2 Ko̱ri̱nto̱ 12:20 - Tennet

²⁰ Abile zinin je̱e̱na̱, ming kokko anna keronakkung, kamudannung iróng ol uggak abak baiz ci korongi anna. Ko̱ngo̱o̱le̱ anyak ol u̱gge̱ ngatinno̱ng cik adang e̱le̱tti̱, icima een mederyok, icima adunye zi̱nze̱tti̱, icima irez e̱le̱tti̱ cigge̱k do̱, icima ozoz ol, icima odom ol u̱gge̱. Odong uggak e̱le̱tti̱, ovvo uggak ogon kaal cabak.

2 Ko̱ri̱nto̱ 12:20 ပူးပေါင်းရင်းမြစ်များ

Roma 1:29

E̱e̱ggi̱n kaala ne̱k gerzek aavtte zi̱nze̱tti̱nne̱ cigge̱k ko̱, gerziten, ki meder, ki zi̱nze̱tti̱ cik a̱ppi̱nte̱k, ki munyenet ol, ki dangonet, ki gool ci alabane ol kaal, ki etteddo ki ol zo̱o̱, omomot ol,

Roma 1:30

a̱du̱wa̱k ol zoz ci gerze, amarine Ta̱mu̱ta̱dde̱n. A̱ppi̱k e̱le̱tti̱, ozozik ol gerzet, odong e̱le̱tti̱, i̱no̱n odohize gi̱i̱ imma ci gerze een jor. Iróng ol ne̱ko̱ o̱ngo̱o̱le̱ be̱e̱ti̱gge̱k.

Roma 2:8

Imma ngati ol wak a̱ppi̱nte̱k zi̱nze̱tti̱, ogon kaal cik gerzek, i̱ye̱la̱ atin enne mozinet cinne ngati e̱e̱t ci abure zoz ci een de̱de̱.

1 Ko̱ri̱nto̱ 1:11

Gotonogga, ka̱du̱wa̱ zoz necu ko̱ eci anyak gotonogget ce̱e̱ze̱ ci Kaleo cik a̱du̱wa̱ka̱ annit ming anyakku niga dango orgene cunno̱ng.

1 Ko̱ri̱nto̱ 14:33

Eci Ta̱mu̱ta̱dde̱n iróng orong ngotaninet, abarik enne orongnyet agit ka̱vvu̱t labak ganonta. Ming ovvo olli Ta̱mu̱ta̱dde̱no̱ arume nga̱to̱de̱ ke̱le̱ci̱a̱,

1 Ko̱ri̱nto̱ 5:2

Kar abarik odongnyu e̱le̱tti̱ zo̱ze̱ necu. Omozinnu weete abarik, kar iróng ngen owowonu ki e̱e̱t ci ogon kaal cik gerzek ko̱.

2 Ko̱ri̱nto̱ 1:23

Korongi Ta̱mu̱ta̱dde̱n kize bbacait cinanni, abunna ming kaave reena ngatinno̱ng, iróng ka̱mi̱re̱ rok Ko̱ri̱nto̱.

2 Ko̱ri̱nto̱ 10:2

Anyak ol u̱gge̱ cik azi ne ku̱tu̱gu̱zza̱ naga ki ol cik iróng a̱tu̱we̱. Korongi zin kinim zoz kar kovocak atin ol zoz. I̱yo̱ko̱ ming kokko anna koboda, kokko kovocak nogo zoz, ma aanyyang kozoziung go̱o̱le̱ necu.

2 Ko̱ri̱nto̱ 10:6

Ming iziyu i̱nna̱ zoz ci ka̱du̱wa̱nna̱ naga ko̱, kedezza zin atin ol wak iróng o̱ngo̱o̱le̱.

2 Ko̱ri̱nto̱ 12:21

Ko̱ngo̱o̱le̱ ming kokko atin anna ki̱vo̱nnu̱ng, aanya atin Ta̱mu̱ta̱dde̱n a̱li̱ya̱n. Acirit atin zinin eci ol cik meelek ngatinno̱ng ngen kutungget baiz bali reeni mu̱nye̱nu̱ ke̱. Ngen niga ogonnu kaal cik gerzek.

2 Ko̱ri̱nto̱ 13:2

Baling kokko anna keronakkung lak rama, ku̱du̱wa̱u̱ng kedezzung atin ming iróng e̱e̱ti̱ imma abiliz mu̱nye̱n. Kaave anna reena ngatinno̱ng i̱yo̱ko̱, ma̱i̱je̱ ngatu ka̱du̱wa̱kku̱ng zoz ci okkomi.

2 Ko̱ri̱nto̱ 2:1

I̱yo̱ko̱ zin, kodola anna zo̱ze̱ cu: Iróng atin anna keronakkung kar i̱vi̱ta̱ utuburet nong.

Ga̱la̱ti̱a̱ 5:15

Ma̱i̱je̱ ming oronnu niga e̱le̱tti̱ne̱ adawanu gonoggu, u̱zu̱tte̱ e̱le̱tti̱, ma egerzannu gonoggu.

Ga̱la̱ti̱a̱ 5:26

Gerza ming kodong e̱le̱tti̱, icima kanyike e̱e̱t imma kutubur nong. Gerza ming kanyak meder kaale cik ollu.

Je̱mi̱s 4:11

Gotonogga ki ngonogga tu̱we̱nta̱, ma ozozu gonoggu gerzet. Ming ozoz e̱e̱ti̱ imma gooni gerzet icima apahek nonno lo̱ki̱ko̱, abarik ozoz enne gerzet zo̱ze̱ ci lo̱ti̱nno̱k kar kapahek lo̱ki̱ko̱. Ming apahek i̱nna̱ lo̱ki̱ko̱ lo̱ti̱nno̱k, iróng i̱nna̱ azunne nogo, abarik i̱nna̱ odongi ele ngati lo̱ti̱nno̱k ne̱ke̱.

1 Peturu 2:1

Niga gotonogga ki ngonogga tu̱we̱nta̱, ki i̱yo̱ko̱ ming izetu ol cik a̱tu̱yyu̱ Ye̱su̱ Ki̱ri̱sto̱ ko̱, ma amarnonu, ma adaccu gonoggu, ma anyakku meder, ma ozozu ol gerzet, ma e̱e̱ggi̱nnu̱ ol cik a̱ru̱kku̱ talaben.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

Ju̱da̱ 1:16

E̱e̱ggi̱n ol ne̱ko̱ ol cik acucut tu̱p niko; annu nege kaal cik gerzek lo̱rye̱nto̱ amin zi̱nze̱tti̱ cigge̱k; odong e̱le̱tti̱ kar kalabta ol u̱tu̱ge̱tti̱ne̱ cik emede kar kurubta kaal cik orong nege ngatinne̱ng.