2 Ko̱ri̱nto̱ 13:10 - Tennet

¹⁰ Keherakkung anna i̱ge̱t waraga cu ming ngen kuzucaung. Gi̱i̱ ci zin iróng anna kerenyekkung doize ci aanya Manyi annita, ming kokko ka̱kku̱na̱ku̱ng. Aanya ba̱li̱ye̱ enne doiz neci kar keelaung, iróng kegerezannung.

2 Ko̱ri̱nto̱ 13:10 ပူးပေါင်းရင်းမြစ်များ

1 Ko̱ri̱nto̱ 4:21

I̱yo̱ko̱ zin, orongnyu niga jang? Orongnyang niga annit ki̱ki̱ya̱u̱ng i̱ge̱t kanyaha ki a̱lli̱, icima rezinta ki muluwe ci alali?

1 Ko̱ri̱nto̱ 5:4

Ming arumenu niga zare cik Manyitinna Ye̱su̱, kaave anna bu̱k ki i̱ge̱ta̱ vongiza, kar doizi ci Manyitinna Ye̱su̱, ka̱vvu̱to̱ ngatinna.

2 Ko̱ri̱nto̱ 10:2

Anyak ol u̱gge̱ cik azi ne ku̱tu̱gu̱zza̱ naga ki ol cik iróng a̱tu̱we̱. Korongi zin kinim zoz kar kovocak atin ol zoz. I̱yo̱ko̱ ming kokko anna koboda, kokko kovocak nogo zoz, ma aanyyang kozoziung go̱o̱le̱ necu.

2 Ko̱ri̱nto̱ 10:4

Iróng koyoi ol kiwagon aciiri ming oor illa turete lo̱o̱ta̱ ngatu. Abarik, kooryya ol wak adang zoz ci Ta̱mu̱ta̱dde̱no̱ go̱o̱le̱ ci aave do̱, iróng ne̱ke̱ e̱e̱ggi̱n turet cik lo̱o̱tu̱. Abarik kanyak komiz ci zoz ci Ta̱mu̱ta̱dde̱no̱ ci ommog modden do̱o̱k, kidita zin zoz ci adawanet nege agita,

2 Ko̱ri̱nto̱ 10:8

Egerebo, kodonga i̱yo̱ko̱ gon anna ele idic komize bali aanya Manyi ke̱, abunna ming keelannung kar kidiman tu̱we̱ne̱t cunno̱ng kuk oowa, iróng kegerezani tu̱we̱ne̱t cunno̱ng, iróng zin adaka a̱li̱ya̱ni̱ ngati ka̱li̱ngli̱nge̱ komize cinanni.

2 Ko̱ri̱nto̱ 13:2

Baling kokko anna keronakkung lak rama, ku̱du̱wa̱u̱ng kedezzung atin ming iróng e̱e̱ti̱ imma abiliz mu̱nye̱n. Kaave anna reena ngatinno̱ng i̱yo̱ko̱, ma̱i̱je̱ ngatu ka̱du̱wa̱kku̱ng zoz ci okkomi.

2 Ko̱ri̱nto̱ 13:8

Kogon naga gi̱i̱ co̱de̱ ṯok ci kanuwe kaviyak cik Ki̱ri̱sto̱ abunna, iróng kadang zoz ci een de̱de̱, abarik kanu zoz ci een de̱de̱ do̱.

2 Ko̱ri̱nto̱ 2:3

Zoz zin ci ketehera waraga ba̱li̱ye̱ ko̱, abunna ming kokko anna ka̱kku̱ni̱, gerza ming iróng ol ne̱ke̱ aanya ka̱vvu̱ labak, aburnekka nong. Korongi zin anna abunna ming atalninnu niga kar anna bu̱k katalo. Karikku̱ng anna i̱ge̱t zinin do̱o̱k, abunna ming kozol talninet cinanni ko̱ ki i̱ge̱t nga̱to̱de̱.

2 Ko̱ri̱nto̱ 6:6

Ma̱i̱je̱ ngatu, ki̱ye̱la̱nna̱ gon naga gi̱i̱ ci kanyakka doize ci Vongiz ci A̱li̱le̱ Ta̱mu̱ta̱dde̱no̱ ki rezinet cinne wa een de̱de̱ go̱o̱le̱ ci kabaka baiz wa abunna, ki genyiz ki i̱rrke̱ne̱t, ki bo̱do̱k kanyakka zi̱nze̱tti̱ cik alali.

Ti̱to̱ 1:13

Een zin zoz necu de̱de̱, ti̱lo̱ zin abarik i̱nna̱ nogo ju̱rru̱m, kar zin kokommit tu̱we̱nte̱ cinne̱ng.