱. Ming okko enne adiman zoz cunne, iróng enne alali, een ti̱i̱r.

2 Ko̱ri̱nto̱ 13:3 ပူးပေါင်းရင်းမြစ်များ

Ma̱te̱yo̱ 10:20

Iróng zin atin een i̱ge̱t cik ozozu. Ozoz atin Vongizi wa Be̱e̱ti̱nno̱ng ci okko atin a̱du̱wa̱kku̱ng zoz ci atin ovvo a̱du̱wa̱nnu̱.

Lu̱ka̱ 21:15

Eci ka̱a̱nyu̱ng atin anna i̱ge̱ta̱ zoz ki genyiz kar zin ol ne̱k amarinnung ko̱, iróng amuda gool ci aburne zoz cunno̱ng.

1 Ko̱ri̱nto̱ 7:40

Ma̱i̱je̱ i̱no̱ni̱nte̱ cinanni, atalne ngaa neci oroot ngati weda iróng a̱ti̱ye̱ bo̱do̱k. Imma zin zoz necu ka̱du̱wa̱ anna ko̱, ka̱du̱wa̱ ngati kanyahe Vongiz ci Ta̱mu̱ta̱dde̱no̱.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 10:4

Iróng koyoi ol kiwagon aciiri ming oor illa turete lo̱o̱ta̱ ngatu. Abarik, kooryya ol wak adang zoz ci Ta̱mu̱ta̱dde̱no̱ go̱o̱le̱ ci aave do̱, iróng ne̱ke̱ e̱e̱ggi̱n turet cik lo̱o̱tu̱. Abarik kanyak komiz ci zoz ci Ta̱mu̱ta̱dde̱no̱ ci ommog modden do̱o̱k, kidita zin zoz ci adawanet nege agita,

2 Ko̱ri̱nto̱ 12:12

Baling ngen kaavtte bu̱k, ku̱tu̱gu̱ kaal cik i̱ye̱la̱ ke̱e̱ni̱ anna to̱ni̱a̱t ci Ki̱ri̱sto̱ de̱de̱, go̱o̱le̱ ci ku̱tu̱gu̱ kaal cik meelek giir a̱vu̱la̱.

2 Ko̱ri̱nto̱ 2:10

Ming alalneke i̱nna̱ e̱e̱t ba̱ci̱nno̱k, kalalnek anna nonno bu̱k de̱de̱, ming anyak gi̱i̱ imma ci orong kalalek anna nonno kaale ne̱k u̱tu̱gu̱ enne ke̱, kalaleya ngati Ki̱ri̱sto̱ zo̱ze̱ cunne.

2 Ko̱ri̱nto̱ 2:6

Eleno enne ki de̱zi̱ne̱t ci edeze nonno ol cik meelek ko̱.

2 Ko̱ri̱nto̱ 9:8

A̱ma̱yu̱ki̱n zin atin Ta̱mu̱ta̱dde̱n kaale cik orongi i̱nna̱ do̱o̱k, aanyi atin Ta̱mu̱ta̱dde̱n kaal cik meelek kar umuc ol cik meelek kaale cik abunna.