2 Ko̱ri̱nto̱ 13:14 - Tennet

¹⁴ Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.

2 Ko̱ri̱nto̱ 13:14 ပူးပေါင်းရင်းမြစ်များ

Ma̱te̱yo̱ 6:13

Ma anyike ol kitimanteta, abarik eelawet lo̱rye̱nta̱.’

Kaviyak wak Abunna Ta̱mu̱ta̱dde̱no̱ eher Joni 4:10

O̱bo̱de̱k zin Ye̱su̱ nonno, izek ne, “Ming aanyi gi̱i̱ gga̱ mucenet ci Ta̱mu̱ta̱dde̱no̱ ki e̱e̱t ci a̱jji̱nni̱ maam ko̱, a̱jji̱nni̱ wo̱ye̱ i̱nna̱ nonno kar kaanyi maam cik rugeto.”

Kaviyak wak Abunna Ta̱mu̱ta̱dde̱no̱ eher Joni 4:14

Ma̱i̱je̱ e̱e̱ti̱ ci aud maam cik kanyike anna, iróng atin a̱ru̱k koor udut, abarik ovvo maama ne̱ke̱ ogon ki maama cik a̱ri̱ya̱ anyaha ruget ci aave udut.”

Kaviyak wak Abunna Ta̱mu̱ta̱dde̱no̱ eher Joni 7:38

Ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱ azi ne, ming a̱tu̱ya̱ e̱e̱ti̱ imma annita, a̱rri̱ya̱ atin morena cik anyak maam cik rugeto zinine cinne.”

Buk wa To̱ni̱a̱u̱ 15:11

Iróng zin een niko! Ka̱tu̱yya̱ naga eci zo̱ze̱ ci deten ci Manyitinna Ye̱su̱ kurubta naga ti̱ri̱ze̱ne̱t, ki i̱yo̱ko̱ nege bu̱k.”

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

Roma 16:23

I̱tto̱na̱kku̱ng e̱e̱ti̱ ci een Gaius zawinet cinne, een enne e̱e̱t ci abunna, kabai ba̱li̱ye̱ ce̱e̱ze̱ cinne, aanyet enne da̱i̱ne̱t ki olli ke̱le̱ci̱o̱. Okko e̱e̱ti̱ ci een Erastus wa a̱ddi̱ki̱rne̱ li̱ngli̱ngo̱n ci o̱rgu̱, i̱tto̱na̱ zin enne zawinet cinne. Izayung bo̱do̱k oroot gotoneti wa tu̱we̱nto̱ een zara Guartus.

Roma 16:27

Abunna kinnat Ta̱mu̱ta̱dde̱n wa o̱de̱ ṯok niko, a̱gga̱ kaal do̱o̱k, ki̱di̱ngdi̱nga̱ni̱t nonno udut zo̱ze̱ ci Ye̱su̱ Ki̱ri̱sto̱. Nonno nenen.

Roma 5:5

Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.

Roma 8:39

icima kaal cik aavtte ta̱mu̱-kenga, icima cik aavtte lo̱o̱ta̱. I̱llo̱i̱ kaale cik eenyca Ta̱mu̱ta̱dde̱n ko̱ cik engeryet agit rezinte ci Ta̱mu̱ta̱dde̱no̱ ngati Manyitinna Ye̱su̱ Ki̱ri̱sto̱.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

1 Ko̱ri̱nto̱ 14:16

Ming inati i̱nna̱ Ta̱mu̱ta̱dde̱n vongize cunne, iróng wo̱ye̱ e̱e̱ti̱ ci aavtiyyu ki i̱nne̱t ojonun ko̱ a̱gga̱ gool kar kize ne, “Amen” eci enne iróng a̱gga̱ inati i̱nna̱ Ta̱mu̱ta̱dde̱n zo̱ze̱ ci niyo.

1 Ko̱ri̱nto̱ 16:23

Anyik bai deten ci Manyitinna Ye̱su̱ ka̱vvu̱ ngatinno̱ng.

1 Ko̱ri̱nto̱ 3:16

A̱gga̱yyu̱ e̱e̱ggi̱nnu̱ niga e̱le̱tti̱ne̱ Ce̱e̱z wa Ta̱mu̱ta̱dde̱no̱ kar Vongizi ci Ta̱mu̱ta̱dde̱no̱ kabak ngatinno̱ng.

1 Ko̱ri̱nto̱ 6:19

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

2 Ko̱ri̱nto̱ 8:9

A̱gga̱yyu̱ een ba̱li̱ye̱ Manyitinna Ye̱su̱ Ki̱ri̱sto̱ bunnatait oroot, utungek baiz ci abunna ta̱mu̱-kenga kar ki̱ki̱ya̱ katamat lo̱o̱ta̱ ngatu, abunna ming amuda e̱e̱ti̱ ci diiri baiz ci abunna Vongize ci A̱li̱le̱.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 2:18

Eci zo̱ze̱ ci Ki̱ri̱sto̱, kanyak naga do̱o̱k olli Ya̱u̱do̱ ki ol cik iróng een Ya̱u̱d gool ci ka̱vvu̱nna̱k naga Be̱e̱ti̱nna̱ Vongize co̱de̱ Ta̱mu̱ta̱dde̱no̱.

Evesos 2:22

E̱e̱ggi̱nnu̱ zin niga lo̱lo̱i̱t ci ce̱e̱z wa eteeheny Ye̱su̱ ko̱ kar Vongizi ci Ta̱mu̱ta̱dde̱no̱ kabahe.

Evesos 5:9

Eci baizi vooritena anyaha bunnat ki baiz ci abunna ki zoz ci een de̱de̱.

Evesos 6:23

Kala Ta̱mu̱ta̱dde̱n bai wa een Be̱e̱ti̱nna̱ ki Manyi Ye̱su̱ Ki̱ri̱sto̱, kaanyyet gano ki tu̱we̱ne̱t, ki rezinet gotonogget wak tu̱we̱nta̱k do̱o̱k.

Vilipia 2:1

Anyaha baizi cunno̱ng ngati Ki̱ri̱sto̱ zoz ci i̱lo̱ttu̱ niga ol de̱de̱? Anyak rezinet cinne zoz ci irezzu niga ol u̱gge̱ de̱de̱? Anyakku niga de̱de̱ wowonet ki Vongiz? Anyakku i̱rrke̱ne̱t zi̱nze̱tti̱nne̱ cuggo̱k de̱de̱?

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

1 Jon 3:16

Gool zin ci ka̱gga̱we̱ naga rezinet ci een de̱de̱ ko̱ necu: A̱da̱i̱ Ye̱su̱ Ki̱ri̱sto̱ zo̱ze̱ cinna. Abunna zin naga bu̱k baize cinna ming ka̱da̱i̱ zo̱ze̱ ci gotonogget ki ngonogget tu̱we̱nta̱.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.

Ju̱da̱ 1:21

Ming i̱na̱ku̱ng no̱ngi̱tto̱na̱ nu̱nu̱n, abunna ming a̱gga̱yyu̱ ngen Ta̱mu̱ta̱dde̱n irezung niko. E̱re̱yyo̱ zi̱nze̱tti̱nne̱ cik alali ki̱ki̱ya̱ deteni ci Manyitinna Ye̱su̱ Ki̱ri̱sto̱, kar ka̱a̱nyu̱ng ruget wa aave udut.