2 Ko̱ri̱nto̱ 13:11 - Tennet

¹¹ I̱yo̱ko̱ zin, Gotonogga ki ngonogga tu̱we̱nta̱, a̱vvu̱t labak. U̱tu̱gu̱z kaal ju̱rru̱m, u̱zu̱tte̱ zoz ci ku̱du̱wa̱ anna ko̱. Abait ki ol labak. Kala Ta̱mu̱ta̱dde̱n wa anyak rezinet ki gano kar ka̱vvu̱ ngatinno̱ng.

2 Ko̱ri̱nto̱ 13:11 ပူးပေါင်းရင်းမြစ်များ

Kananet 37:4

Baling icinnet gotonoggja irez be̱e̱ti̱nne̱ng Yosevo oroot kommog nogo do̱o̱k, amartoi zin nege nonno kar gon kozozek nonno gerzet.

Kananet 45:24

Kar zin enne ki̱nya̱ma̱ne̱k gotonoggi gool, baling ovvo nege ovvo, a̱nne̱k enne nogo ne, “Ma adangonu goola!”

Ma̱te̱yo̱ 1:23

“Okko atin do̱le̱c ci nga̱a̱ye̱ ngen ka̱ta̱gu̱zzo̱ ki e̱e̱t imma ko̱, anyak atin do̱le̱c ci maci, akanonik atin ol zara cik een Immanuwel” azi keng cinne ne, “Aave Ta̱mu̱ta̱dde̱n ngati een agita.”

Ma̱te̱yo̱ 5:48

Abarik zin abunna ming abakku baiz ci abunna ki Ta̱mu̱ta̱dde̱n cinno̱ng wa een Be̱e̱ti̱nno̱ng wa aave ta̱mu̱-kenga ko̱.

Marko 10:49

Ibil zin Ye̱su̱ kar kize ne, “Du̱wa̱k nonno anyik ki̱ki̱ya̱ ngintu.” U̱tu̱ya̱ zin ol e̱e̱t neci ru̱be̱ni̱ ke̱, a̱nne̱k ne, “Eeh nimo, tinga je̱e̱na̱, i̱jja̱ awuyi Ye̱su̱.”

Marko 9:50

“Abunna mile, ma̱i̱je̱ ming amaktal, adiman wo̱ye̱ e̱e̱ti̱ kize mile bo̱do̱k ku̱? Anyait mediz ci milo e̱le̱tti̱ne̱ cuggo̱k, kar a̱vvu̱t labak ki ol do̱o̱k.”

Lu̱ka̱ 9:61

Okko bo̱do̱k e̱e̱ti̱ imma azi ne, “Kanuyi atin anna i̱nne̱ta̱, Manyi; ma̱i̱je̱ arrak ja kuk ce̱e̱za̱ kuk ku̱du̱wa̱k ol cigannik.”

Kaviyak wak Abunna Ta̱mu̱ta̱dde̱no̱ eher Joni 17:23

Ko̱do̱wi̱na̱ anna ki nogo kar zin bo̱do̱k i̱nna̱ ki annita ko̱do̱ye̱. Anyik bai nogo kurumte ko̱do̱ye̱ ṯok kar anyik ol wak lo̱o̱tu̱ ka̱gga̱c ming een i̱nne̱t ci i̱tto̱na̱na̱n, irezzit zin nogo ki bali ming irezang annit ke̱.”

Buk wa To̱ni̱a̱u̱ 15:29

Ma adakku da̱i̱ne̱t cik amuci ol ta̱mu̱ta̱dde̱n ci adimanai azzine, ma adakku i̱di̱ng ci ngen anyak bi̱ye̱ icima e̱le̱gi̱t ci adal ol, ma e̱e̱ggi̱nnu̱ a̱li̱ya̱k. Ogonnu atin ju̱rru̱m ming azunnu lo̱ti̱nno̱k ne̱ko̱. Oot labak.

Buk wa To̱ni̱a̱u̱ 18:21

Baling uk enne, u̱du̱wa̱k nogo, a̱nne̱k ne, “Ming aanya Ta̱mu̱ta̱dde̱n gool, kokko atin anna koboda.” Ottod zin Pa̱u̱lo̱ i̱bo̱ Ephesuskte kar kuk.

Buk wa To̱ni̱a̱u̱ 23:30

Ma baling kiziya anna zoz ci adawane ol nonno orong ku̱ru̱we̱t ka̱da̱k, ki̱tto̱na̱i̱ zin anna i̱nne̱t nonno lak co̱de̱ niko. Ku̱du̱wa̱ha̱ bo̱do̱k anna ol balik abure nong ngatinne ke̱ kar kanyaktai i̱nne̱t zoz cinne̱ng.

Roma 12:16

Abait ki ol do̱o̱k zi̱nze̱tti̱nne̱ cik voorik. Ma odongnyu e̱le̱tti̱ ki ci a̱gga̱yyu̱ niga kaal do̱o̱k, abarik izet gonen ki ol do̱o̱k.

Roma 12:18

Itimanit ju̱rru̱m gool ci abakku ki ol do̱o̱k yahe.

Roma 14:19

Abunna zin gon odohize kogon kaal cik abunna kar kabait yahe ki ol wak a̱tu̱we̱ do̱o̱k, kar tu̱we̱ne̱t cinna̱ng kuk oowa.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

Roma 15:33

Kala Ta̱mu̱ta̱dde̱n wa aanyyet gano, anyik bai gano ka̱vvu̱ ngatinno̱ng do̱o̱k. Nonno nenen.

Roma 16:20

A̱du̱l atin Ta̱mu̱ta̱dde̱n wa anyak gano ko̱ Sitan kar korocek nonno lo̱o̱c zone cigunnek. Anyik deten ci Manyitinna Ye̱su̱ ka̱vvu̱ ngatinno̱ng.

1 Ko̱ri̱nto̱ 1:10

Kilalekkung gotonogga ki ngonogga tu̱we̱nta̱, zare cik Manyitinna Ye̱su̱ Ki̱ri̱sto̱, abunna ming owowonu niga do̱o̱k kar ki̱zzi̱ zoz ci anyaha ngero orgen cunno̱ng kar abait baiz ngati arumenu nga̱to̱de̱ ki i̱no̱ni̱ co̱de̱.

2 Ko̱ri̱nto̱ 1:4

Eelannet ming i̱ta̱i̱t kaala cik gerzek, abunna ming keela ol u̱gge̱ cik anyak no̱ngi̱tto̱n cik a̱u̱ce̱ ko̱ bu̱k, eelante bali aanyyet Ta̱mu̱ta̱dde̱n agit ke̱.

2 Ko̱ri̱nto̱ 13:14

Anyik de̱ti̱ne̱t wa Manyi Ye̱su̱ Ki̱ri̱sto̱ ki rezinet wa Ta̱mu̱ta̱dde̱no̱ ki wowonet ci Vongiz ci A̱li̱le̱ ka̱vvu̱to̱ ngatinno̱ng do̱o̱k.

2 Ko̱ri̱nto̱ 13:9

Ming iróng naga kokkomi nu̱nu̱n, katalninna eci niga okkomnu, kalayya Ta̱mu̱ta̱dde̱n abunna ming ogonnu ju̱rru̱m kommog baiz necu.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 4:3

U̱tu̱gu̱z kaal do̱o̱k ju̱rru̱m kar Vongizi ci Ta̱mu̱ta̱dde̱no̱ ka̱a̱nyu̱ng zi̱nze̱tti̱ cik abakku nga̱to̱de̱. U̱tu̱gu̱z zoz necu ngati abakku labak.

Evesos 6:23

Kala Ta̱mu̱ta̱dde̱n bai wa een Be̱e̱ti̱nna̱ ki Manyi Ye̱su̱ Ki̱ri̱sto̱, kaanyyet gano ki tu̱we̱ne̱t, ki rezinet gotonogget wak tu̱we̱nta̱k do̱o̱k.

Vilipia 1:27

Ming i̱na̱ku̱ng no̱ngi̱tto̱na̱ uggak, abait baiz ci abunna anyahak bunnat kaviyaha cik Ki̱ri̱sto̱. Ming ki̱vo̱nnu̱ng icima iróng ka̱kku̱ni̱, ka̱gga̱ atin anna abakku niga baiz ju̱rru̱m nga̱to̱de̱, okkomnu kak, ogon ki e̱e̱ti̱ co̱de̱ ming a̱tu̱ kaviyak cik abunna.

Vilipia 3:16

Abunna zin naga ming kemenna kowo go̱o̱le̱ ci baiz ci bali kurubta een de̱de̱ ko̱.

Vilipia 4:2

I̱yo̱ko̱ kilalekkung i̱ge̱t ngonogget cik e̱e̱ggi̱nnu̱ rama ko̱ Euodia ki Syntyche abunna ming ungneku dango lo̱o̱c, elemit e̱le̱tti̱ zo̱ze̱ ci Manyi.

Vilipia 4:4

Ataltto odohize zo̱ze̱ ci Manyi baize cunno̱ng! Kobodonik ka̱du̱wa̱ dee, ataltto.

Vilipia 4:9

I̱li̱ngli̱ngte̱ kaal cik edemeztu niga icima a̱gga̱ma̱nnu̱ icima iziktu icima icinntu ngatinanni. Kar Ta̱mu̱ta̱dde̱n ci een manyi gano ka̱vvu̱ ngatinno̱ng.

1 Te̱se̱lo̱ni̱ka̱ 3:10

Kalayya gon Ta̱mu̱ta̱dde̱n tu̱p kaal zi̱nze̱tti̱nne̱ cik a̱wu̱ce̱ kar kaanyyet gool ci ki̱vo̱nnu̱ng abunna ming kedemezung ti̱lo̱wi̱nte̱ ci Ta̱mu̱ta̱dde̱no̱ ci a̱zze̱ tu̱we̱nte̱ cunno̱ng ko̱.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

1 Te̱se̱lo̱ni̱ka̱ 4:18

I̱ti̱lo̱zzo̱ kar eelta e̱le̱tti̱ cuggo̱k zo̱ze̱ necu.

1 Te̱se̱lo̱ni̱ka̱ 5:13

Eci ogonekku̱ng kaal cik abunna, o̱to̱ngo̱o̱ltte̱ nogo kar irezzit nogo oroot. Abait bo̱do̱k labak.

1 Te̱se̱lo̱ni̱ka̱ 5:16

Abait kize voori zi̱nze̱tti̱ odohize,

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

2 Te̱se̱lo̱ni̱ka̱ 3:1

Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱.

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

2 Ti̱mo̱te̱yo̱ 2:22

Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.

I̱bu̱ru̱ 12:14

Abait baiz ci abakku ki ol yahe ki baiz ci a̱li̱le̱, eci ol wak abak baiz ci caale do̱ niko cik atin acin Manyi.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

Je̱mi̱s 1:4

Abunna nimenet no̱ngi̱tto̱n ming edeca li̱ngli̱ngo̱n cinne baize cunne kar atin i̱nna̱ a̱vvu̱ ju̱rru̱m, ize i̱nna̱ e̱e̱t ci anyai arizet baiza, i̱llo̱i̱ gi̱i̱ imma ci a̱zze̱ ngatunne to.

1 Peturu 3:11

Abunna la̱du̱n enne ming uungnek kaal cik mu̱nye̱nu̱ kar ku̱tu̱gu̱ kaal cik abunna; abunna la̱du̱n ming orong enne gano kar kaanyik kize baiz cinne.

1 Peturu 3:8

I̱yo̱ko̱ zin, abunna niga do̱o̱k ming elemannu zoz necu. Irezit e̱le̱tti̱ kiwagon gotonoggeti ki ngonogget wak a̱tu̱we̱, izet ol cik i̱rrke̱nu̱, ma odongnyu e̱le̱tti̱ ciggo̱k.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

O̱no̱zzo̱k 22:21

Anyik bai deten ci Manyi Ye̱su̱ ka̱vvu̱ ngati olli Ta̱mu̱ta̱dde̱no̱ do̱o̱k. “Nonno nenen.”